ဆက်သွယ်ရေးနည်းပညာ တော်လှန်ရေး၏ ကဏ္ဍသစ် ဖွင့်လှစ်ခြင်း

ရန်ကုန်မြို့တွင် စမတ်ဖုန်းဖြင့် ဓာတ်ပုံရိုက်နေသူတစ်ဦးကို တွေ့ရစဉ် (ဓာတ်ပုံ − Steve Gilmore)

သုံးနှစ်တာ ကာလအတွင်း မြန်မာနိုင်ငံ၏ ဆက်သွယ်ရေးကွန်ရက် နည်းပညာ ဖွံ့ဖြိုးမှုက အံ့မခန်း မြန် နှုန်းမျိုးဖြင့် တိုးတက်လာခဲ့သည်။ အဆိုပါ တိုးတက်မှုသည်ပင်လျှင် နိုင်ငံ၏ ရုပ်ပိုင်းနှင့် နည်းပညာပိုင်း သွင်ပြင် လက္ခဏာများကို ပြောင်း လဲထုဆစ်လာခဲ့သည်။

၂၀၁၄ တွင် ဆက်သွယ်ရေး ကဏ္ဍ၌ နိုင်ငံခြားကုမ္ပဏီများကို ပါဝင်ယှဉ်ပြိုင်ရန် စတင်ခွင့်ပြုပေးခဲ့ပြီးနောက် နိုင်ငံအနှံ့တွင် မိုဘိုင်း တာဝါတိုင်များ ထောင်နှင့်ချီ ထိုးထိုးထောင်ထောင် ထွက်ပေါ်လာ သည်။ မြန်မာနိုင်ငံတွင် ဖိုက်ဘာ ကြိုးလိုင်းများ သွယ်တန်းမှုက ကီလိုမီတာ သုံးသောင်းကျော်မျှ ရှိလာပြီဖြစ်သည်။ မိုဘိုင်းဖုန်း ကိုင် ဆောင်သူဦးရေသည် ယခင်က ၁၀ ရာခိုင်နှုန်းဝန်းကျင်သာ ရှိခဲ့ရာ မှ နိုင်ငံလူဦးရေ စုစုပေါင်း၏ ၇၀ ရာခိုင်နှုန်းကျော်ထိ များပြားလာသည်။ အင်တာနက် မြန်နှုန်းများ လည်း ပိုကောင်းလာပြီး လူတစ်ဦးချင်း အင်တာနက်ဒေတာ သုံးစွဲမှု သည် ယခင်နှင့် ယှဉ်ပါက အဆ ၁,၅၀၀ မျှထိ တိုးပွားလာခဲ့သည်။

ပထမအဆင့်အဖြစ် အခြေခံအဆောက်အအုံပိုင်းကို အာရုံစိုက် မြှင့်တင်ခဲ့ပြီးနောက် ယခုအခါ ဒုတိယအဆင့်ကို ချင်းနင်းဖြတ်သန်းနေပြီ ဖြစ်သည်။ ဒုတိယအဆင့်သည် သုံးစွဲသူများအတွက် အွန်လိုင်းမှတစ်ဆင့် သတင်းအ ချက်အလက် အကြောင်းအရာများ အပါအဝင် ဖြစ်နိုင်ခြေ လိုအပ်ချက်အားလုံး ပံ့ပိုးရန်ဖြစ်သည်။ ယင်းဝန်ဆောင်မှုတွင် လူကြိုက်များသည့် ကိုရီးယားရုပ်မြင်သံ ကြား ဇာတ်လမ်းတွဲများ၊ မြန်မာပေါ့ပ်သီချင်းများမှအစ ဆေးဝါးနှင့်ပညာရေးဆိုင်ရာ အကြံပေးအထောက်အပံ့များထိ ကဏ္ဍပေါင်းစုံ အကျုံးဝင်သည်။

‘‘ဆရာဝန်တွေ၊ သူနာပြုတွေက ဗီဒီယိုတိုက်ရိုက်ထုတ်လွှင့်ပြီး အကြံပေး ပြောဆိုတာမျိုးတွေ မြင်လာရလိမ့်မယ်’’ဟု ပြည်တွင်းအင်တာနက် တပ်ဆင်ရေးဝန်ဆောင်မှုကုမ္ပဏီ Frontiir မှ အမှုဆောင်ချုပ် ဦးဝေလင်းထွန်းက မှတ်ချက်ပေးခဲ့ သည်။ နေပြည်တော်တွင် Myan-mar Connect ဟူသော အမည်ဖြင့် စက်မှုညီလာခံတစ်ခုကိုလည်း စက်တင်ဘာလလယ်က ကျင်းပခဲ့သည်။ ‘‘အဲဒါမျိုးတွေက နောက်ထပ် ၁၀ နှစ်၊ နှစ် ၂၀ အတွင်း ဖြစ်လာမှာမဟုတ်ဘူး။ လာမယ့် ၂ နှစ်ကနေ ၅ နှစ်အတွင်းလောက်မှာ တင် မြင်လာရလိမ့်မယ်’’ဟု ၎င်းကဆိုသည်။

မြန်မာနိုင်ငံ၏ နည်းပညာထိုးထွင်းဖန်တီးမှုကဏ္ဍတွင် ဦးဆောင်လုပ်ငန်းတစ်ခုဖြစ်သည့် Phan-deeyar က ၎င်းတို့၏ ခြေလှမ်း သစ်များကို အရှိန်တစ်ဆင့်မြှင့်ရန် စတင် အားထုတ်နေပြီဖြစ်သည်။ ၎င်းတို့၏ လုပ်ငန်းစဉ်များထဲတွင် ကျောင်းသားများအနေဖြင့် အွန်လိုင်းတွင် သင်ရိုးများ ရှာဖွေနိုင်ရန် နှင့် ဆေးရုံ၊ ဆေးခန်းများထံ ဒစ် ဂျစ်တယ် ဆေးမှတ်တမ်းများ ချိတ်ဆက်ပေးနိုင်မည့် App မျိုး ဖန်တီး ပေးရန်လည်း ပါဝင်ကြောင်း Phandeeyar ၏ အမှုဆောင်ချုပ် ဂျက်စ်ကာလီဘီ ပက်တာဆန်က ပြောကြားသည်။

သို့သော် ဆက်သွယ်ရေး နည်းပညာ အခြေခံဝန်ဆောင်မှုများ၏ လတ်တလော အာရုံစိုက်မှုသည် ပညာရေးထက်ဖျော်ဖြေရေး ကဏ္ဍ တွင်သာ အာရုံကျရောက်လျက်ရှိ သည်။ မလေးရှား ဗီဒီယိုထောက် ပံ့ရေး ဝန်ဆောင်မှုလုပ်ငန်း Iflixသည် မြန်မာနိုင်ငံ ဈေးကွက်တွင်ပြိုင်ဘက် Netfilx နှင့် မတ်လအ တွင်း ပူးပေါင်းလာခဲ့သည်။ ပြင်သစ် ရုပ်မြင်သံကြားလိုင်း Canal+က မြန်မာ့ဈေးကွက်ထဲဝင်ရန် ပြည်တွင်းကုမ္ပဏီ Forever Groupနှင့် ပူးပေါင်းမည်ဟု နှစ်ဆန်းပိုင်း က ကြေညာခဲ့သည်။ ပြည်တွင်းရှိ Pyone Play နှင့် Mahar ကဲ့သို့ လုပ်ငန်းများကလည်း အွန်လိုင်းတွင် Streaming အထောက်အပံ့ ပေးမှုများ စတင်လာသည်။

‘‘ကုမ္ပဏီတချို့က မြန်မာရုပ် ရှင်တွေနဲ့ ရုပ်မြင်သံကြား ဇာတ်လမ်းတွဲတွေကို မူပိုင်ခွင့်ဝယ်ယူပြီး အွန်လိုင်းဝန်ဆောင်မှု တစ်ခုတည်းက ပြသလာတာမျိုး တွေ့နေရပါ ပြီ။ ဂီတသမားတွေကလည်း သူတို့ရဲ့ တေးသီချင်းတွေကို Strea-ming တင်ပေးဖို့ ပလက်ဖောင်း သစ်တွေ ရှာနေကြပြီ’’ဟု ရန်ကုန် အခြေစိုက် Nexlab ကုမ္ပဏီကို ထူထောင်ခဲ့သည့် ဦးရဲမြတ်မင်းက ဆိုသည်။

ပြောင်းလဲလာသည့် အခြေအနေများက ကုမ္ပဏီအချင်းချင်း ပူးပေါင်းပြီး အင်တာနက် ဝန် ဆောင်မှုများ ထောက်ပံ့ရေး ပိုမိုတွန်းအားပေးလာခဲ့သည်။ မြန်မာ နိုင်ငံ၏ မိုဘိုင်းအော်ပရေးရှင်း အဓိက ကုမ္ပဏီကြီး သုံးခုဖြစ်သည့် Ooredoo၊ Telenor နှင့် MPT တို့သည် အခြားသော ကုမ္ပဏီ၊ အဖွဲ့အစည်းများနှင့် လက်တွဲလာကြ သည်။ Iflix က ၎င်းတို့သည် Ooredoo နှင့် လက်တွဲရှေ့ဆက် မည်ဟု ဇွန်လအတွင်းက ကြေညာ ခဲ့သည်။

ဂျပန် နည်းပညာကုမ္ပဏီကြီး များဖြစ်သည့် KDDI၊ Sumitomoတို့နှင့် လုပ်ငန်းပိုင်း ပူးပေါင်း ဆောင်ရွက်နေသည့် MPT က လည်း မကြာမီတွင် ContentProvider ကုမ္ပဏီအချို့နှင့် လက် တွဲသွားမည်ဟု MPT-KDDI Sumitomo ကမ္ဘာလုံးဆိုင်ရာ အော်ပရေးရှင်းဌာန၏ အကြီးအ ကဲ ယိုရှီအာကီဘီနင်နိုက ပြော ကြားခဲ့သည်။

လန်ဒန်တွင် မှတ်ပုံတင်ထား ပြီး မြန်မာ့လူမှုမီဒီယာ ကုမ္ပဏီ တစ်ခုအဖြစ် ဖွဲ့စည်းထားသည့် MySQUAR က အမျိုးသားရထား ကွန်ရက်တွင် အခမဲ့ Wifi စနစ် ထောက်ပံ့ရေးအတွက် အခြားသော ပြည်တွင်းကုမ္ပဏီများနှင့် သဘောတူစာချုပ် လက်မှတ်ရေး ထိုးခဲ့ကြောင်း အောက်တိုဘာ ၁၉ ရက်က ထုတ်ပြန်သည်။ Strea-ming Content များအတွက် အခကြေးငွေ ပေးချေနေသည့် သုံးစွဲသူ များက ဝင်ငွေလည်ပတ်မှု ရေစီးကြောင်းကို ပါဝင်ဖော်ဆောင်မည် ဟု ယုံကြည်ကြောင်း MySQUAR က ဆိုသည်။

Broadband ပြိုင်ဆိုင်မှုများ

အွန်လိုင်းမှ Content များ ရှာဖွေမှုကို တွန်းအားပေး ဖော်ဆောင်ခြင်းသည် မြန်မာပြည်သူ များ၏ အင်တာနက်သုံးစွဲမှု ပုံစံကိုပြောင်းလဲစေရန် အားထုတ်မှု တစ်ခုဟုလည်း ယူဆနိုင်သည်။ မြန်မာနိုင်ငံတွင် ဆက်သွယ်ရေးနည်းပညာ ဆင့်ကဲပြောင်းလဲမှုများ သည် အလွန်နောက်ကျပြီးမှ ဖြစ်လာခဲ့သည်။ လူအများစု၏ အင်တာနက်သုံးစွဲမှု အတွေ့အကြုံ သည် မိုဘိုင်းကိရိယာများပေါ်တွင် အခြေခံမွေးဖွားလာခဲ့သည်။ သုံးနှစ်တာ အတောအတွင်း မြန်မာနိုင်ငံ၏ အင်တာနက်သုံးစွဲမှုသည် စမတ်ဖုန်းများပေါ်တွင် အဓိက အခြေတည်နေခဲ့သည်။ ဖုန်းဖြင့်အင်တာနက် သုံးစွဲသူ ၈၀ ရာခိုင်နှုန်းမျှသည် Facebook နှင့် YouTube တစ်ခုခုကိုသာ အသုံးပြုနေခြင်းဖြစ်သည်။

၂၀၁၆ အတွင်း LIRNEasiaက ကောက်ယူသော စစ်တမ်းတစ်ရပ်၌ မိုဘိုင်းဖုန်းမှမဟုတ်ဘဲ ရရှိသည့် အင်တာနက်အထောက်အပံ့ ကို အသုံးပြုနေသည်မှာ ၁ ရာခိုင် နှုန်းအောက်သာရှိကြောင်း ဖော်ပြထားသည်။ ယခုအခါ အင်တာ နက်ဝန်ဆောင်မှု ထောက်ပံ့သည့် ကုမ္ပဏီများသည် နေအိမ်များတွင် Broadband အင်တာနက်များ တိုးမြှင့် တပ်ဆင်ပေးရန် မျှော်လင့် ပြင်ဆင်လာခဲ့သည်။

‘‘Broadband က ပေါက်နိုင်ပါတယ်’’ဟု Frontiir မှ ဦးဝေလင်းထွန်းက နေပြည်တော်တွင် ညီလာ ခံ တက်ရောက်လာသူများကို ပြောကြားခဲ့သည်။ ‘‘အထိုင်တပ်ဆင် ထားတဲ့ Broadband တွေ စလာနေပါပြီ။ နေအိမ်တွေကို သင့်တင့်တဲ့ အခကြေးငွေနှုန်းထားမျိုးနဲ့ ထောက်ပံ့လာနိုင်ပါလိမ့်မယ်’’ ဟု လည်း ၎င်းက မှတ်ချက်ပေးခဲ့ သည်။

Frontiir ကဲ့သို့ အင်တာနက်ချိတ်ဆက်ရေး ဝန်ဆောင်မှုပေး သော လုပ်ငန်းများသည် လမ်းကြောင်းနှစ်သွယ် ကွဲထွက်သွားသည်။ တစ်ခုမှာ ကြိုးမဲ့ကွန်ရက် စနစ် ထောက်ပံ့ခြင်းဖြစ်ပြီး နောက်တစ်မျိုးက မြေပေါ်၊ မြေအောက် ဖိုင်ဘာလိုင်းများဖြင့် အင်တာနက်ဆက်သွယ်ပေးခြင်းဖြစ်သည်။ IPအသစ်များစွာ တိုးပွားလာသည့် တိုင် လတ်တလောတွင်မူ နေအိမ် သုံး Broadband များသည် မြို့ကြီးများရှိ ကန့်သတ်နယ်မြေများ ၌သာ ရရှိနိုင်သေးသည်။ လူနေကျဲပါးရာဒေသများတွင် တပ်ဆင် ရန် မဖြစ်နိုင်သေးချေ။

ဈေးနှုန်းသင့်တင့်မှုနှင့်ပတ် သက်၍ အလေးထားစဉ်းစားနေ သည့်တိုင် ပြီးခဲ့သည့် နှစ်အတွင်း အင်တာနက် သုံးစွဲခများသည် ၅၀ရာခိုင်နှုန်းမှ ၇၅ ရာခိုင်နှုန်းထိ ကျဆင်းနှင့်ပြီးဖြစ်ကြောင်း Nexlabမှ ဦးရဲမြတ်မင်းက သုံးသပ်ခဲ့သည်။ လာမည့်နှစ်တွင်မူ အင်တာနက် သုံးစွဲခများ နောက်ထပ် ၅၀ ရာခိုင် နှုန်းမျှ ထပ်မံကျဆင်းသွားရန် စက် မှု ကျွမ်းကျင်ပညာရှင်များက မျှော် လင့်ထားသည်။

အင်တာနက် သုံးစွဲခများ ဈေးကျသွားသည့် အရေးပါသော အ ကြောင်းရင်းတစ်ခုမှ ဆက်သွယ်ရေးဝန်ဆောင်မှု ကုမ္ပဏီကြီးများ က ပြည်တွင်း Broadband ဈေး ကွက်ထဲ ဝင်ရောက်လာခြင်းဖြစ် သည်။ ထိုအခြေအနေသည် ပုံမှန်အရွေ့တစ်ခုဟု ယူဆနိုင်သည်။ ယခုအခါ မြန်မာနိုင်ငံရှိ ဖုန်းအော်ပရေတာ ကုမ္ပဏီကြီး သုံးခု၌ အခ ပေးစနစ်ဖြင့် အသုံးပြုနေသည့် ဖုန်း SIM ကတ်ပေါင်း ၅၂ သန်းမျှရှိနေသည်။ မြန်မာနိုင်ငံ၏ လူဦး ရေမှာ ၅၃ သန်းဖြစ်သည်။ အင်တာနက် သုံးစွဲမှုအတွက် ဈေးနှုန်းလျှော့ ချ ပြိုင်ဆိုင်မှုများကြောင့် ယခုနှစ်အတွင်း ဒေတာသုံးစွဲမှုမှ တစ်မဂ္ဂါ ဘိုက်လျှင် မြန်မာငွေ ၁ ဒသမ ၂၅ ကျပ်နှုန်းထိ ဈေးကျလာသည်။

သုံးစွဲသူ တစ်ဦးချင်းစီထံမှ ရရှိသည့် ပျမ်းမျှ ငွေကြေးမှာလည်း ယခင်ထက် နည်းပါးလာခဲ့သည်။ ယခုအခါ မြန်မာနိုင်ငံအတွက် စတုတ္ထမြောက် ဖုန်းအော်ပရေတာ အသစ်အဖြစ် ဗီယက်နမ်မှ Viettelနှင့် မြန်မာကုမ္ပဏီများ ပေါင်းစည်း ထားသည့် Mytel ကလည်း ၂၀၁၈ တွင် ဈေးကွက်ထဲ ဝင်လာတော့မည်ဖြစ်သည်။ ပြိုင်ဆိုင်မှု များလာလေလေ Broadband အသုံးပြု ရေး အလားအလာနယ်ပယ်က ပိုမိုစိမ်းလန်းသာယာလေလေ ဖြစ်လာဖွယ်ရှိသည်။

Telenor သည် ရန်ကုန်ရှိ ရွေးချယ်ထားသော မြို့နယ်အချို့ တွင် အိမ်တိုင်ရာရောက် ဖိုက်ဘာဆက်ကြောင်း Broadband ချိတ်ဆက်ပေးမည့် လမ်းပြပရောဂျက် တစ်ခုကို အကောင်အထည်ဖော် လျက်ရှိသည်။ အထူးသဖြင့် အသုံး ပြုမှု ပိုမိုများပြားမည့်နေရာများကို ဦးစားပေး ထောက်ပံ့မည်ဟု Telenor Myanmar အမှုဆောင်ချုပ် လားစ်အဲရစ်ခ် တဲလ်မန်းကဆိုသည်။ အဆိုပါ ဝန်ဆောင်မှု သည် ပြိုင်ဘက်များနှင့် ယှဉ်ပါကဈေးနှုန်း ငါးဆမှ ၁၀ ဆထိ သက်သာလိမ့်မည်ဟု Telenor ဝက်ဘ်ဆိုက်တွင် ရေးသားထားသည်။

MPT က Broadband ဈေးကွက်ထဲသို့ ဩဂုတ်လတွင် စဝင် လာသည်။ MPT ၏ နေအိမ်သုံး ဖိုက်ဘာ Package များကို သတ် မှတ်ခဲ့ပြီး ဈေးနှုန်းအရလည်း Telenor ကို ယှဉ်ပြိုင်ရန် ရည်မှန်းထားဟန်ရှိသည်။ လာမည့်နှစ် ဆန်းတွင် ရန်ကုန်နှင့် မန္တလေးမြို့ ကြီးများ၌ Broadband ဝန်ဆောင်မှု အထောက်အပံ့များ ဖြန့်ကြက် မည်ဖြစ်ပြီး ၂၀၁၈ အတောအတွင်း အခြားသောမြို့ကြီးများ၌ပါ ကွန် ရက်များ ထူထောင်သွားမည်ဟု ဘီနင်နိုက ပြောကြားခဲ့သည်။ လာ မည့် ၁၂ လအတွင်း မြန်မာနိုင်ငံ၌ Broadband အသုံးပြုနိုင်စွမ်းမှာ သိသိသာသာ တိုးတက်လာမည် ဟုလည်း ၎င်းကမှန်းဆခဲ့သည်။

ထိုကုမ္ပဏီများနှင့် ယှဉ်ပါက Broadband ဈေးကွက်တွင် Ooredoo က အတန်ငယ် နောက် ကျခဲ့သည်ဟု ဆိုနိုင်သည်။ အောက်တိုဘာ ၂၁ ရက်တွင်မူ Ooredoo က ပြည်တွင်းရှိ အင်တာနက် ဝန်ဆောင်မှု ထောက်ပံ့ရေး လုပ်ငန်း ရတနာပုံ တယ်လီပို့နှင့် လက်တွဲမည်ဟု ကြေညာခဲ့သည်။ နိုဝင်ဘာကစ၍ မန္တလေးမြို့နှင့် အနီးတစ်ဝိုက်တွင် ဖိုက်ဘာ Broadband ဝန်ဆောင်မှု စတင်နိုင်ရန် စီစဉ်ထားကြောင်း Ooredooက ဆိုသည်။ ကာတာအခြေစိုက် ကုမ္ပဏီကြီးက အချိန်အတိုင်းအ တာတစ်ခုအတွင်း မြန်မာနိုင်ငံရှိ အခြားသော မြို့ကြီးအချို့တွင်ပါ ဝန်ဆောင်မှုပေးနိုင်မည်ဟု ထုတ် ပြန်ခဲ့သည်။

ဩဂုတ်အတွင်းက ထွက်ပေါ်လာသည့် MPT ၏ ကြေညာ ချက်နှင့်အတူ ပုဂ္ဂလိက ပြိုင်ဘက်ကုမ္ပဏီများကြား ဈေးနှုန်းလျှော့ချ ၍ ပြိုင်ဆိုင်မှုများ စတင်အရှိန်ရ လာပြီဖြစ်သည်။ အချို့ကုမ္ပဏီများက ဈေးကို ထက်ဝက်လျှော့သည့် အပြင် အင်တာနက်မြန်နှုန်းကို နှစ်ဆမြှင့်တင်ပေးရန် ကမ်းလှမ်းလာ သည်။ နောက်ထပ် ပြိုင်ဆိုင်မှုအသစ်များလည်း ထပ်ပေါ်လာဦး မည်မှာ သံသယရှိစရာမလိုပေ။ ထို့ အပြင် ပြည်တွင်းရှိ Broadband ထောက်ပံ့သည့် ကုမ္ပဏီလေးခုကို လည်း ဒေသကြီးသုံးခု၌ လုပ်ငန်း ဆောင်ရွက်ခွင့်အတွက် လေလံစနစ်ဖြင့် ဆုံးဖြတ်ကာ အာဏာပိုင် များက ခွင့်ပြုထားပြီးဖြစ်သည်။

Global Technology က နေပြည်တော်အပါအဝင် နယ်ပယ်ဧရိယာတစ်ခုတွင် ဝန်ဆောင်မှုများ၂၀၁၈ ဧပြီ၌ စတင်လာမည်ဟု ခန့်မှန်းရသည်။ Amara Commu-nications က ရန်ကုန်နှင့် မန္တလေးတို့တွင် ၂၀၁၇ မကုန်မီ လုပ်ငန်းစတင်နိုင်ရန် မျှော်လင့်နေသည်။ ၎င်းတို့ ဝင်ရောက်လာမှုက Broadband ဝန်ဆောင်မှု နယ်ပယ် ရှိ ကုမ္ပဏီအားလုံးအတွက် တပ် လှန့်မှုလည်း ဖြစ်လာကြောင်း Frontiir မှ ဦးဝေလင်းထွန်းက မှတ်ချက်ပေးခဲ့သည်။


ပြည်တွင်း အော်ပရေတာများ၏ ပြိုင်ဆိုင်မှုကိုတွေ့ရစဉ်  (ဓာတ်ပုံ − Steve Gilmore)

Bandwidth ချဲ့ထွင်မှုများ

Broadband ကွန်ရက်များ ဖြန့်ကြက်မှုတွင်သာ အားလုံး၏ အာရုံက ကျရောက်နေသည်တော့ မဟုတ်ချေ။ မိုဘိုင်းဖုန်းအသုံးပြုကွန်ရက်များ၏ မြန်နှုန်းသည်လည်း ယခုနှစ်အတွင်း နှစ်ဆမျှ ပိုမြန်လာသည်။ အဓိက အကြောင်းရင်းမှာ 4G ကွန်ရက်များ အသုံးပြုခွင့်ရလာခြင်းကြောင့်ဖြစ်သည်။ သယ်ဆောင်ရလွယ်ကူ ခြင်း၊ ဈေးသက်သာခြင်း၊ မြန်ဆန်ခြင်း အစရှိသည့် အားသာချက်များကြောင့် ကုမ္ပဏီအမှုဆောင်ချုပ်များ၊ ကျောင်းသူကျောင်းသားများ ကဲ့သို့ လူတန်းစား အလွှာများတွင်စမတ်ဖုန်း အခြေပြု Hotspot များ ကို ပိုမိုအသုံးပြုနေဆဲဖြစ်သည်။

‘‘လက်ရှိမှာတော့ မိုဘိုင်းဖုန်းမှာ လုပ်နိုင်တာမျိုး Broadband မှာ လုပ်ဖို့ သိပ်အဆင်မပြေသေးဘူး။ သမားရိုးကျ အင်တာနက် အသုံးပြု သူတွေအနေနဲ့ လတ်တလောမှာ နေအိမ်အသုံးပြု Broadband တွေ တပ်လာမယ်လို့ မထင်ဘူး။ Broadband အသုံးပြုမှုကို သာမန်အနေအထားလို့ ယူဆနိုင်လောက် တဲ့အဆင့်ထိ မရောက်မချင်းဆိုပါ တော့’’ဟု ပက်တာဆန်က ဆို သည်။

မည်သို့ပင်ဖြစ်စေ မြန်နှုန်းနှင့် ဝန်ဆောင်မှု နှစ်ခုသည် ပိုမို ကောင်းသထက်ကောင်းအောင် မြှင့်တင်ရန် ရွေးချယ်စရာကဏ္ဍ များအနေဖြင့် ရှိနေသည်။ ကုန်းတွင်းနှင့် ရေအောက်မှ သွယ်တန်း လာသည့် ကေဘယ်ဆက်ကြောင်း များက မြန်မာနိုင်ငံ၏ အင်တာနက် မြန်နှုန်း Bandwidth များအတွက် အလားအလာကောင်းကို ဖော် ဆောင်ပေးနေသည်။ ဒေသတွင်း ဆက်သွယ်ရေးဝန်ဆောင်မှုလုပ် ငန်းများ ဆောင်ရွက်နေသည့် စင်ကာပူကုမ္ပဏီ Campana မှ အမှုဆောင်ချုပ် ဦးမျိုးအုန်းက မြန်မာနိုင်ငံ၏ အင်တာနက် အသုံးပြုမှု စုစုပေါင်းသည် တစ်စက္ကန့် လျှင် ၃၂၄ ဂစ်ဂါဘိုက်မျှထိ ရှိနေ ကြောင်း ဆိုသည်။ သို့တိုင်အောင်တောင်းဆိုမှုက ထောက်ပံ့နိုင်သည့် အတိုင်းအတာကို ကျော်လွန်နေဆဲ ဖြစ်သည်။

ဦးမျိုးအုန်းက တစ်စက္ကန့်လျှင်အချက်အလက် စီးဆင်းမှုပမာဏ ၃၂၄ ဂစ်ဂါဘိုက်ဆိုသည်မှာ ယမန်နှစ်ကနှင့်ယှဉ်လျှင် နှစ်ဆပိုများ ကြောင်း ရှင်းပြသည်။ ချိတ်ဆက်မှုအသစ်များ ပိုမိုတိုးပွားလာခြင်း နှင့်အတူ အင်တာနက် သုံးစွဲမှုနှုန်း သည် နှစ်စဉ် နှစ်ဆမျှတိုးသွားပြီး ၂၀၂၀ (သို့မဟုတ်) ၂၀၂၁ များတွင် တစ်စက္ကန့်၌ ၁ တက်ထရာ ဘိုက်ထိရှိလာမည်ဟု ၎င်းက သုံးသပ်သည်။ ဥပမာအားဖြင့် Cam-pana သည် နိုင်ဝင်ဘာတွင် ထိုင်းနယ်မိတ်ကို ဖြတ်ကျော်ရယူထား သော ဝန်ဆောင်မှုကို နိုဝင်ဘာ တွင် စတင်ရယူမည်ဖြစ်ပြီး ကိုယ်ပိုင် ပင်လယ်ရေအောက် မြန်မာ-စင်ကာပူ ကေဘယ်သွယ်တန်းရန် လည်း စီစဉ်နေသည်။

အဆိုပါ ရေအောက်သွယ် တန်းမှုသည် လာမည့် ၁၅ နှစ်မှ နှစ် ၂၀ မျှ ကာလအတွင်း မြန်မာနိုင်ငံ၏ Bandwidth တောင်းဆို မှုကို အလျင်မီအောင် ဖြည့်ဆည်း နိုင်လိမ့်မည်ဟု ဦးမျိုးအုန်းက ပြော ကြားခဲ့သည်။ အဆိုပါ ရေအောက်ကြိုးလိုင်းသည် တစ်စက္ကန့်လျှင် အချက်အလက် ပမာဏ ၂၀ တက်ထရာဘိုက်ထိ ပေးပို့နိုင်ရာ လက်ရှိ မြန်မာနိုင်ငံ၏ လိုအပ်သော အ တိုင်းအတာထက် အဆ ၆၀ ကျော်ပိုများသည်။ ယင်းကေဘယ်လိုင်း သည် ၂၀၁၈ နှောင်းပိုင်းတွင် စတင် အသုံးပြုလာနိုင်မည်ဟု မျှော်လင့်ရသည်။

ယခုနှစ် မတိုင်မီအထိ Cam-pana အနေဖြင့် ယင်းကဲ့သို့ ဝန်ဆောင်မှုမျိုး ထောက်ပံ့ကမ်းလှမ်း နိုင်စွမ်း မရှိခဲ့ချေ။ အဘယ်ကြောင့် ဆိုသော နိုင်ငံတကာနှင့် ချိတ်ဆက်နိုင်သည့် Gateway လိုင်စင် များကို မိုဘိုင်းအော်ပရေတာ ကုမ္ပဏီကြီး သုံးခုကသာ ပိုင်ဆိုင်ထား၍ ဖြစ်သည်။ တစ်နည်းအား ဖြင့် နိုင်ငံတကာနှင့် ချိတ်ဆက်လိုသည့် အင်တာနက်ဝန်ဆောင်မှု ကုမ္ပဏီတိုင်းသည် ၎င်းတို့ထံမှ တစ် ဆင့်ခံ ဖြတ်သန်းရမည့် သဘော သက်ရောက်သည်။ သို့သော် အစိုးရက လုပ်ငန်းကြီးများသာ နယ်ခြားဖြတ်ကျော် အင်တာနက်ချိတ်ဆက်နိုင်ခွင့်ကို ချုပ်ကိုင်ထားသည့် အခြေအနေကို ပယ်ဖျက်ခဲ့ပြီးနောက် ပြည်တွင်းကုမ္ပဏီ ၁၁ ခုထိ အဆို ပါ လိုင်စင်များ ခွင့်ပြုချက်ရလာ သည်။ ယင်းတို့အနက် Campana၏ မြန်မာနိုင်ငံ အခြေစိုက် လက်ခွဲ ကုမ္ပဏီလည်း ပါဝင်ခဲ့သည်။ အင် တာနက် သွယ်တန်းမှု လက်ကားဈေးနှုန်းများ စတင်ကျဆင်းလာ မည်ဖြစ်ပြီး ယင်းနောက်တွင် လက်လီဈေးများပါ လိုက်ကျမည့် သဘောရှိနေသည်။

Campana အတွက်မူ ၎င်းတို့ ၏ ကေဘယ်ဆက်ကြောင်းများ နေရာချပြီးနောက် ရှေ့ဆက်မည့် ခြေလှမ်းသစ်မှာ မြန်မာနိုင်ငံ၏ ပထမဆုံး အင်တာနက် အိတ်ချိန်း ကို ဖန်တီးရန်ဟု ဦးမျိုးအုန်းက ဆို သည်။ အဆိုပါ အိတ်ချိန်းတွင် မြန်မာနိုင်ငံရှိ Content နှင့် ဒေတာပိုင်း ထောက်ပံ့သည့် ကုမ္ပဏီများ အားလုံး ဆုံစည်းနိုင်ရန်နှင့် Cam-pana ၏ ရေအောက်ဆက် ကြောင်းကို အသုံးပြုကာ စင်ကာပူ ရှိ ကြီးမားသော အင်တာနက် အိတ်ချိန်းနှင့်ပါ ချိတ်ဆက်ပေးရန် ဆောင်ရွက်မည်ဟု သိရသည်။

ဒါဟာ ဒေတာ အီကိုစနစ်သစ်တစ်ခု ပေါ်ထွန်းလာဖို့ အထောက် အပံ့ ဖြစ်စေပါလိမ့်မယ်။ Cloudဝန်ဆောင်မှု၊ Content Streamingပိုင်းနဲ့ Content Cache တွေ အတွက်ရောပေါ့။ အကျိုးဆက် အနေနဲ့ မြန်မာနိုင်ငံဟာ ခေတ်သစ် ကမ္ဘာကြီးနဲ့ ပိုပိုပြီး ထိတွေ့နီးစပ် လာပါလိမ့်မယ်’’ဟုလည်း ၎င်းက ပြောကြားသွားသည်။

(Nikkei Asian Review ၏ STEVE GILMORE ရေးသားသော Myanmar's telco revolution opens new chapter ဆောင်းပါး ကို ဇွဲရဲဝင့်ဘာသာပြန်ဆိုသည်။)

Top News