မြန်မာ့ပင်လယ်လိပ်များကို အမေရိကန်ထောက်ပံ့မှုဖြင့် ထိန်းသိမ်းမည်

မျိုးသုဉ်းလုနီးပါးအန္တရာယ်နှင့် ရင် ဆိုင်နေရသော မြန်မာ့အဏ္ဏဝါလိပ်ထိန်းသိမ်းစောင့်ရှောက်ရေးရန်ပုံ ငွေ၏ထောက်ပံ့မှုဖြင့် ပင်လယ် လိပ်ထိန်းသိမ်းစောင့်ရှောက်ရေး အစီအစဉ် ဆောင်ရွက်မည်ဖြစ် သည်။  အဏ္ဏဝါပင်လယ်ပြင်တွင် ပင်လယ်လိပ်များပေါပေါများများ ရှိခဲ့သော်လည်း အကြောင်းအမျိုး မျိုးကြောင့် မျိုးသုဉ်းပျောက်ကွယ် ရန် ခြိမ်းခြောက်ခံနေရပြီး မြန်မာ နိုင်ငံတွင်လည်း ကုန်းလိပ်နှင့်ရေချိုလိပ် ထိန်းသိမ်းစောင့်ရှောက်ရေး ကို ထိန်းသိမ်းရေးအဖွဲ့များက ပြု လုပ်နေသော်လည်း ပင်လယ်လိပ် ထိန်းသိမ်းရေးလုပ်ဆောင်သည့် အဖွဲ့အစည်းများ နည်းပါးနေ၍ ပင်လယ်လိပ်ထိန်းသိမ်းရေး စတင်ဆောင်ရွက်မည်ဖြစ်သည်။ 


 ပင်လယ်လိပ် ထိန်းသိမ်း စောင့်ရှောက်ရေး ပထမအဆင့်အ နေဖြင့် ထားဝယ်လောင်းလုံးကျွန်း အနီးနှင့် ဘိုကလေး ကဒုံကနိတို့ တွင် ပင်လယ်လိပ်များ ထိန်းသိမ်း ခြင်း၊ သားဖောက်ခြင်းနှင့် လက် တွေ့လေ့ကျင့်ခြင်းကို ဒေသခံများ အား အသိပညာပေးခဲ့ကြောင်း အပြည်ပြည်ဆိုင်ရာ တောရိုင်းတိရစ္ဆာန်နှင့် အပင်များအဖွဲ့ (FFI)မြန်မာနိုင်ငံ အစီအစဉ်၊ အဏ္ဏဝါထိန်းသိမ်းရေးအစီအစဉ် ညွှန်ကြားရေးမှူး ဦးဇော်လွန်းက ပြောကြား သည်။ 

‘‘အသိပညာပေး သင်တန်း လေးစလိုက်တာ။ ဒါ အစပေါ့။ နောက်ပိုင်း ဒါကို အခြေခံပြီး ပင် လယ်လိပ်ထိန်းသိမ်းရေးကို ကျယ် ကျယ်ပြန့်ပြန့် ဆက်လုပ်ဖို့လည်း အစီအစဉ်ရှိပါတယ်’’ဟု ဦးဇော် ထွန်းက ပြောသည်။ 

  ပင်လယ်လိပ်များသည် ယခင်က ပေါပေါများများရှိခဲ့သော် လည်း ငါးဖမ်းပိုက်များတွင် မတော်တဆဖမ်းဆီးမိပြီးနောက် စားသုံးလိုက်ခြင်း၊ ဥများစားသုံးခြင်း၊ လိပ်ဥရန် သောင်ရှားပါးလာခြင်းတို့ ကြောင့် တဖြည်းဖြည်းမျိုးသုဉ်းလာ ခြင်းဖြစ်သည်။ 

 ‘‘အရင်ကဆို ဘိုကလေး ဘက်မှာ လိပ်ဥတဲ့ သောင်ခုနစ်ခု ရှိတာကနေ အခု သုံးခုပဲ ကျန်တော့ တယ်။ ဥမရတော့ သားပေါက်မရ တော့ဘူး။ အဲဒီတော့ လိပ်ကောင် ရေက တဖြည်းဖြည်းကျလာတယ်။ ငါးဖမ်းပိုက်ထဲ ပါသွားတာတို့၊ သူ များ သတ်စားတာတို့လည်းရှိတော့ တဖြည်းဖြည်းနဲ့ ရှားလာတာ’’ဟု သားငှက်ထိန်းသိမ်းရေးအဖွဲ့(မြန် မာနိုင်ငံ အစီအစဉ်)နှင့် လိပ်မျိုး ဆက်ရှင်သန်ရေးအဖွဲ့မှ လိပ်ထိန်း သိမ်းရေးလုပ်ဆောင်သူ ဦးကျော် သူဇော်ဝင်းက ပြောသည်။ 

မြန်မာနိုင်ငံတွင် လိပ်စောင်း လျား၊ ပြင်သာလိပ်၊ လိပ်ခွေး၊ လိပ်ကြက်တူရွေး၊ လိပ်လောင်းဟူ၍ ပင်လယ်လိပ်ငါးမျိုးနေထိုင်ကျက် စားပြီး ယင်းတို့သည် မျိုးသုဉ်းလာသဖြင့် ဖမ်းဆီးသတ်ဖြတ်ခြင်း၊ သယ်ဆောင်ခြင်း၊ ရောင်းဝယ် ဖောက်ကားခြင်းတို့ကို တားမြစ်ထားသည်။

ပင်လယ်လိပ် ထိန်းသိမ်း စောင့်ရှောက်ရေး အစီအစဉ်ကို ငါးလုပ်ငန်းဦးစီးဌာန၊ သစ်တော ဦးစီးဌာန၊ FFI နှင့် တက္ကသိုလ်များ ပူးပေါင်း ဆောင်ရွက်နေသည်။ 

Top News