ဝေးလွင့်ကင်းကွာ နှစ်တစ်ရာ (သင့်လူ)

လက်တင်အမေရိကသည် မိမိတို့မြန်မာပြည်နှင့် အလွန်အလှမ်းကွာဝေးသော နိုင်ငံများဖြစ်၍ ယင်း ဒေသရှိ လူများ၏ကိုးကွယ်မှု၊ လူနေမှုစရိုက်သဘာဝ နှင့် စာပေယဉ်ကျေးမှုတို့သည် အစိမ်းသက်သက်ဖြစ် နေပါသည်။ အနောက်နိုင်ငံများဖြစ်သော ဥရောပနှင့် အမေရိကန်စာပေကို အကျွမ်းတ၀င်ရှိသော်လည်း ထိုလက်တင်အမေရိက၏စာပေကား မြန်မာတို့ အတွက် အစိမ်းသက်သက်သာရှိခဲ့သည်။ လက်တင် အမေရိကမှ ဘရာဇီးနိုင်ငံသားစာရေးဆရာကြီး ဂျူအန်၊ ဂီမာရိန်(ချ)ဟော်စာနှင့် မာစီ အစ်ကလီ ယာ၊ မက္ကဆီကိုစာရေးဆရာကြီး ကာလို့(စ)ဖျူအမ် တေး(စ)၊ ဥရုဂွေးစာရေးဆရာကြီးဗာလော့တာ လဗ ရယ်ရိုး၊ ပီရူးစာရေးဆရာကြီး ရိုဒေါ်(လ)ဖို ဟီနိုစတျို စာ၊ ကျူးဘားစာရေးဆရာကြီးဗီ(ရ)ရှီးလီယိုပီညယ် ရားအစရှိသည့် မျက်မှောက်ခေတ်ထင်ရှားသောစာ ပေအနုပညာရှင်တို့၏ လက်ရာများကို ဖတ်မိဖို့ရာ ဝေလာဝေး။ အမည်နာမပင် မနည်းမှတ်ကြရမည်ဖြစ် သည်။ ယင်းတို့အထဲတွင် မြန်မာစာဖတ်ပရိသတ်နှင့် အနီးစပ်ဆုံးလက်တင်အမေရိကစာရေးဆရာကြီး နှစ်ဦးမှာ ချီလီနိုင်ငံမှ နီရူဒါနှင့် ကိုလံဘီယာမှ ဂေဘရီ ရယ်ဂါစီယာမာကေး(ဂါစီယာမားကွစ်)တို့ဖြစ်သည်။ နီရူဒါသည် ကဗျာဆရာကြီးတစ်ဦးဖြစ်သလို ဆရာ ဒဂုန်တာရာ၏ ဆောင်းပါးများတွင် မကြာခဏထည့် သွင်းရေးသားခဲ့၍ မြန်မာစာဖတ်ပရိသတ် ရင်းနှီး ပြီးဖြစ်သည်။ ဂါစီယာမာကေးကိုလည်း ထင်ရှား သော၎င်း၏ရေးဟန် ပဉ္စလက်သရုပ်မှန် (Magical Realism) ဖြင့် ရင်းနှီးပြီးဖြစ်ပါသည်။


စာရေးသူသင့်လူသည် လွန်ခဲ့သောခြောက်နှစ် က အဆိုပါစာပေနိုဗယ်ဆုရဂါစီယာ မာကေး၏ကမ္ဘာ ကျော်ဝတ္ထုကြီးဖြစ်သော One Hundred Years of Solitude ကိုမြန်မာဘာသာသို့ပြန်ဆိုကာစာအုပ်အ ဖြစ် ပထမအကြိမ်ထုတ်ခဲ့သည်။ မူရင်းစပိန်ဘာသာ ဖြင့် ရေးသားသောဝတ္ထုကို အနောက်တိုင်း၏ မာ ကေးဟု နာမည်ကျော်သော Gregory Rabassa ၏ အင်္ဂလိပ်ဘာသာပြန်မှတစ်ဆင့် ပြန်ဆိုခဲ့ခြင်းဖြစ် သည်။ ပထမအကြိမ်ထွက်စဉ်က စာရေးသူသင့်လူကို လူသိမများသေးသလို ဖြန့်ချိရေးအခက်အခဲ ကြောင့် မပျံ့နှံ့ခဲ့။ ထို့နောက် စာအုပ်ဈေးကွက်အတွင်း ငုပ်လျှိုးနေပြီး ယခုတစ်ဖန် အသစ်ပြန်လည် ထွက်လာခြင်းဖြစ်သည်။ 

ဂါစီယာမာကေးသည် ယခုစာအုပ်မတိုင်မီက ၀တ္ထုရှည်သုံးပုဒ်ရေးခဲ့သော်လည်း စာဖတ်သူများက စိတ်မ၀င်စားလှ။ သူသည် အမေရိကတိုက်တွင်လှည့် လည်နေထိုင်ရင်း နောက်ဆုံးမက္ကဆီကိုမြို့တော်၌ အ ခြေချခဲ့သည်။ မက္ကဆီကိုတွင် နေထိုင်ရင်း တဖြည်း ဖြည်း ငယ်စဉ်ဘ၀အကြောင်းကို ၀တ္ထုပြန်လည်ရေး ဖွဲ့လိုသောစိတ်ကူးရရှိခဲ့ကာ အချိန်တိုင်းလိုလို တွေး တောနေသော်လည်း မရေးဖြစ်ခဲ့။ တစ်နေ့မိသားစုနှင့် အတူ အဝေးပြေးလမ်းမကြီးပေါ်ကားမောင်းသွားစဉ် ရုတ်တရက်ရလာသောစကားလုံးများကြောင့် အိမ် ပြန်လှည့်ကာ ကရားရေသွန်ရေးထုတ်မိရာမှယခု ၀တ္ထုကြီးပေါ်ထွက်လာပါသည်။ ထိုအချိန်ကစ၍ မာ ကေးသည် မည်သည့်နေရာမျှမသွား၊ မည်သည့်အ လုပ်မျှ မလုပ်တော့ဘဲ ဤ၀တ္ထုကြီးကို တစ်နှစ်ခွဲတိတိ အပတ်တကုတ်ရေးသားခဲ့သည်။ မိသားစုစားဝတ်နေ ရေးအတွက် ဇနီးက အိမ်တွင်ရှိသည့်ပစ္စည်းများ ရောင်းချကာ ရပ်တည်ခဲ့ရသည်။ နောက်ဆုံး ဘာမျှ ရောင်းစရာမရှိတော့သည့်အခါ ဤ၀တ္ထုစာမူကြမ်းကို ကြိုတင်ရောင်းထုတ်ကာ စားရေးသောက်ရေးဖြေရှင်း ခဲ့ရသည်။ မာကေးအားထုတ်မှုက အလဟဿမဖြစ် ခဲ့။ ထိုသို့မဖြစ်ရုံမက ထိုဝတ္ထုကြီးကြောင့် ကမ္ဘာကျော် ခဲ့သလို စာပေနိုဗယ်ဆုလည်းရခဲ့သည်။ ကမ္ဘာ့စာပေ နယ်ပယ်တွင်လည်း ပဉ္စလက် သရုပ်မှန် ရေးဟန်ဟူ၍ ပေါ်ပေါက်ခဲ့လေသည်။ 

ထို့ကြောင့် ကမ္ဘာကျော်စာအုပ် ၁ဝ၀၊ မဖတ် မဖြစ်စာအုပ် ၁၀၀ နှင့် ကမ္ဘာ့ဂန္ထ၀င်စာအုပ် ၁၀၀ တို့ တွင် ထိပ်တန်း၌ရပ်တည်ခဲ့သော ယခုဝတ္ထုကြီးနှင့် ပတ်သက်၍ ဇာတ်လမ်းသဘောကိုမူရင်းရသပျက် မည်စိုး၍ မဖော်ပြလိုတော့။ မိမိတို့နိုင်ငံမှမိုင်ပေါင်း ထောင်ချီကွာဝေးသော လက်တင်အမေရိက၏စာပေ အနုပညာ မည်သို့မည်ပုံရှိကြောင်း အေးအေးလူလူ အချိန်ပေးကာ  ဖတ်ရှုစေလိုပါသည်။ စာအုပ်ကို ကံ့ကော်ဝတ်ရည်စာပေက တန်ဖိုး ၆,၅၀၀ ကျပ်ဖြင့် ထုတ်ဝေဖြန့်ချိပါသည်။

Top News