မိုဘိုင်းဟန်းဆက်များ တံဆိပ်ခေါင်းကပ်ရောင်းချရန် ဝန်ကြီးဌာနခွင့်ပြုချက် စောင့်ဆိုင်းနေဟုဆို

မိုဘိုင်းဟန်းဆက်အရောင်းဆိုင်တစ်ဆိုင်ကို တွေ့ရစဉ် ဓာတ်ပုံ − ဂျေမောင်မောင်(အမရပူရ)

မိုဘိုင်းဟန်းဆက်များ တံဆိပ်ခေါင်းကပ် ရောင်းချရမည် ဟူသော လုပ်ငန်းစဉ်ကို စတင်ရန် စီမံကိန်းနှင့် ဘဏ္ဍာရေးဝန်ကြီး ဌာန ခွင့်ပြုချက်စောင့်ဆိုင်းနေရကြောင်း ပြည်တွင်းအခွန်များ ဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောသည်။

မိုဘိုင်း ဟန်းဆက်များကို တရားဝင် တင်သွင်းသူထက် တရားမဝင် တင်သွင်းနေသည့် အရေအတွက် ပိုများပြားနေ သဖြင့် အရောင်းဆိုင်များတွင် တံဆိပ်ခေါင်းကပ် ရောင်းချရန် ပြည်တွင်းအခွန်များ ဦးစီးဌာနက ကြိုးစား ဆောင်ရွက်နေကြောင်း ၎င်းက ပြောသည်။

အချို့သော ပြည်သူများ သည် မိုဘိုင်းဖုန်း ဝယ်ယူရာတွင် ကုန်သွယ်ခွန် (တန်ဖိုး၏ ၅ ရာခိုင် နှုန်း) ထပ်မံပေးဆောင်ရမည်ဟု ထင်မှတ်နေသော်လည်း တံဆိပ်ခေါင်းကပ်၍ ရောင်းချ သည့်စနစ်သည် အခွန်ပေး ဆောင်၍ တင်သွင်းထားသည့် ဟန်းဆက်များအတွက် ထပ်မံ ပေးဆောင်ရန် မလိုအပ်ကြောင်း၊ တရားမဝင်တင်သွင်းထားသည့် ဟန်းဆက်များသာ အခွန် ၅ ရာ ခိုင်နှုန်းကို ကုမ္ပဏီက ထပ်မံပေး ဆောင်ရမည်ဖြစ်ကြောင်း Sam- sung ကုမ္ပဏီ ပြောရေးဆိုခွင့်ရှိ သူ ကိုဇာနည်ဝင်းထက်က ပြော သည်။ ဟန်းဆက်အရောင်းဆိုင် တစ်ခုသည် မြို့နယ်အလိုက် အခွန်ဦးစီးဌာနက တံဆိပ်ခေါင်း များ ရယူ၍ ရောင်းချပြီး ဟန်း ဆက်များနှင့်ပတ်သက်၍ ကုန် သွယ်ခွန် ၅ ရာခိုင်နှုန်းကို လစဉ် ပြန်လည်ရှင်းလင်းရမည်ဆိုပါက လုပ်ငန်းစဉ်သည် ရှုပ်ထွေးမှုများ နှင့် ရင်ဆိုင်ရမည်ဟု အသေးစား ဟန်းဆက်အရောင်းဆိုင် ဖွင့်လှစ် ထားသူ ဒေါ်ချိုချိုက ပြောသည်။

မိုဘိုင်းဟန်းဆက် တင်သွင်း သည့်နယ်ပယ်တွင် အာဆီယံ နိုင်ငံများ တင်သွင်းသည့်အခွန်နှင့် တရုတ်နိုင်ငံ လမ်းကြောင်းက တင်သွင်းသည့်အခွန် တူညီမှုမရှိ ကြောင်း အာဆီယံအခွန်သည် ဈေးနှုန်း သက်သာသော်လည်း တရုတ်နိုင်ငံက တင်သွင်းသည့် အခွန်သည် စုစုပေါင်း ၁၂ ရာခိုင် နှုန်းဝန်းကျင်အထိ ပေးဆောင်ရ ကြောင်း ဟန်းဆက်ကုန်သည် အချို့က ပြောသည်။

တယ်လီဖုန်း ကိရိယာနှင့် ဆက်စပ်ပစ္စည်းရောင်းဝယ်၊ စမ်း သပ်ပြသခွင့်လိုင်စင် ၁၅၇ ခု ထုတ်ပေးထားကြောင်း ဆက် သွယ်ရေးညွှန်ကြားမှုဦးစီးဌာနက ထုတ်ပြန်ထားပြီး လွန်ခဲ့သော ခြောက်နှစ်အတွင်း မိုဘိုင်း ဟန်းဆက် ၁၇ သန်းကျော် တရား ဝင် တင်သွင်းခဲ့ကြောင်း စီမံကိန်း နှင့် ဘဏ္ဍာရေးဝန်ကြီးဌာနက ထုတ်ပြန်ထားသည်။

 ‘‘အရက်ဈေးကွက်လို ဖြစ် လာမှာပဲ ကျွန်တော်တို့က ကြောက်တာ။ ဆောင်တဲ့လူက ဆောင်၊ မဆောင်တဲ့လူက မဆောင်ဆိုရင် ဆောင်နေတဲ့ ကျွန်တော်တို့က လမ်းဘေး ရောက်သွားမှာ’’ဟု Unique ဟန်း ဆက်အရောင်းဆိုင် မန်နေဂျင်း ဒါရိုက်တာ ကိုကျော်ဆန်းဦးက ပြောသည်။

Top News