အမျိုးသားများတွင် ဖြစ်ပွားသော ရင်သားကင်ဆာနှင့်ပတ်သက်၍ သိထားရမည့်အချက်များ

အမျိုးသားများတွင် အမျိုးသမီးများကဲ့သို့ ရင်သားမျိုးမရှိသော် လည်း ၎င်းတို့တွင် သေးငယ်သော ရင်သားတစ်သျှူးပမာဏ ပါရှိ သည်။ အရွယ်ရောက်ပြီး အမျိုးသားတစ်ဦး၏ ရင်သားများသည် အပျိုဖော်မ၀င်မီ မိန်းကလေးငယ်တစ်ဦး၏ ရင်သားများနှင့်ဆင်တူသည်။ မိန်းကလေးများတွင် ယင်းတစ်သျှူး ဖွံ့ဖြိုးကြီးထွားလာသော်လည်း အမျိုးသားများတွင် ယင်းကဲ့သို့ ဖွံ့ဖြိုးကြီးထွားလာ ခြင်းမရှိပေ။

သို့သော်လည်း ယင်းမှာ ရင်သားကင်ဆာတစ်သျှူးပင် ဖြစ်သောကြောင့် အမျိုးသားများလည်း ရင်သားကင်ဆာရောဂါ ဖြစ် နိုင်သည်။ အမျိုးသားများသည် အမျိုးသမီးများ ဖြစ်ပွားသော ရင်သားကင်ဆာ အမျိုးအစားများအတိုင်း ဖြစ်ပွားနိုင်သော်လည်း နို့ထုတ်လုပ်သော၊ နို့သိုလှောင်သောအစိတ်အပိုင်းများ ပါဝင်သည့် ရင်သားကင်ဆာရောဂါ ဖြစ်ပွားမှုသည် အလွန်ရှားပါးသော အခြေ အနေဖြစ်သည်။


(၃၅)နှစ်အောက် အမျိုးသားများတွင် ရင်သားကင်ဆာဖြစ်ပွား မှု အလွန်နည်းပါးပြီး အမျိုးသားများ အသက်ကြီးလာလေ ရင်သားကင်ဆာဖြစ်ပွားနိုင်ခြေ ပိုများလေလေဖြစ်ကြောင်း လေ့လာမှုများ က ဖော်ပြသည်။ အမျိုးသားများသည် အသက်(၆၀)နှစ်အထက် အရွယ်များတွင် ရင်သားကင်ဆာဖြစ်ပွားမှု အများဆုံးဖြစ်သည်။

အမျိုးသမီးများတွင် ရင်သားကင်ဆာကို စစ်ဆေးဖော်ထုတ် သော နည်းလမ်းမျိုးကိုပင် အမျိုးသားများအတွက် အသုံးပြုပြီး ရုပ် ပိုင်းဆိုင်ရာ စမ်းသပ်စစ်ဆေးခြင်း၊ ရင်သားများကို X-rays ဖြင့် ပုံဖော်စစ်ဆေးခြင်း၊ အသားစထုတ်ယူစစ်ဆေးခြင်းတို့ဖြင့် ရောဂါဖော်ထုတ်စစ်ဆေးလေ့ရှိသည်။

အမျိုးသားများ ရင်သားကင်ဆာဖြစ်ပွားပါက အမျိုးသမီးရောဂါသည်များကို ကုသသောနည်းလမ်းများပင် အသုံးပြုသည်။ ယင်းနည်းလမ်းများတွင် ခွဲစိတ်ကုသခြင်း၊ ဓာတ်ရောင်ခြည်ဖြင့် ကု သခြင်း၊ ဓာတုကုထုံးဖြင့် ကုသခြင်း၊ ဇီဝကုထုံးဖြင့် ကုသခြင်း၊ ဟော် မုန်းကုထုံးဖြင့် ကုသခြင်းနည်းလမ်းများကို သုံးသည်။

သို့သော် အမျိုးသားများသည် အမျိုးသမီးများထက်ပို၍ ဟော်မုန်းကုထုံးဖြင့် ကုသ၍အဆင်ပြေသည်။ ရင်သားကင်ဆာရောဂါ သည် အများစုသည် ဟော်မုန်းကုထုံးဖြင့် ကုသပါကပို၍ အဆင်ပြေသည်။

ရောဂါစောစောပိုင်းအဆင့်တွင် ရောဂါလက္ခဏာများ ပြသ လေ့မရှိဘဲ အကျိတ်ကြီးလာမှသာ အောက်ပါလက္ခဏာများကို သတိထားမိလာနိုင်သည်။

- ချိုင်းအောက် (သို့မဟုတ်) ရင်သားတွင် အကျိတ်ထွက်လာခြင်း (ယင်းအကျိတ်များသည် နာကျင်မှုမရှိဖြစ်နေလေ့ရှိသည်။)

- ချိုင်းကြားနေရာ ရောင်ရမ်းခြင်း

- ရင်သားနာကျင်ခြင်း (သို့မဟုတ်) ပျော့လာခြင်း (အကျိတ်များနာ ကျင်မှုမရှိသော်လည်း ရင်သားနာကျင်ခြင်း (သို့မဟုတ်) ပျော့လာ ခြင်းသည် ရင်သားကင်ဆာလက္ခဏာဖြစ်နိုင်သည်။)

- အကျိတ်ဖြစ်နေသည်ကို မမြင်ရ၊ မခံစားရဘဲ ရင်သားပြားလာ ခြင်း

- ရင်သားပုံသဏ္ဌာန်နှင့်အရွယ်အစားပြောင်းလဲခြင်း၊ အနီရောင်၊ လိမ္မော်ရောင်အဖြစ် အရေပြားအရောင် ပြောင်းလဲခြင်း

- နို့သီးခေါင်းတွင် ယားယံခြင်း၊ အဖုထွက်ခြင်းကဲ့သို့ အပြောင်းအ လဲများ ဖြစ်ပေါ်ခြင်း

- နို့သီးခေါင်းမှ ပုံမှန်မဟုတ်ဘဲ အရည်များထွက်ခြင်း (သွေးရောင် (သို့မဟုတ်) အခြားအရောင်)

- ရင်သားပေါ်ရှိနေရာတစ်နေရာသည် အခြားသောရင်သားနေရာ များနှင့် သိသိသာသာ ကွာခြားနေခြင်းတို့ဖြစ်သည်။

အမျိုးသားများတွင် ရင်သားကင်ဆာ ဖြစ်ပွားရသည့် အ ကြောင်းရင်းကို မသိရသော်လည်း ဆေးလိပ်နှင့် အရက်သောက်ခြင်း၊ ကိုယ်လက်လှုပ်ရှားမှုမရှိခြင်းနှင့် အ၀လွန်ခြင်းတို့ကြောင့် ယင်းရောဂါဖြစ်နိုင်သည့်အန္တရာယ် မြင့်မားကြောင်း လေ့လာမှုများ က ဖော်ပြသည်။                          

—Ref: www.cancer.org

Top News