အစားအသောက်နှင့် အလှကုန်များကို ချက်ချင်းစစ်ဆေးအဖြေရှာမည့် ရွေ့လျားဓာတ်ခွဲယာဉ်များ တိုင်းနှင့်ပြည်နယ်များတွင် ထားရှိမည်

ရွေ့လျားဓာတ်ခွဲယာဉ်ဖြင့် ဓာတ်ခွဲစစ်ဆေးမှုတစ်ခုပြုလုပ်နေစဉ် (ဓာတ်ပုံ − စိုင်းဇော်)

 ယခုဘဏ္ဍာနှစ်တွင် ဈေး ကွက်အတွင်းရှိ ကျန်းမာရေးနှင့် ညီညွတ်မှုမရှိသော အစားအ သောက်၊ ဆေးဝါးနှင့် အလှကုန် များကို ချက်ချင်းစစ်ဆေးနိုင်မည့် ရွေ့လျားဓာတ်ခွဲယာဉ် (Mobile Lab) များအား တိုင်းနှင့် ပြည်နယ် အသီးသီး၌ ထားရှိမည်ဖြစ်ကြောင်း အစားအသောက်နှင့် ဆေးဝါးကွပ်ကဲရေးဦးစီးဌာန၊ စီမံကိန်းနှင့် စစ် ဆေးရေးဌာနခွဲမှ ဒုတိယညွှန်ကြားရေးမှူး ဒေါက်တာထွန်းလင်း အောင်က ပြောသည်။

‘‘အခုက တင်ဒါခေါ်ထားပြီး ပြီ။ တင်ဒါခေါ်ပြီးပြီဆိုတော့ တိုင်း နဲ့ပြည်နယ်တွေကို ဒီဘဏ္ဍာနှစ် မကုန်ခင်မှာ အပြီးပေးမှာပဲ။ တစ် စီးစီထားပေးမှာ’’ဟု ၎င်းက ပြော သည်။

လက်ရှိတွင် အဆိုပါ ရွေ့ လျားဓာတ်ခွဲယာဉ်သည် နေပြည် တော်၊ ရန်ကုန်နှင့် မန္တလေးတိုင်း တို့တွင်သာ ရှိသေးပြီး ကျန်တိုင်း နှင့်ပြည်နယ်များ၌ မထားရှိနိုင် သေးပေ။ ထို့ကြောင့် ယခုဘဏ္ဍာ နှစ်တွင် ယင်းဓာတ်ခွဲယာဉ် ၁၄ စီးကို ထပ်မံဝယ်ယူဖြည့်တင်းခြင်း ဖြစ်သည်။

ဈေးများရှိ အစားအသောက် နမူနာများယူ၍ ဆိုးဆေးပါဝင်မှု ရှိ၊ မရှိ၊ လက်ဖက်နှင့် ငါးပိတို့တွင် ဆိုးဆေးပါဝင်မှု ရှိ၊ မရှိ၊ ကွမ်းသီး တွင် ချွတ်ဆေးပါဝင်မှု ရှိ၊ မရှိနှင့် မုန့်တီ၊ မုန့်ဖတ်နှင့် ပဲပြားတို့တွင် ဖော်မလင် (ဓာတုပစ္စည်း) ပါဝင် မှု ရှိ၊ မရှိအပြင် အလှကုန်များတွင် တားမြစ်ထားသော ဓာတုပစ္စည်း များ ပါဝင်မှု ရှိ၊ မရှိ ၎င်းဓာတ်ခွဲ ယာဉ်များ၌ စစ်ဆေးနိုင်မည် ဖြစ်သည်။

‘‘Mobile Lab တွေရဲ့ အကျိုး သက်ရောက်မှုကတော့ ချက်ချင်းစစ်တယ်။ ချက်ချင်းအဖြေရှာ တယ်။ ချက်ချင်းအရေးစယူလို့ရ တာပေါ့။ ဓာတ်ခွဲခန်းထိယူသွားပြီး တော့ စစ်ဆေးပြီး အဖြေရလာလို့ မှ ဈေးကိုပြန်သွားရင် ရောင်းတဲ့ သူက မရှိတော့ဘူးဖြစ်သွားတယ်။ အခုကျတော့ ချက်ချင်းစစ်တယ် ဆိုရင် ချက်ချင်းအဖြေထုတ်၊ ဈေး ကွက်ကနေ တစ်ခါတည်း ရုပ် သိမ်းလို့ရတာပေါ့’’ဟု ဒေါက်တာ ထွန်းလင်းအောင်က ပြောသည်။

FDA အနေဖြင့် လက်ရှိတွင် စားသုံးရန်မသင့်သော အစားအ သောက်များ၊ ကျန်းမာရေးနှင့် ညီ ညွတ်မှုမရှိသော ဆေးဝါးများနှင့် သုံးစွဲရန် မသင့်သည့် အလှကုန် များကို အမြန်စစ်ဆေးနိုင်သည့် Mobile Lab များဖြင့် ဈေးများအ တွင်းသို့ ဝင်ရောက်စစ်ဆေးကာ သတ်မှတ်ချက်နှင့် ကိုက်ညီမှုမရှိ ပါက ချက်ချင်းသိမ်းဆည်းနေပြီး အဆိုပါ ကုန်ပစ္စည်းများ ဆက် လက်မရောင်းချစေရန် အသိ ပညာပေးခြင်း၊ သင်တန်းပေးခြင်း များအပြင် လိုက်နာမှုမရှိပါက ပစ္စည်းသိမ်းခြင်း၊ ဆိုင်ပိတ်အရေး ယူခြင်းများ ပြုလုပ်နေသည်။