“ဒီဆွေးနွေးပွဲရလဒ်က ဖက်ဒရယ်ဒီမိုကရေစီ ပြည်ထောင်စု တည်ဆောက်ဖို့အတွက် တကယ့် တံခါးပေါက်ကြီးတစ်ခုဖြစ်တယ်လို့ မှတ်ယူတယ်။ ဒါကြောင့်မို့ ကျွန်တော်တို့ နည်းလမ်းပေါင်းစုံ၊ ချဉ်းကပ်မှုပေါင်းစုံနဲ့ ငြိမ်းချမ်းရေးလုပ်ငန်းစဉ်ကို မလျှော့ဘဲ သွားနေတယ်”

UNFC ပြောရေးဆိုခွင့်ရှိသူ နိုင်အောင်မငေးသို့ ဆက်သွယ်မေးမြန်းချက်
ဓာတ်ပုံ − ကျော်ဇင်သန်း

လက်ရှိ အစိုးရအနေဖြင့် တစ်နိုင်ငံလုံး အပစ်အခတ်ရပ်စဲရေး သ ဘောတူစာချုပ်(NCA)တွင် လက် မှတ်မထိုးရသေးသည့်တိုင်းရင်း သားလက်နက်ကိုင်အဖွဲ့များ ထပ် မံပါဝင်လာရေးအတွက် ညီညွတ် သော တိုင်းရင်းသားလူမျိုးများ ဖက်ဒရယ်ကောင်စီ(UNFC)နှင့် ညှိနှိုင်းလာသည်မှာ တစ်နှစ်ခွဲ ကျော်ကြာခဲ့ပြီဖြစ်သည်။ UNFC အဖွဲ့ဝင်တိုင်းရင်းသားလက်နက် ကိုင်အဖွဲ့များ NCA လက်မှတ်ထိုး ရေးအတွက် အစိုးရ၏ငြိမ်းချမ်း ရေးကော်မရှင်နှင့် UNFC ၏ နိုင်ငံ ရေးဆိုင်ရာဆွေးနွေးညှိနှိုင်းရေး ကိုယ်စားလှယ်အဖွဲ့(DPN)တို့ သည် တစ်နှစ်ခွဲအတွင်း တရားဝင် ဆွေးနွေးပွဲခုနစ်ကြိမ်ပြုလုပ်ထား သည်။ ငြိမ်းချမ်းရေးကော်မရှင် နှင့် DPN တို့၏ရှစ်ကြိမ်မြောက် ဆွေးနွေးပွဲကို ယနေ့(နိုဝင်ဘာ ၈ ရက်)တွင် ရန်ကုန်မြို့၌ ပြုလုပ် မည်ဖြစ်ရာ DPN ၏ဒုတိယအဖွဲ့ ခေါင်းဆောင် နိုင်အောင်မငေးနှင့် ဆွေးနွေးပွဲမတိုင်မီ ဆက်သွယ် မေးမြန်းမှုများကို ဖော်ပြလိုက်ပါသည်။

ငြိမ်းချမ်းရေးကော်မရှင်နဲ့ DPN တို့ရဲ့မနက်ဖြန်ဆွေးနွေးပွဲမှာ ဘာတွေ အဓိကဆွေးနွေးရမလဲ။

ကျွန်တော်တို့ ဟိုအပတ်က အဆိုပြုချက် ရှစ်ချက်ကိစ္စနဲ့ပတ် သက်ပြီး ဆွေးနွေးတာ အားလုံး တော့ အဆင်ပြေတယ်ပေါ့။ ဒါပေမဲ့အဆိုပြုချက် နံပါတ်(၅) တပ်ပိုင်းဆိုင်ရာကိစ္စတော့ အသေးစိတ်ပြန်ဆွေးနွေးရဦးမှာပေါ့။ နောက် တော့ PC(ငြိမ်းချမ်းရေးကော်မ ရှင်)ဘက်ခြမ်းက အဆိုပြုချက် (၁) နဲ့ (၂) ကို နည်းနည်းသုံးသပ် ပြီးတော့ ပြင်ဆင်မယ်ဆိုတော့ အဲဒီပြင်ဆင်ချက်ကို ယူသွားပြီး တော့ UNFC ရဲ့ ထိပ်သီးခေါင်း ဆောင်ကို တင်ပြတယ်။ အဲဒီတင် ပြတာ လမ်းညွှန်ချက်ရလာပြီ။ ဒီ လမ်းညွှန်ချက်အတိုင်းပဲ မနက် ဖြန် PC နဲ့တွေ့တဲ့အခါ ထပ်မံပြီး ပြောကြမှာပေါ့။

ညှိနှိုင်းဖို့ ကျန်နေတဲ့ အချက်တွေ က ဘာတွေလဲဆိုတာ သာမန် ပြည်သူများ နားလည်သိရှိနိုင်ဖို့ ထပ်ရှင်းပြပေးပါဦး။

ခုနက အဆိုပြုချက် နံပါတ် (၅)က ဆွေးနွေးမယ့် ခေါင်းစဉ် ပေါ့။ ဥပမာအားဖြင့် တပ်နေရာချ ထားရေးတို့၊ အပစ်အခတ်ရပ်စဲ ရေးနယ်မြေတို့ ဒီအဓိပ္ပာယ်သတ် မှတ်ချက်တွေပေါ့။ နောက် JMC (ပစ်ခတ်တိုက်ခိုက်မှု ရပ်စဲရေး ဆိုင်ရာ ပူးတွဲစောင့်ကြည့်ရေး ကော်မတီ)နဲ့ဆိုင်တဲ့ ကိစ္စတွေ ဘယ်လိုလုပ်ပြီး အကောင်အ ထည်ဖော်ကြမလဲ။ ဒါကို သဘောတူညီချက်ယူရမယ်။ နောက်ပြီး တော့ အဆိုပြုချက်နံပါတ်(၁)မှာ အရင်က သဘောတူထားတာကို နည်းနည်းပြန်သုံးသပ်မယ်ဆိုရင် ဒီအပစ်အခတ်ရပ်စဲရေးကြေညာ တဲ့ကိစ္စမှာ နည်းနည်းပြန်သုံးသပ် မယ်။ နံပါတ်(၂)မှာဆိုရင်လည်း ဖက်ဒရယ်ဒီမိုကရေစီပြည်ထောင် စုတည်ထောင်တဲ့အခါကျရင် ဒီ အခြေခံတွေကို အဓိပ္ပာယ်သတ် မှတ်ချက်တို့၊ အခေါ်အဝေါ်တို့ပါ ပဲ။ ကျွန်တော်ထင်တယ်။ ပြေလည် မှုရရှိနိုင်မယ်ထင်ပါတယ်။

မနက်ဖြန်ဆွေးနွေးပွဲမှာ ညှိနှိုင်းမှု တွေ အဆင်ပြေမယ်လို့ ယုံကြည် ပါသလား။

ကျွန်တော်တို့က ယုံကြည်မှု အပြည့်နဲ့ပဲ။ ယုံလည်းယုံတယ် လေ။ သိပ်အခက်အခဲတော့မရှိ တော့ဘူး။ ကျွန်တော်တို့က အ ပြန်အလှန် နှစ်ဖက်သဘောထား ကြီးမှုရယ်။ ဒီငြိမ်းချမ်းရေးဆွေး နွေးပွဲကို လိုချင်တဲ့ အာသီသပြည့် ပြည့်ဝဝပြင်းပြင်းပြပြရှိရင် ဒါအ လွယ်လေးပါ။ နောက်ဆုံးနိုင်ငံ ရေးဆွေးနွေးပွဲရလဒ်နဲ့ပဲ သွားမယ်  ဆိုတော့ ဒါအများနဲ့စုပြီး ဆွေးနွေး ရမယ့်ကိစ္စဆိုတော့ ဒါကို နှစ်ဦးနှစ်ဖက်ယုံကြည်မှုတည်ဆောက်ဖို့ စိတ်သဘောထားနဲ့သွားတယ်ဆို ရင်အားလုံးပြေလည်နိုင်မယ်ထင် ပါတယ်။

ဒါတွေအားလုံး ပြေလည်သွားရင် UNFC အဖွဲ့ဝင်အဖွဲ့အစည်းတွေ အနေနဲ့ NCA လက်မှတ်ထိုးဖို့ ဖြစ် သွားပြီလို့ပြောလို့ရလား။

ကျွန်တော်တို့ ဒီရှစ်ချက် (UNFC က အစိုးရထံ အဆိုပြု ထားသည့် နိုင်ငံရေးနှင့် တပ်ပိုင်း ဆိုင်ရာ အချက်ရှစ်ချက်)က  NCA နဲ့ ပြန်ပြီးတော့ ချိတ်ဆက်ရမယ်။ ဒီရှစ်ချက်က NCA နဲ့ချိတ်ဆက်မှု၊ ခိုင်မာမှုရှိဖို့ လိုတာပေါ့။ အဲဒီမှာ လည်း နည်းနည်းပြန်ပြောရမှာ ပေါ့။ ဒီရှစ်ချက်ကို NCA စာချုပ်နဲ့ ဘယ်လိုချိတ်ဆက်မလဲ၊ ဖြည့်စွက်ပြီးတော့ နောက်ဆက်တွဲမှာ ဘယ် လိုထည့်မလဲဆိုတာ ကျွန်တော်တို့ ရဲ့ ဖြစ်ချင်တဲ့ဆန္ဒကို အစိုးရက ကျွန်တော်တို့ကို ဘယ်လောက် ခွင့်ပြုပေးမလဲပေါ့။ ကျွန်တော် ထင်တယ်။ ခွင့်ပြုပေးမယ်လို့ လည်း ယုံကြည်ပါတယ်။ ဘာလို့ လဲဆိုရင် ဒီလုပ်ငန်းစဉ်က တတိယ အကြိမ် UPC(ပြည်ထောင်စုငြိမ်း ချမ်းရေးညီလာခံ-၂၁ ရာစုပင်လုံ)အတွက်လည်း အရေးကြီးတယ် လေ။

အကယ်၍ NCA လက်မှတ်ထိုးဖို့ သဘောတူပြီဆိုရင် UNFC က ဘယ်နှဖွဲ့လောက် ပါဝင်လက်မှတ်ထိုးဖို့ ဖြစ်နိုင်မလဲ။

အခု လောလောဆယ်တော့ ကျွန်တော်တို့ UNFC အနေနဲ့ငါးဖွဲ့ (NMSP, KNPP, ANC, LDU, SSPP)တော့ရှိတာပေါ့။ ဒါပေမဲ့ အနိမ့်ဆုံးတော့ ရတဲ့ဆုံးဖြတ်ချက် အားလုံးကို UNFC ကို တင်မယ်။  UNFC ကနေ UNFC လမ်းညွှန်မှု အတိုင်း ဘယ်နှဖွဲ့လိုက်ပါမလဲ။ အခုလောလောဆယ် ဒီသဘော ထားရပ်တည်ချက်က ငါးဖွဲ့လုံးနဲ့ ဆိုင်တဲ့ သဘောထားရပ်တည် ချက်ပေါ့။ ဒီငါးဖွဲ့မှာ ကျွန်တော်တို့သဘောထားရပ်တည်ချက်ကို အားလုံးပြန်တင်ပြမှာပေါ့။ ငါးဖွဲ့ လုံးပါလာနိုင်မလား၊ မပါလာနိုင် ဘူးလားဆိုတာ ဒီက သဘောတူ ညီချက်ကို UNFC ခေါင်းဆောင် တွေကို ပြန်တင်ပြရမယ်။ အစည်း အဝေးမှာ ဆုံးဖြတ်မယ်ပေါ့။ (ရှမ်း ပြည်တိုးတက်ရေးပါတီ (SSPP) သည် UNFC မှ နုတ်ထွက်ခွင့် တောင်းထားပြီး NCA မထိုးဘဲ နိုင်ငံရေး ဆွေးနွေးမည်ဆိုသော မြောက်ပိုင်းလက်နက်ကိုင်ခုနစ်ဖွဲ့ ၏စုဖွဲ့မှုတွင် ပါဝင်ထားသည်။)

NCA ထိုးဖြစ်သွားပြီဆိုရင် ရှေ့မှာ ဘယ်လိုအခက်အခဲစိန်ခေါ်မှုတွေ ကြုံရနိုင်ပါလဲ။

အခက်အခဲဆိုတာက ငြိမ်း ချမ်းရေးလုပ်ငန်းစဉ်လို့ ပြောတဲ့ အခါကျရင် ကျွန်တော်တို့က ရှစ် ဖွဲ့ (NCA လက်မှတ်ထိုး တိုင်းရင်း သားလက်နက်ကိုင်ရှစ်ဖွဲ့)နဲ့ပါ လာမှာပေါ့။ ကျွန်တော်တို့အပစ် ရပ်စဲရေးလုပ်တဲ့အခါကျရင် ရှစ် ဖွဲ့နဲ့ပါမယ်။ အဲဒီမှာ စုဖွဲ့ပြီးမှ ဘာ အခက်အခဲတွေရှိလဲ၊ အားနည်း ချက်တွေ ဘာရှိလဲ၊ အဲဒီကျမှပိုပြီး သေသေချာချာသိမယ်။ အခု မှန်း ဆပြီး ပြောလို့မရသေးဘူး။ ဘာလို့လဲဆိုရင် ကျွန်တော်တို့က ပြီးခဲ့ တဲ့ ဒုတိယအကြိမ် UPC(၂၁ ရာစုပင်လုံ ဒုတိယအစည်းအဝေး) မှာ မပါခဲ့ဘူးလေ။ မပါခဲ့တော့ အဲဒီမှာ အားနည်းချက်တွေ ကျွန်တော်တို့ ပြောစရာတော့ ရှိတာပေါ့။ NCA ထိုးပြီး ပါလာနိုင်ရင် ကျွန်တော်တို့ JMC (ပစ်ခတ်တိုက်ခိုက်မှုဆိုင်ရာ ပူးတွဲစောင့်ကြည့်ရေးကော်မတီ) မှာရော မူဘောင် (နိုင်ငံရေးဆွေး နွေးပွဲမူဘောင်) ဆွေးနွေးပွဲမှာ ကျွန်တော်တို့ထပ်မံပြီး အားဖြည့် လိုက်မယ်။ အားနည်းချက်၊ အားသာချက်ကို ကျွန်တော်တို့ သုံးသပ်ပြီးတော့ လက်မှတ်ထိုးထားတဲ့ ရှစ်ဖွဲ့နဲ့အတူတူ သွားကြမှာပေါ့။

ဒါဆို လာမယ့် ဒီဇင်ဘာမှာ ကျင်း ပမယ့် ၂၁ ရာစုပင်လုံတတိယအ စည်းအဝေးမှာ UNFC ပါလာဖို့ ဆိုတဲ့ အခြေအနေအပေါ် ဘယ်လိုပြောကြားလိုလဲ။

ဟုတ်တယ်။ ဒါကလည်း NCA ထိုးမှပဲ UPC(ပြည်ထောင်စု ငြိမ်းချမ်းရေးညီလာခံ-၂၁ ရာစု ပင်လုံ)မှာ ပါလို့ရတာဆိုတော့ NCA ထိုးဖို့ ပြီးခဲ့တဲ့ အစည်းအဝေး က အောက်တိုဘာ ၂၃ ရက်၊ အခု က ၈ ရက်နေ့ဆိုတော့ ရက်နီးနီး ကပ်ကပ်တွန်းနေတာပေါ့။ တွန်း နေတဲ့ ရည်ရွယ်ချက်က UPC မှာ ပါဖို့ဆိုတဲ့ ဆန္ဒတစ်ခုနဲ့ တွန်းတယ် ဆိုတဲ့သဘောပေါ့။

မနက်ဖြန်ဆွေးနွေးပွဲက အပြီးသတ်ညှိနှိုင်းနိုင်မယ့် အလားအလာရှိလား။

ပြီးရင်တော့ နောက်ဆုံးဖြစ် မှာပေါ့။ မပြီးရင်တော့ ဆက်သွား ရမှာပေါ့။ ဒီဆွေးနွေးပွဲက။ ငြိမ်း ချမ်းရေးက ဆက်သွားရမှာ။ ဆွေး နွေးပွဲကလည်း နှစ်ဖက်သဘောတူ မှ ဆွေးနွေးပွဲဖြစ်တယ်လေ။ တစ် ဖက်တည်းနဲ့ဆွေးနွေးပွဲမရောက် ဘူး။ ဒါကြောင့် ပြီးရင် နောက်ဆုံး ဖြစ်မယ်။ မပြီးရင် ဆက်ပြီး ဆက် ပြီးသွားရမယ်။ မသွားတဲ့လူက ဆွေးနွေးပွဲကို မျက်ကွယ်ပြုတဲ့လူ လို့ လူထုတွေက သဘောထားမှာ ပေါ့။

နိုင်ငံရေးဆွေးနွေးပွဲတွေ အောင်မြင်ဖို့ဘာတွေ အကြံပြုလိုပါသလဲ။

 နိုင်ငံရေးဆွေးနွေးပွဲ ပိုပြီး တော့ အကျိုးရှိဖို့ ပိုပြီး အောင်မြင် ဖို့ဆိုရင် မြောက်ပိုင်းအဖွဲ့တွေ လည်း ပါလာဖို့လည်း အရေးကြီး တယ်။ မြောက်ပိုင်းအဖွဲ့တွေ ပါ ဝင်လာမှပဲ ကျွန်တော်တို့တိုင်းရင်း သားလက်နက်ကိုင်တော်လှန်ရေး အဖွဲ့အစည်းတွေက သူတို့ရဲ့အ သံတွေ၊ သူတို့ရဲ့သဘောထားတွေ စုံစုံညီညီပါလာမှာပေါ့။ ဒါကြောင့် သူတို့မပါဘဲနဲ့ ပြီးပြည့်စုံတဲ့ ငြိမ်းချမ်းရေးဆွေးနွေးပွဲ မဖြစ်သေးဘူးလို့ ပြောလို့ရတာပေါ့။ ဒါကြောင့် ကျွန်တော်တို့ ဖြစ်စေချင်တာက အစိုးရနဲ့ ဒီမြောက်ပိုင်းအဖွဲ့တွေလည်း အသေအချာ ညှိနှိုင်းဆွေးနွေး အပြန်အလှန် ယုံကြည်မှုတည်ဆောက်ပြီးတော့ ပါလာနိုင်အောင် နှစ်ဖက်က ကြိုးစားသင့်တယ်။ ဒါမှမဟုတ်ရင် UPC မှာ ဆုံးဖြတ်ချက်ချတဲ့အခါ တိုင်း ရင်းသားတွေရဲ့တစ်စုတစ်စည်း တည်းအသံမဟုတ်ရင် တချို့တစ် ဝက် လစ်ဟာနေမှာ ကြောက် တယ်လေ။ ဒါကြောင့် ကျွန်တော် တို့ဖြစ်ချင်တာက ငြိမ်းချမ်းရေး တည်ဆောက်မှုလမ်းကြောင်းထဲ မှာ တိုင်းရင်းသားတွေအားလုံးရဲ့ အသံတစ်စုတစ်စည်းတည်း ဖြစ် စေချင်တယ်။ မြောက်ပိုင်းအဖွဲ့ ကိုလည်း ပါဝင်လာအောင် နည်း မျိုးစုံနဲ့ ချဉ်းကပ်သင့်တယ်လို့ တိုက်တွန်းချင်တယ်။ (မြောက် ပိုင်းလက်နက်ကိုင်စုဖွဲ့မှုတွင် UWSA, KIA, NDAA, SSPP,TNLA, AA, MNDAA တိုင်းရင်း သားလက်နက်ကိုင်ခုနစ်ဖွဲ့ ပါဝင် သည်။

NCA လမ်းကြောင်းပြင်ပကနေ နိုင်ငံရေးဆွေးနွေးဖို့ ကြိုးစားနေတဲ့ မြောက်ပိုင်းအဖွဲ့ကိုကော ဘယ် လိုတိုက်တွန်းချင်ပါလဲ။

ကျွန်တော်တို့ ကြားတာက ဒီလ ၁၀ ရက်နေ့လောက်ဆိုရင် ငြိမ်းချမ်းရေးကော်မရှင်ကိုယ်စား လှယ်တွေက မြောက်ပိုင်းသွား မယ်လို့ သတင်းရထားတယ်။ ဒီက နေစပြီး ယုံကြည်မှုကို ဘယ်လိုပဲ ပြောပြော ငြိမ်းချမ်းရေးအတွက် အာသီသပြင်းပြမယ်ဆိုရင် တစ် ဖက်နဲ့တစ်ဖက်တော့ ခိုင်မြဲတဲ့ယုံ ကြည်မှုတွေဖြစ်လာမယ်လို့ ကျွန် တော်မျှော်လင့်တယ်။ ဒါကြောင့် မို့ အပြန်အလှန်ယုံကြည်မှုဖြစ်ဖို့၊ အပြန်အလှန် အချင်းချင်း တွေ့ဆုံ ဆွေးနွေးဖို့ အစဉ်အစိုက်တံခါးဖွင့် ထားဖို့ သင့်တယ်။ ကျွန်တော်တို့ နိုင်ငံ ဖက်ဒရယ်ဒီမိုကရေစီတည် ဆောက်တဲ့အခါကျရင် တိုင်းရင်း သားတွေအားလုံးရဲ့ အသံလို တယ်။ ဒါမှ ပြီးပြည့်စုံမယ်။ ဒါ ကြောင့်မို့ မြောက်ပိုင်းအဖွဲ့တွေ ဘယ်လိုနည်းနဲ့ဖြစ်ဖြစ် အစိုးရနဲ့ ငြိမ်းချမ်းရေးကော်မရှင်နဲ့ ဆွေး နွေးတဲ့အခါကျရင် အပြန်အလှန် လေးစားမှုနဲ့ အပြန်အလှန်ယုံ ကြည်မှုလည်း လိုအပ်တယ်။ ကျွန်တော်တို့တိုင်းရင်းသားတွေ ကျွန် တော်တို့ဘက်အခြမ်းကလည်း ဘယ်လိုလုပ်ကူညီပေးရမလဲ ပြောပါ။ ကျွန်တော်တို့လည်း ဝိုင်းကူညီ ပေးလိုတဲ့ ဆန္ဒရှိတယ်။ ဒါကြောင့် မို့ အားလုံးပါဝင်ဖို့၊ ဖက်ဒရယ်ဒီမို ကရေစီပြည်ထောင်စု တည် ဆောက်ဖို့ သူတို့လည်း ပါဝင်ဖို့ သင့်တယ်လို့ တိုက်တွန်းချင် တယ်။

လတ်တလောဖြစ်နေတဲ့ ရခိုင်ဒေ သအခြေအနေကကော မြန်မာ့ ငြိမ်းချမ်းရေးဖြစ်စဉ်အတွက် ကြုံရ တဲ့ အခက်အခဲတစ်ခုလို့ မှတ်ယူပါ သလား။ ဒီအပေါ်မှာကော ဘာ ပြောချင်ပါသလဲ။

ရခိုင်ပြည်နယ် မြောက်ပိုင်း ဖြစ်စဉ်က ကျွန်တော်တို့ ငြိမ်းချမ်း ရေးလုပ်ငန်းစဉ်ကို အားလျော့ သွားစေတဲ့ ပုံစံဖြစ်သွားတယ်။ အ ရင်က နိုင်ငံတကာရဲ့စိတ်ဝင်စားမှု က တိုင်းရင်းသားတွေအပေါ်မှာ တော်တော်လေး အားရှိတယ်။ အခုဆိုရင် ရခိုင်ပြည်နယ် ပြဿ နာဖြစ်တော့ မြန်မာပြည်အပေါ် သဘောထားက တစ်မျိုးအာရုံ စူးစိုက်မှု နည်းနည်းလျော့သွား တယ်။ နောက် ကျွန်တော်တို့တွေရဲ့ လူထုရဲ့ ထိတ်လန့်မှု၊ အကြမ်း ဖက်အဖွဲ့အစည်းပုံစံဖြစ်လာတဲ့ အခါ ကျွန်တော်တို့ဖြစ်စဉ်လည်း အဟန့်အတားတစ်ခု ဖြစ်တယ် လေ။ တကယ်လိမ်လိမ်မာမာ ပါးပါးနပ်နပ်နဲ့ ကိုင်တွယ်သင့်တယ်။ နိုင်ငံတကာရဲ့ အမြင်လည်း ကောင်းရအောင်၊ အစိုးရရဲ့ အမြင်လည်း ကောင်းရအောင် နှစ်ဖက်လုံး ညှိနှိုင်းဆွေးနွေးသင့် တယ်လို့ မြင်တယ်။

နောက်ဆုံးမေးလိုတာက အစိုးရ နဲ့ UNFC တို့ တစ်နှစ်ခွဲလောက် ညှိနှိုင်းခဲ့တာပေါ့။ အခု NCA မှာ  လက်မှတ်ရေးထိုးနိုင်မယ့် အခြေ အနေနဲ့ပတ်သက်ပြီး လူထုကို ဘယ်လို သတင်းစကားပါးလိုပါသလဲ။

ကျွန်တော်တို့ဘက်က အစဉ် တစိုက် ငြိမ်းချမ်းရေးလုပ်ငန်းစဉ် မှာ ပါဝင်ဖို့ ကြိုးစားနေတဲ့ အဖွဲ့ အစည်းဖြစ်တယ်။ ဘယ်လိုပဲဖြစ် ဖြစ် ဒီဆွေးနွေးပွဲရလဒ်က ဖက်ဒ ရယ်ဒီမိုကရေစီပြည်ထောင်စု တည်ဆောက်ဖို့အတွက် တကယ့် တံခါးပေါက်ကြီးတစ်ခုဖြစ်တယ် လို့ မှတ်ယူတယ်။ ဒါကြောင့်မို့ ကျွန်တော်တို့ နည်းလမ်းပေါင်းစုံ၊ချဉ်းကပ်မှုပေါင်းစုံနဲ့ ငြိမ်းချမ်းရေး လုပ်ငန်းစဉ်ကို မလျှော့ဘဲ သွား နေတယ်။ ဖြစ်နိုင်ဖို့အတွက်တော့ မျှော်လင့်တယ်။ ဒါကြောင့် ကျွန် တော်တို့အားမလျှော့ဘဲ ဆက် လက်သွားနေမယ်။

ဖြည့်စွက် ပြောကြားလိုတာရှိရင် ပြောပါဦး။

အများပြည်သူ မျှော်လင့် တောင့်တနေတဲ့ ဖက်ဒရယ်ဒီမိုက ရေစီပြည်ထောင်စုတည်ဆောက် တဲ့အခါကျရင် ကျွန်တော်တို့တိုင်း ရင်းသားတွေရဲ့အသံကလည်း အ ရေးကြီးပါတယ်ဆိုတဲ့အကြောင်း၊ တိုင်းရင်းသားတွေရဲ့ တန်းတူမှု၊ အသိအမှတ်ပြုမှုကလည်း အရေး ကြီးပါတယ် ဆိုတဲ့အကြောင်း၊ နောက် ဒီစားပွဲဝိုင်းဆွေးနွေးပွဲ ကောင်းအောင် မြေပြင်အခြေအ နေမှာလည်း နှစ်ဖက်ယုံကြည်မှု၊ အပြန်အလှန် လေးစားမှုရှိရမယ် ဆိုတဲ့အကြောင်းလည်း ပြောချင် ပါတယ်။

ကျေးဇူးတင်ပါတယ်။