မုန်တိုင်းငယ် အိန္ဒိယနိုင်ငံကမ်းခြေသို့ ဦးတည်ရွေ့လျားနေ

ထိုင်းပင်လယ်ကွေ့မှ မုန်တိုင်းငယ်သည် တနင်္သာရီ တိုင်းဒေသကြီး တောင်ဘက်မှ ဖြတ်သန်းကာ ကပ္ပလီပင်လယ်သို့ ရောက်ရှိလာပြီးနောက် အိန္ဒိယနိုင်ငံကမ်းခြေကို ဦးတည်ရွေ့လျားနေကြောင်း မိုးလေဝသပညာရှင် ဒေါက်တာထွန်းလွင်က ပြော ကြားသည်။

တောင်တရုတ်ပင်လယ်မှ လေဖိအားနည်းရပ်ဝန်းသည် နိုဝင်ဘာ ၆ ရက် နေ့လယ်တွင် မုန်တိုင်းငယ်ဖြစ်လာပြီးနောက် ထိုင်း ပင်လယ်ကွေ့သို့ ရောက်ရှိလာကာ ယင်းမှတစ်ဆင့် ကပ္ပလီပင် လယ်အတွင်း နိုဝင်ဘာ ၇ ရက်တွင် ရောက်ရှိခဲ့သည်။

မုန်တိုင်းငယ်၏ အရှိန်ကြောင့် တနင်္သာရီတိုင်းဒေသကြီး တွင် နောင်နှစ်ရက်ခန့်အတွင်း နေရာကွက်၍ မိုးရွာနိုင်ကာ မိုး သက်လေပြင်းအန္တရာယ် သတိပြုရန် ဒေါက်တာထွန်းလွင်က သတိပေးထားသည်။ တနင်္သာရီကမ်းရိုးတန်းနှင့် ကမ်းလွန်ပင်လယ်ပြင်၌ လှိုင်းအမြင့် ၆ ပေမှ ၈ ပေ ခန့်ရှိနိုင်ကြောင်း သတိပေးထား သည်။

More in News Section