ကုန်ကြမ်းဈေးတက်ပြီး ကုန်ချောဈေးကျဆင်းနေ၍ မုံရွာဒေသ ရက်ကန်းလုပ်ငန်းအများစု ရပ်နားထားရ

အညာဒေသတွင် ရက်ကန်းရက်နေသူ အမျိုးသမီးတစ်ဦး (ဓာတ်ပုံ − မျိုးမင်းဦး)

ချည်ထည်ကုန်ကြမ်းများ ဈေးတက်နေပြီး ကုန်ချောဈေးနှုန်း ကျဆင်းနေသောကြောင့် မုံရွာ ဒေသရှိ ရက်ကန်းလုပ်ငန်းအများ စုရပ်နားထားရကြောင်း ဒေသခံရက်ကန်းလုပ်ငန်း လုပ်ကိုင်သူ များက ပြောသည်။

မုံရွာမြို့နယ်တွင် ယခုနှစ်အတွင်း အိန္ဒိယနိုင်ငံမှ တင်သွင်း သော ချည်ထည်ကုန်ကြမ်းတစ် ထုပ်လျှင် ကျပ်နှစ်သောင်းခန့်မှ သုံးသောင်းအထိ ဈေးတက်ခဲ့ပြီး ကုန်ချောအမျိုးသမီးဝတ်  ချိပ်ထ ဘီ တစ်ထည်လျှင် ယခင်ကျပ် ကိုးထောင်ခန့်မှ ယခု ကျပ်ငါး ထောင်ခန့်အထိ ဈေးကျဆင်း၍ မိရိုးဖလာရက်ကန်းလုပ်ငန်းရှင် များ အရှုံးပေါ်နေကြောင်း မုံရွာမြို့နယ် ကံပြားကျေးရွာဒေသခံ ရက် ကန်းလုပ်ငန်းရှင် ဒေါ်ဝင်းသန့်က ပြောသည်။

‘‘ချိပ်ထဘီတစ်ထည်ဆိုရင် နေ့ရောညပါ ရက်လုပ်ရင် တစ် နေ့တည်းပြီးတယ်။ အရင်တုန်းက အထည်တစ်ထည်ပြီးရင် သုံး ထောင့်ငါးရာလောက်ရတယ်။ အခုအထည်တစ်ထည်ပြီးမှ တစ် ထောင့်တစ်ရာကနေ တစ်ထောင့် ငါးရာပဲရတာဆိုတော့ သိပ်မ ကိုက်တော့ဘူး’’ဟု ၎င်းက ပြောသည်။ မိရိုးဖလာ  ရက်ကန်းလုပ်ငန်းများ အရှုံးပေါ်နေ၍ ရက်ကန်းလုပ်ငန်းရှင်အများစုသည် လယ် ယာလုပ်ငန်းခွင်နှင့် အိန္ဒိယနိုင်ငံ အိုက်ဇောဒေသရှိ ရက်ကန်းလုပ် ငန်းများသို့ ပြောင်းရွှေ့လုပ်ကိုင် သူ ပိုမိုများပြားလာကြောင်း ဒေါ် ၀င်းသန့်က ပြောသည်။

  ‘‘ဒီမှာ ကုန်ကြမ်းဈေး တက်ပြီး   ကုန်ချောဈေးကျလို့ ရက်ကန်းလုပ်တဲ့သူက တစ်ရက် ကို ငါးထောင်ရဖို့ မသေချာတော့ ဘူး။ အိုက်ဇောဘက်သွားလုပ်တဲ့ သူက တစ်ရက်ကို ခုနစ်ထောင်က နေ တစ်သောင်းဝန်းကျင်အထိ ရတယ်ဆိုတော့ အဲဒီ့ကို သွားလုပ် တာ ပိုများတယ်’’ဟု မုံရွာမြို့နယ် သမန္တာကျေးရွာဒေသခံ ရက်ကန်းလုပ်ကိုင်သူတစ်ဦးကပြောသည်။

မုံရွာမြို့နယ်တွင် လူငယ် အမျိုးသား၊ အမျိုးသမီးအများစု သည် အိန္ဒိယနိုင်ငံ အိုက်ဇောဒေသ ချည်ထည်လုပ်ငန်းများသို့ သွား ရောက်လုပ်ကိုင်ကြပြီး အသက် အရွယ်ကြီးရင့်သည့် ရက်ကန်းလုပ် ကိုင်သူအများစုသည် ဒေသတွင်း လယ်ယာလုပ်ငန်းခွင်သို့ ပြောင်း ရွှေ့လုပ်ကိုင်လာကြကာ မိရိုးဖလာရက်ကန်းလုပ်ငန်းကို ဆက်လက်လုပ်ကိုင်သူ အနည်းငယ်သာကျန်တော့ကြောင်း ဒေသခံရက်ကန်းလုပ်ကိုင်သူများက ပြောသည်။

မုံရွာမြို့နယ် မိရိုးဖလာရက် ကန်းလုပ်ငန်းများသည် အမျိုး သမီးဝတ် ထဘီအမျိုးအစား (၂၀) ကျော်ထုတ်လုပ်၍ မုံရွာ၊ မန္တလေး၊ ရန်ကုန်၊ လားရှိုးစသည့်မြို့ကြီး များသို့ နေ့စဉ်တင်ပို့ရောင်းချနေ ကြောင်း မုံရွာဒေသခံ ရက်ကန်း အထည်ရောင်းဝယ်ရေးလုပ်ငန်းရှင်များက ပြောသည်။

More in News Section