လက်သန်းမင်စွန်းခြင်း ၂ နှစ်တိုင်သောအခါ

၂၀၁၅ ရွေးကောက်ပွဲတွင် ဒေါ်အောင်ဆန်းစုကြည် မဲပေးခဲ့သောမဲရုံ၌မဲထည့်ပြီး ဂုဏ်ယူစွာဓာတ်ပုံရိုက်ခံနေသည့် မဲဆန္ဒရှင်တစ်ဦး (ဓာတ်ပုံ − ဂျေမောင်မောင်(အမရပူရ))

မြန်မာ့သမိုင်းဝင်နေ့စွဲများထဲက တစ်ရက်အဖြစ် မှတ်တမ်းတင်ခံခဲ့ရသော နိုဝင်ဘာ ၈ ရက်က ဒုတိယအကြိမ်မြောက် နှစ်ပတ်လည်ခဲ့ပြီဖြစ်သည်။ လွန်ခဲ့သည့် ၂ နှစ် ၂၀၁၅ ခုနှစ်နိုဝင်ဘာ ၈ ရက်တွင် ဒီချုပ်၏ ‘ပြောင်းလဲချိန်တန်ပြီ’ ဟူသော ကြွေးကြော်သံကို မင်ပြာစွန်းသော လက်သန်းများက တစ်ခဲနက်ထောက်ခံခဲ့ကြသည်။

ထိုသို့ထောက်ခံမှုကြောင့်ပင် ဖိနှိပ်မှုအောက်တွင် နှစ်ပေါင်း ၂၅ နှစ်ကြာရုန်းကန်ခဲ့ရသော အတိုက်အခံပါတီသည် အာဏာရပါတီအဖြစ် နိုင်ငံ့တာဝန်များကို ရယူနိုင်ခဲ့သည်။ တစ်ပါတီအာဏာရှင်စနစ်နှင့် စစ်အုပ်ချုပ်ရေးကာလ များကို ၂၀၁၀ ရွေးကောက်ပွဲက ချုပ်ငြိမ်းစေခဲ့သော်လည်း ၂၀၁၅ ရွေးကောက်ပွဲသည်သာ မြန်မာ့ဒီမိုကရေစီအောင်မြင်မှု၏ မှတ်တိုင်တစ်ခုဟု ကမ္ဘာကပင်အသိအ မှတ်ပြုခဲ့ရသည်။

ထို့ကြောင့် နိုဝင်ဘာ ၈ ရက်သည် နှစ်ပေါင်း ၅၀ ကျော်အတွင်း အစိုးရတစ်ရပ်ကို ပြည်သူလူထုကိုယ်တိုင်မဲပေးရွေးချယ်နိုင်ခဲ့ သော နေ့ရက်တစ်ရက်အဖြစ် သမိုင်းမှတ်တမ်းဝင်ခဲ့သည်။ ထိုသမိုင်းဝင်နေ့စွဲနှင့်အတူ မြန်မာပြည်သူများ၏မျှော်လင့်ချက်များစွာကိုပါ လွတ်လပ်စွာပျံသန်းခွင့်ရသော အခိုက်အတန့်ဖြစ်၏။

‘ပြောင်းလဲချိန်တန်ပြီ’ ဟူသော ကြွေးကြော်သံအတိုင်းအ ဘက်ဘက်က နိမ့်ကျနေသော နိုင်ငံ၏အနေအထားကို ပြုပြင် ပြောင်းလဲနိုင်ရေး ဒီချုပ်အစိုးရက စွမ်းဆောင်နိုင်မည်ဟု ပြည်သူများ က ယုံကြည်မျှော်လင့်ခဲ့ကြသည်။

ထို့ကြောင့် သမ္မတဦးသိန်းစိန်အစိုးရထံက အာဏာလွှဲပြောင်းရယူပြီးနောက် ဒီချုပ်အစိုးရ၏ ကနဦးပြုပြင်ပြောင်းလဲရေးခြေလှမ်းများသည်လည်း လူထုထံမှလက် ခုပ်သံများကို ရယူနိုင်ခဲ့သည်။ ယခင်အစိုးရလက်ထက်ဝန်ကြီးဌာန ၃၂ ခုကို ၂၁ ခုသို့လျှော့ချဖွဲ့စည်းခဲ့သည်။ သို့သော် အကျိုးဆက်အနေဖြင့် ဘတ်ဂျက်ပြန်လည်ရေးဆွဲခဲ့ရပြီး အစိုးရယန္တ ရားလည်ပတ်မှု နှောင့်နှေးခဲ့ရသည်။ သို့သော် ၀န်ကြီးဌာနများ လျော့နည်းသွား၍ ၀န်ကြီးများအတွက် လစာပေးရမှုနည်းသွားခြင်းအပေါ် ပြည်သူများက အပြုသဘောရှုမြင်ခဲ့သည်။

အစိုးရသစ်တာဝန်ယူအပြီး ရက်ပိုင်းအတွင်းမှာပင် ဖမ်းဆီးခံထားရသည့် ကျောင်းသားများ လွတ်မြောက်ရေးဆောင်ရွက်ခြင်း ၊ အဂတိလိုက်စားမှုများကို ထိန်းချုပ်နိုင်ရန် ညွှန်ကြားချက်များ ထုတ်ပြန်ခြင်းတို့ကို ဆက်တိုက် လုပ်ဆောင်ခဲ့သည်။

လက်ရှိအချိန်ထိ သက်တမ်းတစ်နှစ်ခွဲကျော်အတွင်း ၂၁ ရာစုပင်လုံညီလာခံကို နှစ်ကြိမ် တိုင်ကျင်းပနိုင်ကာ ပြည်ထောင်စုသဘောတူစာချုပ်တစ်ရပ် ချုပ်ဆိုထားနိုင်ခြင်း၊ အမေရိကန်က ပိတ်ဆို့မှုများရုပ်သိမ်းခဲ့ခြင်းနှင့် အဂတိ လိုက်စားမှုများကို ယခင်ကထက် ပိုမိုထိရောက်စွာ ကိုင်တွယ်လာ ခြင်းတို့က ထင်ရှားသည့်အောင် မြင်မှုများဖြစ်သည်။

လွှတ်တော်အနေဖြင့်လည်း နာမည်ကျော် ၅ (ည) ကဲ့သို့သော ပုဒ်မအပါအ၀င် နိုင်ငံရေးသမားများကို ဖိနှိပ်ခဲ့သည့်ဥပဒေအချို့ ဖျက်သိမ်းခဲ့ခြင်းအပါအ၀င် ဥပဒေ ပြုရေးနှင့် အပြန်အလှန်ထိန်း ကျောင်းရေးဆောင်ရွက်ချက်များ ကြောင့် လူထု၏အသိအမှတ်ပြုမှု ကို ရရှိခဲ့သည်။ ထို့အပြင် နိုင်ငံခြား ရင်းနှီးမြှုပ်နှံမှုအတွက် ဥပဒေပြင်ဆင်ပေးခြင်းကလည်း လွှတ်တော်၏စွမ်းဆောင်မှုတစ်ခုဖြစ်သည်။

သို့သော် အဆိုပါဆောင်ရွက်ချက်များသည် မင်ပြာစွန်းသော လက်သန်းပိုင်ရှင်များ၏ မျှော်လင့်ချက်ကို ဖြည့်ဆည်းပေးရန်လုံ လောက်မှုမရှိသေးပေ။ အထူးသ ဖြင့် ဒီချုပ်၏ရွေးကောက်ပွဲကတိက၀တ်များ အကောင်အထည်ဖော် နိုင်ရေး ကြိုးပမ်းမှုမည်မျှအထိ ခရီးပေါက်ပြီဆိုသည်ကို မေးခွန်း ထုတ်မှုများရှိလာသည်။

အမျိုးသားဒီမိုကရေစီအဖွဲ့ချုပ်၏ ရွေးကောက်ပွဲကြေညာစာတမ်းပါ အဓိကကဏ္ဍလေးခုကို ပြန်လည်လေ့လာကြည့်လျှင် ဤသို့တွေ့ရမည်ဖြစ်သည်။

တိုင်းရင်းသားအရေးနှင့်ပြည်တွင်းငြိမ်းချမ်းရေး၊ တိုင်းရင်းသား ပြည်သူတစ်ရပ်လုံးအေးချမ်းလုံခြုံ စွာ ဖွံ့ဖြိုးတိုးတက်ရေးတို့ဖြစ်သည်။

‘ပြောင်းလဲချိန်တန်ပြီ’ ဆိုသော ဆောင်ပုဒ်အောက်တွင် ဖော်ပြထားသည့် အဆိုပါဦးစား ပေးကဏ္ဍများအတွက် သိသာထင်ရှားသည့်တိုးတက်မှုအခြေအနေတစ်ရပ်ရပ်ကို ဒီချုပ်အစိုးရကပြသနိုင်ခြင်းမရှိသေးကြောင်း သုံးသပ်မှုများရှိသည်။

အစိုးရ၀န်ထမ်း၊ ပုဂ္ဂလိက၀န်ထမ်း၊ စီးပွားရေးလုပ်ငန်းရှင်၊ အခြေခံလူတန်းစား၊ နိုင်ငံရေးတက်ကြွလှုပ်ရှားသူစသည့်လူတန်းစားအသီးသီး ပါဝင်သည့် အမျိုးသမီး၊ အမျိုးသား ၁၀ဦးခန့် ကို 7Day News က မေးမြန်းရာ ဒီချုပ်အစိုးရသည် မျှော်လင့်ထားသလောက် လုပ်ဆောင်နိုင်ခြင်းမရှိ သေးဟု ဖြေကြားသည်။

မေးမြန်းခံရသည့် ဒီချုပ်ပါတီဝင်တစ်ဦးက လက်ရှိအစိုးရနှင့် လွှတ်တော်အပေါ် ‘‘မြန်မာပြည်မှာ ရထားစီးနေရသလိုပဲ’’ဟု မှတ်ချက်ပြုသည်။ ‘‘ခေါင်းတွဲကောင်း သော်လည်း လမ်းမကောင်း၊ တွဲမကောင်း၊ ဘူတာမကောင်း၊ လုံခြုံရေးမကောင်း၊ ကြီးကြပ်သူမကောင်း၊ ရထားစီးသူတွေ စည်းကမ်းမရှိကြတော့ အချိန်လည်း မမှန်၊ အရှိန်နဲ့လည်း မောင်းလို့မရ ဖြစ်နေတယ်’’ ဟု အသက်(၅၀)အရွယ်အဆိုပါအမျိုးသားက ပြောသည်။

သို့သော် လက်ရှိအစိုးရသည် တစ်နှစ်နှင့်ခုနစ်လသားအစိုးရသာ ဖြစ်သည်။ ထို့အပြင် ၂၀၀၈ ဖွဲ့ စည်းပုံအခြေခံဥပဒေပါ ကန့်သတ်ချက်များက ပါတီ၏ရွေးကောက်ပွဲ ကတိက၀တ်များကို အကောင်အထည်ဖော်ရာတွင် အခက်တွေ့ စေကြောင်း ဒီချုပ်ဗဟိုအလုပ်အမှု ဆောင်အတွင်းရေးမှူးအဖွဲ့ဝင် ဦးဉာဏ်ဝင်းက ပြောသည်။ လက်ရှိအခြေအနေကို ပြု ပြင်ပြောင်းလဲနိုင်မည်ဟု ယုံကြည် ကြောင်းလည်း ၎င်းကပြောသည်။ ‘‘ပြည်သူလူထုအမြင်ကတော့ကျွန် တော်တို့အမြင်နဲ့ တူချင်မှတူမယ်။ အားမရတာ ဘာညာဖြစ်နိုင်တယ်။ အဲဒီလိုဖြစ်တယ်ဆိုရင်လည်း ကျွန်တော်တို့ နားလည်တယ်။ ဆက်ပြီးတော့ ကြိုးစားမယ်’’ဟု ဝေဖန် မှုများကို ၎င်းကတုံ့ပြန်သည်။

တိုင်းဒေသကြီးနှင့် ပြည်နယ်ဝန်ကြီးချုပ်များကလည်း အပြောင်းအလဲအချို့ကို ကြိုးစားခဲ့ကြသည်။ မကွေးတိုင်းသည် ဘဏ္ဍာငွေများကို ယခင်အစိုးရထက်ပိုလျှံအောင် ထိန်းသိမ်းနိုင်ခဲ့သည်။ ရန်ကုန်သည် YBSနှင့် Water Bus ကို မိတ်ဆက်ပေးခဲ့သည်။ သို့သော်နိုင်ငံရေးလေ့လာသူများက ဒီချုပ်သည် ၎င်း၏ ရွေး ကောက်ပွဲကတိဖွဲ့စည်းပုံပြင်ဆင် ရေးနှင့် ပတ်သက်၍  နှုတ်ဆိတ် နေကြောင်း ဝေဖန်သည်။ ထို့အပြင် နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည် ကိုယ်တိုင်ပင် ၂၀၀၈ အခြေခံဥပဒေမူဘောင်အတွင်း ဓားစာခံဖြစ် နေရသည့် အခြေအနေဖြစ်နေ ကြောင်း မြန်မာ့အရေးကျွမ်းကျင် သူဘာတေးလင့်တနာက သုံးသပ်သည်။

‘‘အစိုးရနှင့် အများပြည်သူများ၏ လူမှုဘဝအတွင်း အရပ်သားအစိုးရ၏ အခန်းကဏ္ဍကျယ် ပြန့်စေမည့် လုပ်ငန်းစဉ်ကို ဒေါ်စုအနေနဲ့ ယခုအချိန်ထိ စတင်နိုင် ခြင်းမရှိသေးပေ’’ဟု ဘာတေးလင့်တနာက Asia Times တွင် ဖော်ပြ ခဲ့သည့် ၎င်း၏ဆောင်းပါး၌ ရေးသားသည်။

ရွေးကောက်ပွဲအပြီး ၂ နှစ် ပြည့်ချိန်အထိ အစိုးရသစ်က အမျိုးသားကာကွယ်ရေးနှင့် လုံခြုံ ရေးကောင်စီအစည်းအဝေးတစ် ကြိမ်မျှ မခေါ်ခဲ့ခြင်းက အရပ်ဘက် ၊စစ်ဘက်ဆက်ဆံရေးကို မေးခွန်း ထုတ်စရာဖြစ်နေဆဲဖြစ်သည်။

ကိုဖီအာနန်နှင့် ဘာတေးလင့်တနာတို့ကဲ့သို့သော မြန်မာ့အရေးနှင့် နီးနီးကပ်ကပ်ရှိသူများကမူ မြန်မာနိုင်ငံတွင် အစိုးရနှစ် ရပ်ပုံစံဖြစ်နေ၍ အခက်အခဲအချို့ရှိကြောင်း နိုင်ငံတကာ၏အထင် လွဲမှုများကို အတတ်နိုင်ဆုံးရှင်းပြ ခဲ့ကြသည်။ ထို့အပြင် စီးပွားရေးကဏ္ဍတွင် အမေရိကန်ပိတ်ဆို့မှုများ ဖယ်ရှားပြီးနောက် ပြန်လည်ဦးမော့လာရေး မျှော်လင့်ခဲ့သော်လည်း စီးပွားရေးနှင့် သက်ဆိုင်သော ဝန်ကြီးများ၊ ဝန်ကြီးများ၏ စွမ်းဆောင်ရည်နှင့်အတူ ထူးခြားမှုမရှိသေးပေ။ ထိုသို့သော အခြေအနေတွင် တစ်ကျော့ပြန်ကြီး ထွားလာသည့် ရခိုင်အရေးက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပေါ် ဖိအားများစေခဲ့သည်။ အဆိုပါနိုင်ငံတကာဖိအားသည် စစ်အစိုးရလက်ထက်ကပင် မကြုံခဲ့ဖူးသော ဖိအားမျိုးလည်းဖြစ်သည်။

ဒေါ်အောင်ဆန်းစုကြည်ကိုယ်တိုင်ကလည်း ရခိုင်ပြည်နယ်အရေးသည် အစိုးရအတွက် အကြီးမားဆုံး စိန်ခေါ်မှုဖြစ်ကြောင်း ဖွင့်ဟထားသည်။

အထူးသဖြင့် အတိုက်အခံအဖြစ် ရပ်တည်စဉ်က နိုင်ငံတကာ အသိုင်းအဝိုင်း၏ ထောက်ခံအား ပေးမှုရရှိခဲ့သော နိုင်ငံတော်အတိုင်ပင်ခံပုဂ္ဂိုလ်ကိုယ်တိုင်ပင် နိုင်ငံတကာဝေဖန်မှုများကို ရှောင်လွှဲ နိုင်ခဲ့ခြင်းမရှိပေ။ ကိုဖီအာနန် ကော်မရှင်ကို ဖွဲ့စည်း၍ ရခိုင်အရေးကို တည်ငြိမ်စွာကိုင်တွယ်ရန် ပြင်ဆင်ခဲ့သော်လည်း လက်ရှိအ ချိန်တွင်မူ ရခိုင်အရေးသည် ဒီချုပ်အစိုးရသစ်၏ အကြီးမားဆုံးဖိ အားတစ်ခုအဖြစ်ရှိနေသည်။

ယင်းအနေအထားသည် အစိုးရ၏ ရွေးကောက်ပွဲကတိကဝတ်များ ဖော်ဆောင်နိုင်ရေးအတွက် ပိုမိုခက်ခဲသွားစေကြောင်း မဟာဗျူဟာနှင့် မူဝါဒလေ့လာရေးအဖွဲ့ သင်တန်းရေးရာ ဒါရိုက်တာ ဦးအောင်သူငြိမ်းက သုံးသပ်သည်။အစိုးရအဖွဲ့ ယန္တရားလည် ပတ်ပုံသည်နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တစ်ဦးတည်းအပေါ် အလွန်မှီခိုနေပြီး လွှတ်တော်အနေဖြင့်လည်း အစိုးရကိုအားကောင်းသည့် အ ပြန်အလှန်စောင့်ကြည့်မှု မလုပ် နိုင်ကြောင်း နိုင်ငံရေးလေ့လာသုံးသပ်သူများက ပြောသည်။ ထို့ အပြင် ပြည်ထောင်စုဝန်ကြီးအချို့၏ စွမ်းဆောင်ရည်အပေါ် နိုင်ငံ ရေးလေ့လာသူများ၊ ၎င်းတို့နှင့် ဆက်စပ်လုပ်ကိုင်ရသူများ၊ စီးပွား ရေးလုပ်ငန်းရှင်များက ဝေဖန်မှု များရှိခဲ့သော်လည်း ပြောင်းလဲမှု မရှိပေ။

ဗဟိုဦးစီးချုပ်ကိုင်မှု အကဲသာနေသည့် လက်ရှိပုံစံကို ပြုပြင်ရန်လိုအပ်ကြောင်း ဦးအောင်သူငြိမ်းက ပြောသည်။ ‘‘အစိုးရ၊ လွှတ်တော်နဲ့ တရားစီရင်ရေး ကဏ္ဍတွေ အပြန်အလှန်ထိန်း ကျောင်းတဲ့စနစ်ကို ဒီထက်ပို အားကောင်းအောင် လုပ်ဖို့လိုတယ်’’ ဟု ၎င်းကဆိုသည်။

‘‘NLD က ခန့်ထားတဲ့ ဝန်ကြီး တွေမှာ တစ်ခုကောင်းတာက လာဘ်မစားဘူး။ ဒါပေမဲ့ စီမံခန့်ခွဲ နိုင်မှုလည်း မရှိပြန်ဘူး’’ဟု အသက်(၂၅)နှစ်အရွယ် လူငယ်အမျိုးသားတစ်ဦးကဆိုသည်။ ပြုပြင်ပြောင်းလဲရေးနှင့် ပတ်သက်၍ သိသာ သည့် လုပ်ဆောင်ချက် မပြနိုင် သေးချိန်တွင် အစိုးရအဖွဲ့ဝင်အ ချို့နှင့် လွှတ်တော်ကိုယ်စားလှယ်အချို့၏ လုပ်ဆောင်ချက်များကလည်း လူထု၏ မျှော်လင့်ချက်ကို ထမ်းပိုးထားရသော ဒီချုပ်၏ ဂုဏ်သိက္ခာကို ထိပါးစေခဲ့သည်။

ထို့ကြောင့် ပါတီခေါင်းဆောင်ပိုင်းက သတိပေးမှုများ မကြာခဏ ပြုလုပ်နေရဆဲဖြစ်သည်။ သို့သော်ဒီချုပ်ခေါင်းဆောင်များသည်လည်း ဗဟိုဦးစီးချုပ်ကိုင်မှုကို အလွန်အကျွံကျင့်သုံးနေသည်ဆိုသော ရှုမြင်ချက်များဖြင့် ရင်ဆိုင်နေရပြန်သည်။

ယင်းရှုမြင်မှုသည် ၂၀၁၅ ရွေးကောက်ပွဲအတွက် ကိုယ်စားလှယ်လောင်းများ ရွေးချယ်ချိန်ကတည်းက စတင်ခဲ့သည်။ ဒေသဆိုင်ရာ ဒီချုပ်ပါတီဝင်များနှင့် ပြည်သူများကြား လူကြိုက်များသူအချို့ကို ပါတီဝင်ကိုယ်စားလှယ်အဖြစ် ယှဉ်ပြိုင်ခွင့်ပြုရန် ငြင်းပယ်မှုကြောင့် ရွေးကောက်ပွဲအကြိုကာလတွင် ဝေဖန်မှုများ ရင်ဆိုင်ခဲ့ရသည်။

ဦးကိုကိုကြီးနှင့် ဒေါက်တာညိုညိုသင်းတို့ ဒီချုပ်ကိုယ်စားလှယ်လောင်းအဖြစ် လျှောက်ထားမှု ငြင်းပယ်ခံရခြင်းက အထင်ရှားဆုံးဖြစ်သည်။ ယင်းပြဿနာ ကို ‘‘လူကို မကြည့်ပါနဲ့။ ပါတီကိုသာ ကြည့်ပြီး မဲထည့်လိုက်ပါ’’ဆို သော စကားဖြင့် ဒေါ်အောင်ဆန်းစုကြည်က ဖြေရှင်းနိုင်ခဲ့သည်။

သို့သော်လက်ရှိဒီချုပ်အမတ်အချို့၏ စွမ်းဆောင်ရည်အားနည်းချက်များ ပေါ်ပေါက်လာချိန်တွင်မူ ဝေဖန်မှုများ ပြန်လည်ထွက်ပေါ်လာခြင်းဖြစ်သည်။ ဒီချုပ်တိုင်ကြားရေးဌာနသို့ တိုင်ကြားသည့် တိုင်ကြားစာများတွင် အများစု ကပါတီဝင်အချင်းချင်း တိုင်ကြားမှုများ ဖြစ်ကြောင်း ဌာနတာဝန်ခံ ဒေါက်တာမျိုးညွန့်က ပြောသည်။

တိုင်ကြားစာများတွင် ကိုယ်စားလှယ်လောင်းရွေးချယ်မှုနှင့် ပတ်သက်၍ မကျေနပ်မှုအပေါ် အခြေခံသော တိုင်ကြားစာများလည်း ပါဝင်ကြောင်း ၎င်းကဆိုသည်။ ဒီချုပ်လွှတ်တော်ကိုယ်စားလှယ်တိုင်ကြားရေးဌာနသည် လက်ရှိအချိန်အထိ တိုင်ကြားစာ စုစုပေါင်း ၄၉၂ စောင်လက်ခံရရှိထားပြီး မှန်ကန်မှုမရှိသော တိုင်စာများလည်း ပါဝင်သည်ဟုဆိုသည်။

သို့သော်ဒီချုပ်ခေါင်းဆောင်များက လက်ရှိအစိုးရနှင့်လွှတ်တော်၏ ဆောင်ရွက်ချက်အပေါ် အကောင်းမြင်နေဆဲဖြစ်သည်။ ‘‘အားလုံးခြုံရင် ကျွန်တော်တို့ လွှတ်တော်ကိုယ်စားလှယ်တွေက အလုပ်လုပ်ကြပါတယ်။ ဒါတော့ ပြောရဲတယ်။ အလုပ်လုပ်တဲ့အခါမှာ အမှားတွေ ရှိတယ်။ တိုင်ကြားခံရတာတွေ ပိုများတာပေါ့’’ ဟု ဒေါက်တာမျိုးညွန့်ကဆိုသည်။

သို့သော် အစိုးရသက်တမ်း ထက်ဝက်နား နီးလာသည်ကလည်း ဒီချုပ်အစိုးရအတွက် မေ့ မထားသင့်သည့်အချက် ဖြစ်သည်။

‘‘အချိန်ဆိုတာ အကန့်အ သတ်ရှိပါတယ်။ အဲဒီအကန့်အသတ်အတွင်းမှာ ကိုယ့်အလုပ်ကို ကိုယ်တိတိကျကျအကောင်အထည်ဖော်ဖို့လိုပါတယ်’’ ဟု ပြည်သူ့လွှတ်တော်ဥက္ကဋ္ဌဦးဝင်းမြင့်က ပြောသည်။

Top News