စည်ပင်နယ်နိမိတ်တွင် မပါသဖြင့် ဂေါ်ရင်ဂျီကျွန်းကို ခရီးသွားဒေသအဖြစ် ဆောင်ရွက်ရန် အခက်အခဲရှိဟုဆို

ရေလုပ်ငန်းခွင်ဝင်နေသော ဂေါ်ရင်ဂျီကျွန်းဒေသခံ လုပ်သားများ ဓာတ်ပုံ − မြင့်ကျော်လှိုင်

ဂေါ်ရင်ဂျီကျွန်းသည် ငရုတ် ကောင်းမြို့နယ်၏စည်ပင်သာယာ နယ်နိမိတ်အတွင်း ပါဝင်ခြင်းမရှိ သဖြင့် ခရီးသွားဒေသအဖြစ် တရားဝင်အကောင်အထည်ဖော်ဆောင်ရန် အခက်အခဲများနှင့် ရင်ဆိုင်နေရသည်ဟု ဟိုတယ်နှင့် ခရီးသွားညွှန်ကြားရေး ညွှန်ကြားမှုဦးစီးဌာန(ပုသိမ်) ဒုတိယ ညွှန်ကြားရေးမှူး ဦးဇော်လင်းထွန်းက ပြောသည်။ 


၂၀၁၅ နောက်ပိုင်း အပျိုစင် ကမ်းခြေဟု ထင်ရှားကျော်ကြား လာသည့် ဂေါ်ရင်ဂျီကမ်းခြေတွင် ဟိုတယ်အမည်ခံ၍ ဘန်ဂလိုနှင့် တည်းခိုခန်း ၁၀ ခုနှင့် အထက် ဖွင့်လှစ်ထားသော်လည်း စည်ပင် သာယာနယ်နိမိတ်အတွင်း ပါဝင် ခြင်းမရှိသောကြောင့် ဟိုတယ်နှင့် ခရီးသွားလာရေးဝန်ကြီးဌာနက တရားဝင် လိုင်စင်ထုတ်ပေးရန် ခက်ခဲနေသည်။ 

‘‘ဘယ်လိုဘောင်ဝင်အောင် လုပ်မလဲလို့ စဉ်းစားရင်းနဲ့ ဝန်ကြီး ဌာနက အကောင်အထည်ဖော် ဆောင်နေတဲ့ ရပ်ရွာအခြေပြုခရီး သွားလုပ်ငန်းကို အကောင်အ ထည်ဖော်ဆောင်ရင် သင့်တော် မယ်ဆိုပြီး အကြံပြုချက်တင်ထား တယ်’’ဟု ၎င်းက ပြောသည်။ 

ဂေါ်ရင်ဂျီကျွန်းဒေသနှင့်ပတ် သက်၍ တရားဝင်ကွပ်ကဲနေသော အဖွဲ့အစည်းမရှိသဖြင့် နှစ်စဉ် ခရီးသွားဝင်ရောက်မှုအရေအတွက်ကို သက်ဆိုင်ရာဝန်ကြီးဌာနက ထုတ်ပြန်ကြေညာနိုင်ခြင်းမရှိပေ။ 

 လက်ရှိအချိန်တွင် ဂေါ်ရင်ဂျီ ကျွန်းကို ရပ်ရွာအခြေပြုခရီးသွား လုပ်ငန်းအဖြစ် တရားဝင် ဆောင်ရွက်နိုင်ရန် ဧရာဝတီတိုင်းဒေသ ကြီး အစိုးရအဖွဲ့သို့ ခွင့်ပြုချက် တောင်းခံထားကြောင်း၊ တိုင်းအစိုး ရ၏ ခွင့်ပြုချက်ရသည့်အခါ ဟို တယ်နှင့်ခရီးသွားလာရေးဝန်ကြီး ဌာနသို့ ထပ်မံတင်ပြမည်ဖြစ်ကြောင်း ဦးဇော်လင်းထွန်းက ပြောသည်။ 

ငရုတ်ကောင်းမြို့နယ်၏စည် ပင်သာယာနယ်နိမိတ်အတွင်း ပါ ဝင်ခြင်းမရှိသေးသည့် ဂေါ်ရင်ဂျီ ဒေသကို ထွန်းမြေ(ပင်လယ်ပြင်အ တွင်း သောင်ထွန်းပေါ်ပေါက်လာ သည့်မြေ)ဟု ဒေသခံများက ခေါ် ဆိုကြသည်။ 

တစ်နှစ်အတွင်း ဂေါ်ရင်ဂျီဒေသကို ရပ်ရွာအခြေပြု ခရီးသွား လုပ်ငန်းအဖြစ် တရားဝင်အောင် လုပ်ဆောင်ရန် သက်ဆိုင်ရာ ဝန်ကြီးဌာနက မျှော်မှန်းထားသည်။ ဂေါ်ရင်ဂျီကျွန်းပေါ်တွင် ဟိုတယ်ကြီးများ တည်ဆောက်ရန် မြေနေရာ ဝယ်ယူစုဆောင်းထားသူများရှိသည်ဟု ဒေသခံများက ပြောဆိုသော်လည်း ရပ်ရွာအခြေပြု ခရီးသွားလုပ်ငန်း ဖြစ်သည့်အတွက် မျှော်မှန်းထားသည့်အတိုင်း နိုင်ငံတကာအဆင့်မီ လုပ်ကိုင်နိုင်ရန် မဖြစ်နိုင်ကြောင်းဦးဇော်လင်းထွန်း က ပြောသည်။ 

More in Tourism Section

Top News