‘မိုမိုတို့ကိုချစ်တယ်’ အနုပညာဖန်တီးမှုမှ အကြီးဆုံး စက္ကူဆင်ရုပ်ကြီးကို ဂင်းနစ်မှတ်တမ်းဝင်ရန် ဆောင်ရွက်မည်

နိုဝင်ဘာ ၄ ရက်က ဆင်ရုပ်များ ရန်ကုန်မြို့တွင်း လှည့်လည်စဉ် ဓာတ်ပုံ − ဂျေမောင်မောင် (အမရပူရ)

တောဆင်ရိုင်းများ သတ် ဖြတ်အရေခွံခွာခံနေရခြင်းကို တုံ့ ပြန်ရန် ပြုလုပ်လျက်ရှိသည့် မိုမို တို့ကိုချစ်တယ် အနုပညာဖန်တီးမှု မှ အကြီးဆုံးဆင်ရုပ်ကြီးကို ကမ္ဘာ့ အကြီးဆုံး စက္ကူရုပ်အဖြစ် ဂင်းနစ် မှတ်တမ်းဝင်ရန် ဆောင်ရွက်မည်ဟု ကမ္ဘာလုံးဆိုင်ရာ သဘာဝပတ် ဝန်းကျင် ရန်ပုံငွေအဖွဲ့ (WWF)ဆက်သွယ်ဆက်ဆံရေး အကြီးတန်းအရာရှိကိုရဲမင်းသွင်ကပြောသည်။ မိုမိုတို့ကိုချစ်တယ် (We Love Our MoMos) အနုပညာ ဖန်တီးမှုအတွက် စက္ကူဆင်ရုပ်ကြီး လေးရုပ်၊ ဆင်ငယ်နှစ်ရုပ်နှင့် ဝါးဆင်ရုပ် တစ်ရုပ် စုစုပေါင်း ခုနစ်ရုပ် ဖန်တီးထားပြီး ယင်းအနက် အကြီးဆုံး ဆင်ရုပ်ကြီးကို ဂင်းနစ်မှတ်တမ်းဝင်နိုင်ရန် တင်ပြမည်ဖြစ်သည်။


အကြီးဆုံးဆင်စက္ကူရုပ်၏ အရွယ်အစားသည် အလျား ၂၁ ပေ၊ အနံ ၇ပေ၊ အမြင့် ၂၁ ပေရှိ ပြီး ပျမ်းမျှ ၇ပေမှ ၉ ပေကြား အမြင့်ရှိသည့် သက်ရှိဆင်ထီးတစ်ကောင်၏ အရွယ်အစားထက် သုံးဆခန့် ပိုမိုကြီးမားသည်ဟုဆိုသည်။

 ကမ္ဘာ့အကြီးဆုံး စက္ကူရုပ် အဖြစ် မှတ်တမ်းဝင်နိုင်ရန် ဂင်း နစ်မှတ်တမ်းအဖွဲ့သို့ တင်ပြထား ပြီး ဆင်ရုပ်အရွယ်အစား မှတ်တမ်း၊ ဆင်ရုပ်ပြုလုပ်သည့် ဗီဒီယို မှတ်တမ်းများကိုပါ တင်ပြမည်ဖြစ် သည်။ ‘‘ဂင်းနစ်မှတ်တမ်း လုပ်ထုံး လုပ်နည်းက နည်းနည်းကြာတဲ့ အတွက် ဂင်းနစ်စံချိန် ချိုးနိုင်တယ် ဆိုတာကိုတော့ နည်းနည်းတော့ စောင့်ရမယ်’’ဟု ကိုရဲမင်းသွင်က ပြောသည်။

အကြီးဆုံးဆင်စက္ကူရုပ်ကို ဂရပ်ဖစ်တီအနုပညာရှင် အာကာ ကျော်နှင့်အဖွဲ့၊ ဝါးအရုပ်ရက်လုပ် ကျွမ်းကျင်ပညာရှင် ဦးမြင့်(ရုပ်လုံး ကမ္ဘာ)တို့က ဖန်တီးခဲ့ပြီး ဆင်တစ် ကောင် နှာမောင်းမြှောက်နေသည့် ပုံစံကို အတွင်းဝါးဖရိန်ဖြင့် တည် ဆောက်၍ သတင်းစာစက္ကူ အ ဟောင်းများဖြင့် ဖန်တီးထားသည်။ 

 လက်ရှိ ဂင်းနစ်စံချိန် တင် ထားသည့် ကမ္ဘာ့အကြီးဆုံး စက္ကူရုပ်မှာ မက္ကဆီကိုနိုင်ငံတွင် ဖန်တီး ထားသည့် စောင်းကောက်နှင့် မက္ကဆီကိုဂီတပညာရှင်ကို ပုံဖော်ထားသည့် စက္ကူရုပ်ဖြစ်ပြီး ယင်း မှာ အလျား ၁၁ ပေနှင့် ၄ ဒသမ ၅၇လက်မ၊ အနံ ၃ ပေ နှင့် ၉ ဒသမ ၅၉ လက်မ၊ အမြင့် ၁၂ ပေနှင့် ၆ ဒသမ ၄၃ လက်မရှိသည်။

Top News