ရှမ်းပြည်နယ် အရှေ့မြောက်ပိုင်းတွင် ဝက်ဝံအရှင် သည်းခြေထုတ်ယူသည့်ဈေးကွက်ဖြစ်ထွန်းနေ

ဆေးဖက်ဝင်သည်ဆိုသည့် အယူ အဆများကြောင့် ဝက်ဝံအရှင်များ ကို လှောင်ချိုင့်အတွင်း မွေးမြူ၍ သည်းခြေထုတ်ယူသည့် ဈေးကွက် သည် ရှမ်းပြည်နယ် အရှေ့မြောက်ပိုင်းဒေသအချို့တွင် ဖြစ်ထွန်းနေ ကြောင်း ဇီဝမျိုးစုံ မျိုးကွဲနှင့် သဘာ ဝပတ်ဝန်းကျင်ထိန်းသိမ်းရေးအ သင်း (BANCA) ပရိုဂရမ်မန်နေဂျာ ကိုတင်ထွန်းအောင်က ပြောသည်။ဝက်ဝံသည်းခြေနှင့်ခြေဖဝါး လက်ဖဝါးများသည် ဆေးဖက်ဝင် သည်ဆိုသည့် အယူအဆများ ကြောင့် ဝက်ဝံများကို သတ်ဖြတ် ရောင်းချသော်လည်း ၁၉၇၀ နှောင်းပိုင်းမှစ၍ ဝက်ဝံအရှင်ကို လှောင်အိမ်တွင်း ထည့်သွင်းမွေးမြူပြီး အရှင်လတ်လတ်သည်းခြေပုံမှန်ထုတ်သည့် နည်းစနစ်ကို အသုံးပြုခဲ့ကြသည်။ 


ထိုသို့ အရှင်လတ်လတ်သည်းခြေထုတ်ယူနေခြင်းကို ကမ္ဘာနှင့် အဝန်း နိုင်ငံတကာအဖွဲ့အစည်းများက ရပ်တန့်စေရန် လှုပ်ရှားဆောင်ရွက်လာခြင်းနှင့် တရုတ်နိုင်ငံတွင် ဆန့်ကျင်ကန့်ကွက်မှုများကြောင့် လွန်ခဲ့သည့် နှစ်အနည်းငယ်မှစ၍ တရုတ်နိုင်ငံအတွင်း သည်းခြေရည်ထုတ်ယူသည့်တရားမဝင် ဝက်ဝံမွေးမြူခြံများကို အရေးယူပိတ်ပင်ခဲ့သော်လည်း ဈေးကွက်လိုအပ်ချက်ကြောင့် တရုတ်-မြန်မာနယ်စပ်သို့ ရွှေ့ပြောင်းလာသည်။ 

ယခုအခါ ရုတ်လုပ်ငန်းရှင်များက အရှင်လတ်လတ် ဝက်ဝံသည်းခြေ ထုတ်ယူသည့် လုပ်ငန်း (Bear Farm)ကို ရှမ်းပြည်နယ် အရှေ့မြောက်ပိုင်းဒေသများ ဖြစ်သည့် ပန်ဆန်းနှင့် မိုင်းလားတို့တွင် လုပ်ကိုင်နေသည်ဟု ကိုတင်ထွန်းအောင်က ပြောသည်။ 

‘‘ဝက်ဝံကို လှောင်ချိုင့်သေး သေးလေးမှာထားတယ်။ နံရိုးက နေ ဖောက်ပြီး သည်းခြေကို နေ့စဉ် ထုတ်ယူတယ်။ နှစ်ပေါင်းများစွာ ထုတ်ယူတော့ လူတွေမှာတောင် သည်းခြေပျက်တယ်ဆိုတာ ရှိ တယ်။ သူတို့လည်း သည်းခြေပျက် မှာပဲ။ စိတ်ဓာတ်ပိုင်း၊ ခန္ဓာကိုယ် ပိုင်းဆိုင်ရာပျက်စီးပြီး သေဆုံးတာ ပဲ။ ကိုယ့်ကိုယ်ကိုယ် သတ်သေ တာတွေ ဖြစ်လာတယ်’’ဟု ၎င်းက ပြောသည်။ တစ်ကမ္ဘာလုံးတွင် ဝက်ဝံမျိုးစိတ်ရှစ်မျိုးရှိ၍ မြန်မာနိုင်ငံတွင် Sun Bear (မြန်မာအခေါ်-ခွေးဝံ) နှင့် Moon Bear (မြင်းဝံ)ဟူ၍ နှစ်မျိုးကျက်စားပြီး တိကျသည့် ကောင်ရေစာရင်းကို ခန့်မှန်းနိုင်ခြင်းမရှိသေးပေ။ 

‘‘တိကျတဲ့ ဝက်ဝံကောင်ရေ မခန့်မှန်းနိုင်ခင်မှာပဲ မြန်မာနိုင်ငံရဲ့သစ်တောတွေပြုန်းတီးမှုနဲ့အတူ ကောင်ရေကျဆင်းလာတာကို သတိထားမိနေပါတယ်’’ဟု သား ငှက်ထိန်းသိမ်းရေးအဖွဲ့(WCS)မှ Landscape Coordinator For Nothern Forest Complex (Kachin) ဦးလှနိုင်က ပြောသည်။ 

ထို့အပြင် အရှင်လတ်လတ် သည်းခြေထုတ်ယူမှုများအပြင် စီးပွားဖြစ် အမဲလိုက်သတ်ဖြတ်ခံရခြင်း၊ ခြေလက်အင်္ဂါများ ဖြတ်တောက်၍ မှောင်ခိုရောင်းဝယ်ဖောက်ကားခံရခြင်း၊ အိမ်မွေးတိရစ္ဆာန်အဖြစ် မွေးမြူနေခြင်းတို့လည်း ကြုံတွေ့နေရသည်ဟု ၎င်းက ဆိုသည်။ 

ဝက်ဝံမျိုးစိတ်နှစ်ခုစလုံးကို နိုင်ငံတကာ သဘာဝပတ်ဝန်းကျင် ထိန်းသိမ်းရေးအဖွဲ့ကြီး (IUCN) သတ်မှတ်ချက်များအရ မျိုးသုဉ်း အန္တရာယ်ကျရောက်နိုင်သော မျိုးစိတ်များအဖြစ် သတ်မှတ်ထားပြီး မြန်မာနိုင်ငံတွင်လည်း တောရိုင်း တိရစ္ဆာန်နှင့် သဘာဝအပင်များ ကာကွယ်ရေးနှင့် သဘာဝနယ်မြေများ ထိန်းသိမ်းရေးဥပဒေတွင် အဆင့်လိုက် ထိန်းသိမ်းကာကွယ်ထားသည်။ 

Top News