မြန်မာအမျိုးသားများကို ခြိမ်းခြောက်လာသော ရင်သားကင်ဆာ

ဓာတ်ပုံ−ကျော်ဇင်သန်း

အမျိုးသားများ၌ ရင် သားကင်ဆာ ဖြစ်ပွားမှုသည် ကမ္ဘာတွင်သာမက မြန်မာနိုင်ငံ၌လည်း ရှိလာပြီဖြစ်သည်။ ယင်းရောဂါ သည် ယခုအခါ မြန်မာအမျိုး သမီးထုကိုသာမက အမျိုးသား များကိုပါ ခြိမ်းခြောက်နေသည့် ရောဂါတစ်ခုဖြစ်လာသည်။

‘‘အခုမှသိတာ။ ကြားကို မကြားဖူးဘူးဗျ။ အမျိုးသမီးတွေ မှာပဲ ဖြစ်မယ်ထင်ထားတာ။ ဒီပုံစံ အတိုင်းသာဆို နေ့တိုင်း ကိုယ့်ရင် သားကို စမ်းရမလိုဖြစ်နေပြီ’’ဟု အသက် (၄၀)အရွယ် တက္ကစီ ယာဉ်မောင်း ဦးအုန်းက ဆိုသည်။

ရန်ကုန်ဆေးရုံကြီး စာရင်း မှတ်တမ်းများအရ အမျိုးသားများ ၌ ရင်သားကင်ဆာဖြစ်ပွားမှုသည် ၂၀၁၃ က စတင်၍ အမျိုးသား တစ်ဦး၊ ၂၀၁၄ ကတစ်ဦးနှင့် ၂၀၁၅ တွင် ခြောက်ဦးအထိ တိုး ပွားလာသည်။ ထို့ကြောင့် အမျိုး သားများပါ သတိပြုရမည့် ရင် သား ကင်ဆာဖြစ်ပေသည်။

အမျိုးသားများတွင် ရင်သား ကင်ဆာဖြစ်ပွားရသည့် အကြောင်း ရင်းကို မသိရသော်လည်း ဆေး လိပ်နှင့် အရက်သောက်သုံးခြင်း၊ ကိုယ်လက်လှုပ်ရှားမှု မရှိခြင်းနှင့် အဝလွန်ခြင်းတို့ကြောင့် ယင်း ရောဂါ ဖြစ်နိုင်မှု အန္တရာယ် မြင့် မားကြောင်း လေ့လာမှုများက ဖော်ပြသည်။

‘‘အမျိုးသားတွေမှာ ဘာ ကြောင့်ဖြစ်တာလဲဆိုတော့ ဖြစ် နိုင်ခြေများတာက ဆေးလိပ် သောက်တာ၊ အရက်သောက်တာ နောက် တချို့ရောဂါသည်တွေရှိ တယ်။ အဲဒီရောဂါသည်တွေကျ သူတို့ ကုသရတဲ့ ဆေးတွေပေါ့ နော်။ အဲဒီဆေးတွေကို တာရှည် သောက်ရတဲ့သူတွေရှိတယ်။ အထူးသဖြင့်ကတော့ အရက်၊ ဆေးလိပ်ပေါ့။ နောက် အဝလွန် တဲ့သူတွေမှာ ဖြစ်တာတွေ့တယ်’’ ဟု ရန်ကုန်ဆေးရုံကြီး ဓာတ် ရောင်ခြည် ကင်ဆာဌာန ပါမောက္ခ၊ဌာနမှူး ဒေါက်တာ ခင်ချိုဝင်းက ဆိုသည်။

ရင်သားကင်ဆာ ဖြစ်ပွားနိုင် သည့်အချက်ကို တိကျစွာ မပြော နိုင်သော်လည်း အဖြစ်များသော အုပ်စုနှင့် ဖြစ်နိုင်ခြေ အန္တရာယ်ရှိ သော အုပ်စုဟူ၍ သတ်မှတ်ထား သည်။ အရက်၊ ဆေးလိပ်သောက် သုံးသူများ၊ အဝလွန်သူများ၊ ကလေးမမွေးဖူးသူများ၊ သန္ဓေ တားဆေး သုံးစွဲသူများ၊ ကိုယ် လက်လှုပ်ရှားမှုနည်းသူများ၊ ရင် သားကင်ဆာ မျိုးရိုးရှိသူများဟူ၍ သတ်မှတ်ထားသည်။ ယင်းအုပ်စု ထဲ၌ အမျိုးသားများ ထပ်ကာ တလဲလဲ ကျင့်သုံးလေ့ရှိသည့် အလေ့အထများ ပါဝင်နေသဖြင့် အမျိုးသားများတွင်ပါ ရင်သား ကင်ဆာ ဖြစ်ပေါ်ရခြင်းဖြစ်သည်။

‘‘ကျွန်တော်လည်း သတင်း တွေမှာတွေ့တာ။ အမျိုးသားတွေ မှာ ရင်သားကင်ဆာဖြစ်တယ်ဆို တာကို အံ့သြသွားတယ်။ ကျွန် တော်ထင်တာကတော့ အခု နောက်ပိုင်းက အမျိုးသားတွေက ဆေးလိပ်သောက်၊ အရက် သောက်တာတွေက ပိုများလာ တာကြောင့်လည်း ပါမယ်ထင် တယ်’’ဟု အသက် (၃၀)ကျော် အရွယ် ကုမ္ပဏီဝန်ထမ်း ကိုကျော် က ဆိုသည်။

ရန်ကုန်ဆေးရုံကြီးသို့ လာ ရောက်ပြသသူ ရင်သားကင်ဆာ ဖြစ်ပွားသည့် အမျိုးသားများတွင် အသက် (၃၀)အရွယ်ကစ၍ (၆၀)အရွယ်များ ပါဝင်ပြီး အသက်ငယ်သူများ၌  ယင်း ရောဂါ မတွေ့ရပေ။

‘‘သူတို့ကျတော့ အမျိုးသမီး တွေထက် ကိုယ့်ကိုယ်ကိုယ် သတိထားမိကြတယ်။ ဘာလို့ဆို အမျိုးသားတွေဆိုတော့၊   အစ ကတည်းကမှ ရင်သားမရှိတဲ့သူ တွေဆိုတော့ ရင်သားက အလုံး ကြီးဖြစ်လာတယ်၊ သိတာနဲ့ ချက် ချင်းပြတော့ နည်းနည်းတော်သေး တာပေါ့။ ဒါပေမဲ့ တစ်ခု သတိ ထားရမှာက အမျိုးသားတွေမှာ ဖြစ်တဲ့ ရင်သားကင်ဆာတွေက အမျိုးသမီးတွေထက်စာရင် ပိုဆိုး တယ်။ ပိုကုသရခက်တာတွေ တွေ့လာတယ်’’ဟု ဒေါက်တာ ခင်ချိုဝင်းက သုံးသပ်သည်။

အမျိုးသားများတွင် အမျိုး သမီးများကဲ့သို့ ရင်သားမျိုးမရှိ သော်လည်း ၎င်းတို့တွင် သေးငယ် သော ရင်သားတစ်သျှူးပမာဏ ပါရှိသည်။ အရွယ်ရောက်ပြီး အမျိုးသားတစ်ဦး၏ ရင်သားများ သည် အပျိုဖော်ဝင်စ မိန်းကလေး တစ်ဦး၏ ရင်သားများနှင့် ဆင်တူ သည်။ အမျိုးသမီးများတွင် ယင်း တစ်သျှူး ဖွံ့ဖြိုးကြီးထွားလာသော် လည်း အမျိုးသားများတွင် ယင်း ကဲ့သို့ ဖွံ့ဖြိုးကြီးထွားလာခြင်း မရှိ ပေ။

သို့သော်လည်း ယင်းမှာ ရင် သားကင်ဆာ ဖြစ်စေနိုင်သည့် တစ်သျှူးပင် ဖြစ်သောကြောင့် အမျိုးသားများတွင်လည်း ရင် သားကင်ဆာ ဖြစ်ပေါ်နိုင်သည်။ အသက် (၃၅)နှစ်အောက် အမျိုး သားများတွင် ရင်သားကင်ဆာ ဖြစ်ပွားမှု အလွန်နည်းပါးပြီး အသက်ကြီးလာလေလေ၊ ရင် သားကင်ဆာ ဖြစ်နိုင်ခြေ ပိုများ လေဖြစ်ကြောင်း လေ့လာမှုများ က ဖော်ပြသည်။ အမျိုးသားများ သည် အသက် (၆၀)နှင့်အထက် အရွယ်များတွင် ရင်သားကင်ဆာ ဖြစ်ပွားမှု အများဆုံးဖြစ်သည်။

အမျိုးသားများအတွက် ရင် သားကင်ဆာကို စစ်ဆေးဖော် ထုတ်သော နည်းလမ်းမှာ အမျိုး သမီးများနှင့် ပုံစံတူပင်ဖြစ်ပြီး ရုပ် ပိုင်းဆိုင်ရာ စမ်းသပ်စစ်ဆေးခြင်း၊ ရင်သား ဓာတ်မှန်ရိုက်ခြင်း၊ အသားစ ထုတ်ယူစစ်ဆေးခြင်း စသည့် နည်းလမ်းများ အသုံးပြုရ သည်။

ထို့အပြင် ရောဂါဖြစ်ပွားပါ က အမျိုးသမီးများကို ကုသသော နည်းလမ်းများပင် အသုံးပြုသည်။ ခွဲစိတ်ကုသခြင်း၊ ဓာတ်ရောင် ခြည်ဖြင့်ကုသခြင်း၊ ဆေးသွင်း ကုသခြင်းတို့ဖြစ်သည်။

အမျိုးသားများတွင် ဖြစ်ပွား သည့် ရင်သားကင်ဆာသည် အမျိုးသမီးများတွင် ဖြစ်ပွားသည့် ရင်သားကင်ဆာနှင့် ရောဂါလက္ခ ဏာ အတူတူပင်ဖြစ်သည်။ ရင်သားတွင် အဖုအကျိတ်များ ထွက်ပေါ်ခြင်း၊ ရင်သားအရောင် ပြောင်းလဲလာခြင်း၊ တစ်ဖက်နှင့် တစ်ဖက် အရွယ်အစားမတူညီ ခြင်း၊ ရင်သားနှင့်နို့သီးထိပ် အရေ ခွံများ ယားယံခြင်း၊ နို့သီးခေါင်း ကိုညှစ်ရာတွင် အရည်၊ သွေးများ ထွက်ခြင်းနှင့် ချိုင်းများ၌ အကျိတ် ထွက်ခြင်းတို့ဖြစ်သည်။

‘‘ရင်သားမှာ အကျိတ်ဖြစ် လာတယ်။ ချိုင်းမှာ အကျိတ်ရှိ တယ်။ နာတာတော့ သိပ်မရှိဘူး ပေါ့။ သိပ်ဆိုးမှပဲ၊ ပေါက်ပြဲ ထွက်မှပဲ နာတာပေါ့’’ဟု ဒေါက် တာ ခင်ချိုဝင်းက ရှင်းပြသည်။

ထို့ကြောင့် အမျိုးသားများ အနေဖြင့် အမျိုးသမီးများနည်းတူ မိမိတို့ရင်သားတွင် မသင်္ကာဖွယ် အချက်များ တွေ့ရှိလာပါက တတ်ကျွမ်းနားလည်သည့် ဆရာ ဝန်များနှင့် ပြသရမည်ဖြစ်သည်။ ထို့အပြင် အနေအထိုင်၊ အစား အသောက်ပုံစံများ ပြောင်းလဲ ခြင်းဖြင့်လည်း ရင်သားကင်ဆာ ဖြစ်ပွားမှုကို ကာကွယ်နိုင်သည်။ အဆီလျှော့စားခြင်း၊ ဟင်းသီး ဟင်းရွက်များ စားသုံးခြင်း၊ ကိုယ် လက်လှုပ်ရှား အားကစားပြုလုပ် ခြင်း၊ အရက်၊ ဆေးလိပ် လျှော့ သောက်ခြင်းတို့ဖြင့် ကာကွယ်နိုင် သည်။

အချုပ်ဆိုရသော် အိမ် ထောင်ဦးစီး တာဝန်ယူထားရ သော အမျိုးသားများ၌ ရင်သား ကင်ဆာဖြစ်ပွားပါက နောက် ဆက်တွဲ အကျိုးသက်ရောက်မှု အဖြစ် နိုင်ငံ့လုပ်အား ဆုံးရှုံးမည့် အပြင် ၎င်း၏မိသားစုအတွက် လည်း ဒုက္ခအခက်အခဲများစွာနှင့်ရင်ဆိုင်ရမည်ဖြစ်သည်။

‘‘ရင်သားကင်ဆာက ကြောက်စရာမဟုတ်ပါဘူး။ အဓိ ကက အန္တရာယ်ရှိတဲ့အပြုအမူ တွေ(အရက်၊ ဆေးလိပ်)ကို ရှောင်ရှားရမယ်။ ပြီးတော့ အမျိုး သားတွေအနေနဲ့ မိမိရင်သား အရောင်ပြောင်းသွားတာတို့ဆို ရင် ဆရာဝန်ကြီးတွေနဲ့ စစ်ဆေး သင့်တယ်။ စောစောစီးစီးသိပြီး စောစောကုမယ်ဆိုရင် ပျောက် ကင်းနိုင်ခြေ အရမ်းများပါတယ်’’ ဟု အထွေထွေရောဂါကု ဆရာဝန် တစ်ဦးက တိုက်တွန်းသည်။

 

Top News