ချေးငွေဖြင့် ၀ယ်ယူထားသော တရုတ်လေယာဉ်သုံးစီး အသုံးမပြုနိုင်တော့သော်လည်း အကြွေးမကျေသေး

 ၂၀၀၉ က တရုတ်နိုင်ငံ Exim Bank ချေးငွေဖြင့် ၀ယ်ယူခဲ့ပြီး နိုင်ငံပိုင်လေကြောင်း လိုင်းတွင် ပြေးဆွဲခဲ့သည့် တရုတ် ထုတ် MA-60 လေယာဉ်သုံးစီး သည် ယခုအခါ လုံးဝပျံသန်းခြင်း မပြုနိုင်တော့ဘဲ  ရပ်နားထားရ ကြောင်း ပို့ဆောင်ရေးနှင့်ဆက် သွယ်ရေးဝန်ကြီးဌာန ဒုတိယ၀န် ကြီးဦးကျော်မျိုးက ပြောသည်။

အဆိုပါ လေယာဉ်သုံးစီးသည် ပြေးဆွဲခြင်းမပြုနိုင်ဘဲ ရပ်နား ထားရသော်လည်း ယင်းလေယာဉ် များ ၀ယ်ယူစဉ်က တင်ရှိနေသည့် ချေးငွေတရုတ်ယွမ် ၃၉၉ သန်းကို ပြန်လည်ပေးဆပ်နေရကြောင်း နိုဝင်ဘာ ၉ ရက်က ကျင်းပသည့် ပြည်ထောင်စုလွှတ်တော်အစည်းအဝေးတွင် ဒုတိယ ၀န်ကြီးဦးကျော်မျိုးက ရှင်းလင်းပြောဆိုရာတွင် ထည့်သွင်းပြောကြားခဲ့သည်။

၂၀၁၃ အတွင်း လေယာဉ် မတော်တဆ ထိခိုက်ပျက်စီးမှု ကြောင့် MA-60 လေယာဉ်နှစ်စီး ကို ပျံသန်းမှုမပြုလုပ်တော့ဘဲ ရပ်နားခဲ့ပြီး ကျန်ရှိသည့် လေယာဉ်တစ်စီးသည်လည်း ဆက်လက် ပျံသန်းရန် မသင့်သဖြင့် လုံးဝရပ် နားခဲ့ရကြောင်း ဒုဝန်ကြီးဦးကျော် မျိုးက လွှတ်တော်သို့ ရှင်းပြသည်။

MA-60 လေယာဉ်သုံးစီးအ တွက် Exim Bank မှ ချေးငွေယူ ထားသည့် အပေါ် ၂၀၁၇ မတ်လအထိ စုစုပေါင်းယွမ် ၁၀၁  သန်းပေးချေခဲ့ပြီး ဖြစ်သည်။

 သို့ဖြစ်၍ ၂၀၁၇ မတ်လ ၂၁ ရက်မှ ၂၀၂၉ စက်တင်ဘာ ၉ ရက်အထိ ပေးဆပ်ရန်ကျန်ရှိ သည့် အတိုး၊ ကတိခံကြေးနှင့် အရင်းယွမ် ၃၇၂ သန်းနှင့် ညီမျှသောကန်ဒေါ်လာ ၅၆ ဒသမ ၈၃၆ သန်း ကြွေးဆပ်ရန် ကျန်ရှိကြောင်း ၀န်ကြီးက ပြောသည်။

‘‘ရင်းနှီးမြှုပ်နှံမှု ကုန်ကျငွေ များကြောင့် အရှုံးပေါ်နေသော နိုင်ငံတော်ပိုင်တစ်ခုတည်းသော လေကြောင်းလိုင်းဖြစ်တဲ့အတွက် နိုင်ငံတော်ကတစ်ပိုင်တစ်နိုင် ထောက်ပံ့မှုအဖြစ် ချေးငွေဖြင့် ၀ယ်ယူထားပြီး လုံးဝအသုံးမပြု နိုင်သော MA-60 လေယာဉ်သုံး စီးရဲ့ချေးငွေကိုနိုင်ငံတော်က တာဝန်ယူပေးဆပ်မယ်ဆိုပါက မြန်မာအမျိုးသားလေကြောင်းရဲ့ လုပ်ငန်းလည်ပတ်ဆောင်ရွက်မှု အ တွက် အတန်အသင့်အဆင်ပြေ နိုင်မည်ဖြစ်တာကြောင့် နိုင်ငံတော် အစိုးရအဖွဲ့ထံတင်ပြခဲ့ပါတယ်’’ ဟု ဦးကျော်မျိုးက ပြောသည်။

ပြည်ထောင်စုအစိုးရအဖွဲ့ အစည်းအဝေးတွင် ယင်းကိစ္စနှင့် ပတ်သက်ပြီး နိုင်ငံတော်က ကျခံပေးဆပ်ရန် သဘောတူညီ ခဲ့ကြောင်း ၎င်းကပြောသည်။