အုပ်စုဖွဲ့ရွေးချယ်ခြင်းမှသည် လွတ်လပ်သော ရွေးကောက်ပွဲများသို့

သမ္မတရုံး၏ ညွှန်ကြား ချက်ဖြင့် တစ်နိုင်ငံလုံး အတိုင်းအတာဖြင့် ရပ်ကွက်နှင့်ကျေးရွာအုပ်စု အုပ်ချုပ်ရေးမှူးများ ပြန်လည်ရွေးချယ်မှာဖြစ်ပါတယ်။ ရပ်ကျေးအုပ်ချုပ်ရေးမှူးဥပဒေကို ပြည်ထောင်စုလွှတ်တော်က တတိယအကြိမ်ပြင်ဆင်ခဲ့ပြီး ၂၀၁၆ ခုနှစ်မှာ အသစ်ပြဋ္ဌာန်းခဲ့ပါတယ်။

လက်ရှိတာဝန်ထမ်းဆောင် နေတဲ့ ရပ်ကျေးအုပ်ချုပ်ရေးမှူး များရဲ့ သက်တမ်းဟာ တစ်နှစ်နဲ့ ရှစ်လသာရှိသေးပြီး ဥပဒေအရ ငါးနှစ်သက်တမ်းမပြည့်သေးဘဲ အသစ်ပြန်လည်ရွေးချယ်ခြင်းဟာ ဘာကြောင့်လဲ၊ ဥပဒေနဲ့ညီကော ညီရဲ့လားဆိုတဲ့ မေးခွန်းများ လည်း ပြည်သူတွေကြားမှာဖြစ် ပေါ်နေတယ်။ တချို့ကလည်း လက်ရှိရပ်ကျေးအုပ်ချုပ်ရေးမှူး တွေဟာ လွှတ်တော်အမတ်တွေ နဲ့ ပူးပေါင်းဆောင်ရွက်မှုအားနည်း တဲ့အတွက် အသစ်ပြန်လည်ရွေး ချယ်ခြင်းဖြစ်တယ်လို့ ပြောကြပါ တယ်။

မဟုတ်ပါဘူး။ ၂၀၀၈ ခုနှစ် ဖွဲ့စည်းပုံအခြေခံဥပဒေအခန်း (၅) အုပ်ချုပ်ရေးပုဒ်မ ၁၉၉(က)မှာ နိုင်ငံတော်အုပ်ချုပ်ရေးအကြီး အကဲသည် နိုင်ငံတော်သမ္မတဖြစ် သည်လို့ ပြဋ္ဌာန်းထားပါတယ်။ ပြည်ထောင်စုအစိုးရအဖွဲ့ကို ဖွဲ့ စည်းမယ်ဆိုရင် နိုင်ငံတော်သမ္မတ ကိုရွေးချယ်ခန့်အပ်ပြီးမှ သူက တစ်ဆင့် တိုင်းဒေသကြီးနဲ့ပြည် နယ်အစိုးရအဖွဲ့ကို ဖွဲ့စည်းခန့် အပ်ပြီး ထိုမှတစ်ဆင့်ရပ်ကျေး အုပ်ချုပ်ရေးမှူးများကို ရွေးချယ် ခန့်ထားတဲ့အဆင့်ဆင့်လုပ်ငန်း စဉ်ကို သွားရမှာဖြစ်ပါတယ်။ ယ ခင်ရပ်ကျေးအုပ်ချုပ်ရေးမှူးဥပ ဒေမှာ အုပ်ချုပ်ရေးမှူးသက်တမ်း ဟာ လွှတ်တော်ရဲ့သက်တမ်းနဲ့တူ ညီသည်လို့ ပြဋ္ဌာန်းထားတဲ့အ တွက် ၂၀၁၅ ရွေးကောက်ပွဲအပြီး ဒုတိယအကြိမ် လွှတ်တော်အ စည်းအဝေးများ ပြန်လည်ကျင်းပ တဲ့အခါမှာ ဥပဒေနဲ့အညီရပ်ကျေး အုပ်ချုပ်ရေးမှူးများ ရွေးချယ်ခန့် အပ်ခဲ့တာဖြစ်ပါတယ်။

အဲဒီအချိန်မှာ သမ္မတကြီး ဦးထင်ကျော်ကို ခန့်အပ်တာဝန် ပေးခြင်းမပြုရသေးပါဘူး။ ဒါ ကြောင့် နိုင်ငံတော်အုပ်ချုပ်ရေး အကြီးအကဲမခန့်အပ်ရသေးဘဲ ရပ်ကျေးအုပ်ချုပ်ရေးမှူးများကြို တင်ခန့်အပ်ခြင်းဟာ လုပ်ငန်းစဉ် နဲ့မညီတဲ့အတွက် ရပ်ကျေးအုပ် ချုပ်ရေးမှူးများ၏ သက်တမ်း သည် နိုင်ငံတော်သမ္မတ၏ သက် တမ်းနှင့်ညီသည်ဟု ဥပဒေပြင် ဆင်ရေးဆွဲခဲ့ပြီး ရွေးကောက်ပွဲ များ ပြန်လည်ကျင်းပရခြင်းဖြစ်ပါ တယ်။

ရပ်ကျေးအုပ်ချုပ်ရေးမှူး ရွေးပွဲများကို တစ်နိုင်ငံလုံးမှာ ပြန် လည်ကျင်းပမှာဖြစ်ပြီး ရန်ကုန် တိုင်းဒေသကြီးမှာတော့ နိုဝင်ဘာ လအတွင်း အပြီးကျင်းပပြုလုပ်ရ မယ်လို့ ညွှန်ကြားစာထွက်ထား ကြောင်း သိရပါတယ်။ ယခင်ဥပ ဒေအရ ရပ်ကျေးအုပ်ချုပ်ရေးမှူး ရွေးတဲ့အခါ ရပ်ကျေးဆယ်အိမ် မှူးတွေကိုသာ ရွေးချယ်ခဲ့ပြီး ရာ အိမ်မှူးရွေးချယ်ခြင်း မရှိခဲ့ပါဘူး။ ဆယ်အိမ်စုမှူးများထဲမှ အုပ်ချုပ် ရေးမှူးလုပ်လိုသူက အရွေးချယ် ခံပြီး ၎င်းဆယ်အိမ်စုမှူးများက မဲပေးရတဲ့အခါ အုပ်စုဖွဲ့ရွေးချယ် မှုတွေရှိခဲ့ပါတယ်။ အုပ်ချုပ်ရေး မှူးလုပ်လိုသူအချို့ဟာ ကိုယ့်လူ ပါအောင် ဆယ်အိမ်မှူးရွေးချယ် စေပြီး ထိုသူများကို တံစိုးလက် ဆောင်ပေးစည်းရုံးကာ ကြီးကြပ် ရေးအဖွဲ့ရှေ့မှောက်မှာ သူ့ကိုမဲ ပေးစေပါတယ်။ အမြင်မှာ ရွေး ကောက်ပွဲဟာ သန့်ရှင်းတယ်လို့ ထင်ရပေမယ့် နောက်ကွယ်က ခြေပုန်းခုတ်အုပ်စုဖွဲ့မှုက ကြီးကြီး မားမားရှိနေခဲ့ပါတယ်။ ဒါကြောင့် လည်း ရပ်ကွက်ဥက္ကဋ္ဌတုန်းက လည်း သူပဲ၊ အုပ်ချုပ်ရေးမှူး ဖြစ်တော့လည်း သူပဲဆိုပြီး ဒေသ တော်တော်များများမှာ ဖြစ်ခဲ့တာ ဖြစ်ပါတယ်။

ယခုပြင်ဆင်လိုက်တဲ့ဥပဒေ သစ်အရ အိမ်ထောင်စုစာရင်း ၆၆/၆ ရှိတဲ့တစ်အိမ်လျှင်အသက် (၁၈)နှစ်ပြည့်သော အိမ်ထောင်စု ၀င်တစ်ဦးစီက မဲပေးရမှာဖြစ်တဲ့ အတွက် ယခင်ကထက် လွတ် လပ်သောရွေးကောက်ပွဲများ ဖြစ် လာမှာဖြစ်ပါတယ်။ ပြည်သူများ ရှင်းလင်းအောင်ပြောရရင် စည် ပင်ရွေးကောက်ပွဲ မဲပေးတုန်းက အတိုင်းဖြစ်ပါတယ်။ ရပ်ကွက် ကျေးရွာအုပ်စုအတွင်း တစ်ဆက် စပ်တည်းရှိသော လမ်းအတိုင်း ဆယ်အိမ်စုမှူးများရွေးချယ်မှာ ဖြစ်ပြီး ထိုမှတစ်ဆင့် ရာအိမ်မှူး များရွေးချယ်မှာဖြစ်ပါတယ်။ ရာ အိမ်မှူးများထဲမှ သတ်မှတ်အရည် အချင်းနဲ့ကိုက်ညီသူကသာ အုပ် ချုပ်ရေးမှူးရွေးကောက်ပွဲဝင်နိုင် မှာဖြစ်ပါတယ်။ အုပ်ချုပ်ရေးမှူး လောင်းရဲ့ အရည်အချင်းအချို့ကို လည်း ဥပဒေသစ်မှာပြင်ဆင်ထား ပါတယ်။ ရပ်ကွက်အတွင်းတစ် ဆက်စပ်တည်း ဆယ်နှစ်နေထိုင် သူဖြစ်ရမည်ဆိုသည့်အစား ငါး နှစ်လို့ လျှော့ပေါ့သတ်မှတ်လိုက် ပါတယ်။ ယခင်ကသတ်မှတ်ထား တဲ့ စားဝတ်နေရေးဖူလုံရမယ်၊ ပညာအရည်အချင်းအသင့်အ တင့်ရှိရမယ်၊ ကျန်းမာရေးကောင်း မွန်ရမယ်ဆိုတဲ့အချက်တွေ ပါ မလာတော့ပါဘူး။

ကျေးရွာအုပ်စု အုပ်ချုပ်ရေး မှူးရွေးချယ်ရာမှာတော့ အုပ်စု အောက်က ကျေးရွာအသီးသီးမှာ ကျေးရွာတာဝန်ခံတစ်ဦးစီကို ရွေး ချယ်ပေးရမှာဖြစ်တယ်လို့ ဥပဒေ အသစ်မှာ ပါဝင်လာတာတွေ့ရပါ တယ်။ ရပ်ကျေးအုပ်ချုပ်ရေးမှူး များ ရွေးချယ်ရာမှာ ကြီးကြပ်ဖို့ အတွက် ငါးဦးပါကြီးကြပ်ရေးအ ဖွဲ့ကို ဦးစွာဖွဲ့ရမှာဖြစ်ပြီး ထိုအဖွဲ့ က ရပ်ကျေးအုပ်ချုပ်ရေးမှူးရွေး ချယ်ရာမှာ ဥပဒေနဲ့ညီညွတ်မှုရှိ၊ မရှိ စိစစ်ကြီးကြပ်ရမှာဖြစ်ပါ တယ်။ ကြီးကြပ်ရေးအဖွဲ့ဖွဲ့စည်း ရာမှာလည်း အများဆန္ဒနဲ့ အညီ ရွေးချယ်ရမယ်လို့ ဆိုထားပါ တယ်။ ဒီဥပဒေထဲအားနည်းချက် တွေကတော့ အများဆန္ဒနဲ့အညီ ရွေးချယ်ခြင်း၊ အကျင့်စာရိတ္တ ကောင်းမွန်ခြင်းစတဲ့ လိုသလို အဓိပ္ပာယ်ကောက်ယူသုံးစွဲနိုင်တဲ့ စကားလုံးတွေပဲဖြစ်ပါတယ်။

မည်သို့ပင်ဖြစ်စေကာမူ ရပ် ကျေးအုပ်ချုပ်ရေးမှူးများကို ပြည် သူက တိုက်ရိုက်ရွေးချယ်ရမှာ ဖြစ်တဲ့ပြည်သူတွေအတွက် အခွင့် အရေးပိုရသလို ဒီမိုကရေစီပိုဆန် လာတယ်လို့ ပြောရမှာဖြစ်ပါ တယ်။ ယခင်ကလိုဆယ်အိမ်မှူး၊ ရာအိမ်မှူးမွေးပြီး အုပ်စုဖွဲ့ရွေး ချယ်လို့တော့ မရတော့ပါဘူး။ အရေးကြီးတာကတော့ ပြည်သူ တွေမဲရုံထဲသွားပြီး မဲပေးဖို့အပိုင်း ပဲဖြစ်ပါတယ်။ အခြေခံအုတ်မြစ် ကောင်းမှ အပေါ်ထပ်အဆောက် အအုံကောင်းမှာ ဖြစ်ပါတယ်။ ခရိုင်၊ မြို့နယ်အုပ်ချုပ်ရေးမှူးများ ကို ပြည်သူကတိုက်ရိုက်ရွေးချယ် ခွင့်မရသေးချိန်မှာ ကိုယ့်ရပ်ကျေး အုပ်ချုပ်ရေးမှူးများကို ကိုယ် ကိုယ်တိုင် ရွေးချယ်ခွင့်ရလာတဲ့ အခွင့်အရေးကို လက်မလွှတ်သင့် ပါကြောင်း...။   ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

Top News