န၀ဒေးတံတားပေါ်မှ ဧရာဝတီမြစ်အတွင်း ခုန်ချသည့် စက်မှုအထက်တန်းကျောင်းသားတစ်ဦး ပျောက်ဆုံးနေ

 ပြည်မြို့ န၀ဒေးတံတား ပေါ်မှ ဧရာဝတီမြစ်အတွင်း ခုန်ချ သည့် အသက် (၁၅) နှစ်အရွယ်စက်မှုအထက်တန်းကျောင်းသား တစ်ဦး ပျောက်ဆုံးနေကြောင်း န၀ဒေးရဲကင်းမှ ရဲအရာရှိတစ်ဦး က ပြောသည်။

အဆိုပါကျောင်းသားသည် ပြည်မြို့ စက်မှု အထက်တန်း ကျောင်းတွင် ပထမနှစ်ပညာသင်ကြားနေပြီး နိုဝင်ဘာ ၉ ရက် ညနေ ၆ နာရီခန့်က န၀ဒေးတံတားရေလယ်တိုင်အမှတ် (၂) နှင့် (၃) အကြားမှ ခုန်ချခဲ့သဖြင့် ရေလုပ်သားများက စက်လှေများဖြင့် လက်ရှိ အချိန်အထိ ရှာဖွေနေကြောင်း န၀ဒေး ရဲကင်းမှူး ဒုရဲအုပ် မျိုးဇော်က နိုဝင်ဘာ ၁၀ရက် နေ့လယ်က ပြောသည်။

‘‘နိုဝင်ဘာ ၁၀ ရက် နေ့လယ်ပိုင်းအထိတော့ ရှာတုန်းပဲ မတွေ့ သေးဘူး။ ကျောင်းသားကလေး ကို အုပ်ထိန်းသူက အပျော်အပါး ချည်းမနေဖို့၊ စာကြိုးစားဖို့ ဆုံးမတာလောက်ပဲရှိတယ်လို့ သိရ တယ်’’ဟု ၎င်းက ဆိုသည်။

ကျောင်းသားသည် နိုဝင်ဘာ၉ ရက် ညနေ ၆ နာရီခန့်က ၎င်း၏ သူငယ်ချင်းဖြစ်သူ န၀မတန်း ကျောင်းသားတစ်ဦးနှင့်အတူ န၀ဒေးတံတားပေါ်ရှိ လူသွားစင်္ကြံ သို့ ရောက်ရှိလာသည်။ ယင်း နောက် ၎င်း၏ သူငယ်ချင်းက စင်္ကြံလက်ရန်းကိုမှီကာ  လက် ကိုင်ဖုန်းဖြင့် အင်တာနက်သုံးနေ စဉ် ခုန်ချခြင်းဖြစ်ကြောင်း ဒုရဲအုပ် မျိုးဇော်က ပြောသည်။

‘‘ကျောင်းသားလေးက ခုန်ချ ဖို့ စင်္ကြံလက်ရန်းပေါ်ရောက်တဲ့ အချိန်မှာ သူငယ်ချင်းဖြစ်သူက မြင်လို့ လှမ်းအော်ပေမယ့် အချိန် မမီလိုက်ဘူးလို့ သိရတယ်။ ပါလာတဲ့ သူငယ်ချင်းကလည်း ဒီလိုခုန် ချလိမ့်မယ်လို့ ထင်မထားဘူးလို့ ပြောတယ်’’ဟု ၎င်းက ပြောသည်။