မကွေးတိုင်းအတွင်း သိမ်းဆည်းထားသော သက်တမ်းလွန်မုန့် တစ်သိန်းခွဲကျော်ဖိုး မီးရှို့ဖျက်ဆီး

ယခုနှစ်အတွင်း မကွေးတိုင်း မြို့နယ်များမှ ကျပ် တစ်သိန်းခွဲကျော်တန်ဖိုးရှိ သက် တမ်းလွန်မုန့်များ သိမ်းဆည်းမိပြီး ၎င်းတို့ကို နိုဝင်ဘာ ၁၀ ရက်က အခမ်းအနား ပြုလုပ်ကာ မီးရှို့ ဖျက်ဆီးခဲ့ကြောင်း မကွေးတိုင်း အစားအသောက်နှင့် ဆေးဝါးကွပ်ကဲရေးဦးစီးဌာန တိုင်းဦးစီးမှူး ဒေါက်တာပြည့်ထူးကပြောသည်။

      မကွေးတိုင်းရှိ မကွေး၊ တောင်တွင်းကြီး၊ နတ်မောက်၊ အောင်လံ၊ မင်းဘူး၊ သရက် စသောမြို့များမှ ဈေးဆိုင်များကို အစားအသောက်နှင့် ဆေးဝါးကွပ်ကဲရေးဦးစီးဌာနက ဈေးကွက် စောင့်ကြည့်ရေး လုပ်ငန်းများ ဆောင်ရွက်ရာမှ သိမ်းဆည်းမိခြင်းဖြစ်ကြောင်း ၎င်းက ပြောကြားသည်။

 ‘‘FDA က ပြည်သူများ အ စားအစာ ဘေးကင်းလုံခြုံမှုရှိစေ ရေးအတွက် ပညာပေးဆောင် ရွက်တာအပြင် ဈေးကွက်စောင့် ကြည့်ရေးလုပ်ငန်းစဉ်တွေလည်း လုပ်ပါတယ်။ အစားအစာတွေမှာ ဆိုးဆေးတွေ ပါ၊ မပါ စစ်တာမျိုး၊ သက်တမ်းလွန် အစားအစာတွေ ရောင်းချနေခြင်း ရှိ၊ မရှိ စသဖြင့် ပုံမှန်စစ်ဆေးတာပါ။ အဲဒီအခါမှာ သံသယရှိတဲ့ အစားအစာဆိုရင် ဈေးကွက်အတွင်းက ပေါက်ဈေး အတိုင်း ဝယ်ယူပြီး ဓာတ်ခွဲစစ် ဆေးတာတွေလည်း ဆောင်ရွက် ပါတယ်’’ဟု ဒေါက်တာပြည့်ထူး က ပြောသည်။

     မကွေးတိုင်း အစားအသောက်နှင့် ဆေးဝါးကွပ်ကဲရေး ဦးစီးဌာနအနေဖြင့် ပြီးခဲ့သည့်လက တိုင်းအတွင်းရှိ မြို့နယ်များတွင် ရွေ့လျားဓာတ်ခွဲခန်း ပါဝင်သည့်ယာဉ်ဖြင့် ဈေးကွက်အတွင်း ရောင်းချနေသော အစားအစာများကို ဓာတ်ခွဲစစ်ဆေးခြင်းများ ဆောင်ရွက်ခဲ့သည်။

Top News