နည်းပညာ

အိုင်စီတီကဏ္ဍ ထုတ်ကုန်တန်ဖိုး ဒေါ်လာသန်းနှစ်ရာခန့်ရှိကြောင်း ဆက်သွယ်ရေးဝန်ကြီးပြော

 မြန်မာနိုင်ငံ၏ အိုင်စီတီ ကဏ္ဍ ထုတ်ကုန်တန်ဖိုးသည် တစ်နှစ်လျှင် ကန်ဒေါ်လာသန်း ၂၀၀ ခန့်ရှိကြောင်း ပို့ဆောင်ရေး နှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင် မောင်က ပြောသည်။


ဗီယက်နမ်တွင် Software Industryဒေါ်လာခြောက်ဘီလီယံခန့် အထိရရှိပြီး မြန်မာနိုင်ငံတွင် သန်း ၂၀၀ အောက်သာရှိကြောင်း ၎င်းကပြောသည်။

အိုင်စီတီကဏ္ဍကြောင့် နိုင်ငံ အချို့တွင် GDP ကို ၄၀ရာခိုင်နှုန်း အထိ ထောက်ပံ့ပေးနေကြောင်း၊ မြန်မာနိုင်ငံအနေဖြင့် ICT Park များ၊ Software Park များ ယခု ထက် ပိုမိုတိုးပွားရန်လိုအပ် ကြောင်း နိုဝင်ဘာ ၁၀ ရက်က ပြု လုပ်သော e-government ဆွေး နွေးပွဲ၌ ၎င်းကပြောသည်။

မြန်မာနိုင်ငံ၏အိုင်စီတီကဏ္ဍသည် ၂၀၀၁ မှ ၂၀၀၄ အတွင်း အတိုးတက်ဆုံး ဖြစ်ခဲ့သော်လည်း ၂၀၀၄ နောက်ပိုင်း တိုးတက်မှုမရှိ တော့ကြောင်း လေ့လာတွေ့ရှိ ချက်များကိုအခြေခံ၍ မြန်မာနိုင်ငံ ကွန်ပျူတာအသင်းချုပ်က ထုတ် ပြန်ထားသည်။

မြန်မာနိုင်ငံအနေဖြင့် အိုင်စီ တီကဏ္ဍ ထုတ်ကုန်တန်ဖိုးပမာဏ ကို စာရင်းပြုစုထားခြင်း မရှိသေး ကြောင်း မြန်မာနိုင်ငံ ကွန်ပျူတာ အသင်းချုပ်ဥက္ကဋ္ဌဦးခွန်ဦးကပြော သည်။ ‘‘သန်း ၂၀၀ လောက်ရှိ တယ်ဆိုတာ ဖြစ်နိုင်ပါတယ်။ ကုမ္ပဏီကြီးနှစ်ခုတင်ပဲ ဝန်ထမ်း အင်အားတစ်ထောင်လောက်နဲ့ ထုတ်ကုန်တွေ ထွက်နေတာလေ’’ ဟု ၎င်းကပြောသည်။

၂၀၁၄ နောက်ပိုင်း မြန်မာ နိုင်ငံတွင် ပြည်ပအော်ပရေတာနှစ် ခု ဝင်ရောက်လာပြီးနောက် တယ် လီကွန်းကဏ္ဍ တိုးတက်ပြောင်းလဲ လာသော်လည်း အိုင်စီတီကဏ္ဍ တိုးတက်ပြောင်းလဲခြင်းမရှိဘဲ ပုံ မှန်အတိုင်းသာ ဆက်လက်ရပ် တည်နေသည်။ ပြည်ပနိုင်ငံမှ Outsourcing လုပ်ငန်းများကို မြန်မာနိုင်ငံ၌ လက်ခံဆောင်ရွက် ရန် ကွန်ပျူတာအသင်းများ ရည် ရွယ်ချက်ထားရှိသော်လည်း မျှော် မှန်းသည့်အတိုင်း ဖြစ်မလာခဲ့ပေ။

လက်ရှိတွင် ပြည်တွင်း ပြည်ပမှ အိုင်တီကုမ္ပဏီများ တစ် နေရာတည်း၌ စုဝေးရပ်တည်နိုင် ရန် အိုင်စီတီစီးတီးတစ်ခုသန်လျင် မြို့နယ်အတွင်း တည်ဆောက်ရန် မြန်မာနိုင်ငံ ကွန်ပျူတာအသင်း ချုပ်က ပြည်ထောင်စုအစိုးရအဖွဲ့ ထံ တင်ပြထားသည်။

‘‘တိုင်းပြည်ဖွံ့ဖြိုးတိုးတက်ဖို့ အတွက် အိုင်စီတီကဏ္ဍက မဖြစ် မနေ လိုအပ်တယ်လို့ အစိုးရ အဆက်ဆက်က ပြောနေပေမယ့် လည်း ထူးခြားလာတာကတော့ ဘာတစ်ခုမှ မတွေ့ရသေးဘူး’’ဟု ပြီးခဲ့သည့် မတ်လအတွင်းက ဦးခွန်ဦးက ပြောသည်။

အိုင်စီတီကဏ္ဍ၏ ထုတ်ကုန် ပမာဏ တိုးတက်မှုနှုန်း နည်းပါး သော်လည်း အိုင်စီတီအသုံးပြုမှု နှုန်း တိုးတက်နေသည်။ Inter-national Telecommunication Union (ITU)စစ်တမ်းအရ ၂၀၁၆တွင် မြန်မာနိုင်ငံ၏ အိုင်စီတီအ သုံးပြုမှု ညွှန်းကိန်းသည် အဆင့် (၁၄၀) ဖြင့် တိုးတက်လာပြီး အိန္ဒိယနိုင်ငံနှင့် အနီးဆုံးနေရာသို့ တက်လှမ်းခဲ့သည်။