မောင်တောရှိ ပိုင်ရှင်မဲ့လယ်များကို အစိုးရက ရိတ်သိမ်းပြီး တစ်တင်းလျှင် သုံးဒေါ်လာခန့်ဖြင့် ရောင်းချ

 မောင်တောဒေသရှိ ပိုင်ရှင်မဲ့လယ်များကို အစိုးရက ရိတ်သိမ်းပြီး စပါးတစ်တင်းလျှင် ကန် ဒေါ်လာ ၂ ဒသမ ၆၅ (ကျပ် ၃,၆၀၀ ကျော်)ဖြင့် ရောင်းချပေး နေကြောင်း ရခိုင်ပြည်နယ်အစိုးရ အဖွဲ့မှ တာဝန်ရှိသူတစ်ဦးက ပြောကြားသည်။

စပါးရောင်းချပြီး ရရှိသည့် ငွေကြေးကို ဘဏ်တွင် ငွေစာရင်း ဖွင့်ကာ သိမ်းဆည်းထားပြီး မည် သို့ပြန်လည်သုံးစွဲမည်ကို အစိုးရ အဖွဲ့အတွင်း ဆက်လက်ညှိနှိုင်း မည်ဟု ၎င်းက ပြောသည်။

မောင်တောဒေသတွင် စိုက် ပျိုးပြီးလယ်ဧက သောင်းချီရှိနေ ကာ လက်ရှိတွင် မရိတ်သိမ်းပါက စပါးတင်းပေါင်းများစွာ ပျက်စီး ဆုံးရှုံးမည့်အခြေအနေ ကြုံနေ သည်။

စပါး စိုက်ပျိုးထားသည့် လယ်မြေများကို အစိုးရအနေဖြင့် ရိတ်သိမ်းနိုင်သော်လည်း စပါး များ သိမ်းဆည်းရန် သိုလှောင်ရုံ မရှိသဖြင့် ယခုကဲ့သို့ ပုဂ္ဂလိက ကုန်သည်လုပ်ငန်းရှင်များနှင့် ပူးပေါင်းဆောင်ရွက်နေကြောင်း အထက်ပါပုဂ္ဂိုလ်က ပြောသည်။

‘‘နိုင်ငံတော်အတိုင်ပင်ခံရုံး က ညွှန်ကြားထားတာက ရိတ် သိမ်းလို့ရလာတဲ့ စပါးတွေကို သို လှောင်ထားတာထက် တစ်ခါ တည်း ရောင်းချပြီး ရရှိလာတဲ့ငွေ ကို ဘဏ်မှာ စာရင်းတစ်ခုဖွင့်ပြီး ထားရှိဖို့ ညွှန်ကြားထားပါတယ်’’ ဟု နိုဝင်ဘာ ၈ ရက်က ပြုလုပ် သည့် မောင်တောခရိုင် လုံခြုံရေး၊ တရားဥပဒေစိုးမိုးရေးနှင့် ဒေသ ဖွံ့ဖြိုးရေးဆိုင်ရာ လုပ်ငန်းညှိနိ်ှုင်း အစည်းအဝေးတွင် ရခိုင်ပြည်နယ် ဝန်ကြီးချုပ် ဦးညီပုက ပြောသည်။

မောင်တောဒေသတွင် ပြီးခဲ့ သည့် ဩဂုတ် ၂၅ ရက်က ဖြစ်ပွားသည့် အကြမ်းဖက်တိုက်ခိုက်မှု ဖြစ်စဉ်ကြောင့်   မိုးစပါးဧက ခြောက်သောင်းကျော်သည် ပိုင် ရှင်မဲ့ဖြစ်ခဲ့သည်။ 

အဆိုပါပိုင်ရှင်မဲ့ လယ်များကို အစိုးရက ရိတ်သိမ်းနေပြီး မောင်တောအခြေစိုက်လူမှုအဖွဲ့အစည်းအချို့ကလည်း ကူညီရိတ်သိမ်းပေးနေသည်။

Top News