မောင်တောဒေသ အကြမ်းဖက်တိုက်ခိုက်မှုတွင် ပါဝင်ပတ်သက်သူ ၁၀၀ ခန့်ကို ဖမ်းဆီးထားဟု ထုတ်ပြန်

 မောင်တောခရိုင်ရှိ နယ်ခြားစောင့်ရဲစခန်း ၃၀ ကျော် နှင့် တပ်စခန်းတစ်ခုကို ARSA အကြမ်းဖက်အဖွဲ့က စီးနင်းတိုက်ခိုက်မှုနှင့်ပတ်သက်၍ ပါဝင်ပတ်သက်သူ ၉၈ ဦးကို ဖမ်းဆီးထား ပြီး ၆၇ ဦးကို တရားစွဲဆိုထား ကြောင်း အစိုးရက နိုဝင်ဘာ ၁၁ ရက်တွင် သတင်းထုတ်ပြန်သည်။

ဆိုပါ ဖမ်းမိသူများသည် သြဂုတ် ၂၅ ရက်မှ နိုဝင်ဘာ ၁၀ ရက်အတွင်း ဖမ်းဆီးသည့် အရေ အတွက်ဖြစ်ပြီး ဖမ်းဆီးထားသူများအနက် ပြစ်မှုကျူးလွန်ကြောင်း စစ်ဆေးပေါ်ပေါက်မှုမရှိ ၍ အမှုမှ အပြီးလွတ်ထားသူနှစ်ဦး ရှိကာ ရဲတပ်ဖွဲ့က စစ်ဆေးနေသူ ၂၇ ဦးရှိကြောင်း ထုတ်ပြန်ချက် တွင် ဖော်ပြထားသည်။ ထို့အပြင် ကျန်းမာရေးအခြေအနေ ကြောင့် နှစ်ဦးသေဆုံးကြောင်း  ဖော်ပြ သည်။

တရားစွဲဆိုထားသူများကို အကြမ်းဖက် တိုက်ဖျက်ရေးဥပဒေဖြင့် အမှုဖွင့်ထားပြီးလက်ရှိတွင် စစ်ဆေးဆဲဖြစ်ကြောင်း မောင်တောခရိုင် တရားရုံးမှတရားသူကြီးတစ်ဦးက ပြောသည်။ ပြီးခဲ့သည့် သြဂုတ် ၂၅ ရက်က အကြမ်းဖက်တိုက်ခိုက်မှုကြောင့် လုံခြုံရေးတပ်ဖွဲ့ဝင် ၁၃ ဦး၊ နိုင်ငံ့ဝန်ထမ်းနှစ်ဦး၊ ဟိန္ဒူဘာသာဝင်အပါအဝင် တိုင်းရင်းသား ၆၉ ဦး သေဆုံးပြီး လုံခြုံရေး တပ်ဖွဲ့ဝင်တစ်ဦး အပါအဝင် အရပ်သား ၅၃ ဦး ပျောက်ဆုံးနေ ကြောင်း အစိုးရသတင်း ထုတ်ပြန် ရေး ကော်မတီက စက်တင်ဘာ ၂၆ ရက်တွင် နောက်ဆုံးစာရင်း ထုတ်ပြန်ထားသည်။

အကြမ်းဖက်တိုက်ခိုက်မှု ဖြစ်စဉ်တွင် ဖမ်းဆီးမိသူ ၉၀ ကျော်ရှိသော်လည်း တရားခံပြေးဦးရေ များပြားနေကြောင်းအထက်ပါ တရားသူကြီးကပြောသည်။

ပြီးခဲ့သည့် ၂၀၁၆ အောက် တိုဘာ ၉ ရက်က ဖြစ်ပွားသည့် အကြမ်းဖက်မှုတွင် တရားခံ ၅၀၀ ကျော်ကို ဖမ်းဆီး တရားစွဲဆိုခဲ့ သည်။

 

Top News