အဝလွန်သူများ ဒူးအဆစ်လွဲနိုင်၍ သတိထားရန်လို

ကိုယ်အလေးချိန် သာမန်ထက်ပိုများပြီး အဝလွန်ခြင်းကြောင့် ဒူးအ ဆစ်လွဲနိုင်ကာ ခြေထောက်ဖြတ်တောက်ရခြင်းဆီသို့ပင် ဦးတည်နိုင်ကြောင်း လေ့လာမှုတစ်ရပ်က ဖော်ပြသည်။

အမေရိကန်နိုင်ငံတွင် အဝလွန်နေသူများကြား ဒူးအဆစ်လွဲ သော ဖြစ်ရပ်များ မြင့်တက်လာကြောင်း သုတေသီများက ပြော သည်။

အဝလွန်ခြင်းကြောင့် ဒူးပြဿနာကြုံနိုင်ပြီး ကုသစောင့်ရှောက် မှုစရိတ်များကြောင်း ဘရောင်းတက္ကသိုလ် ဝါရန်အဲလ်ဖက်ဆေး ကျောင်းမှ ဒေါက်တာဂျွန်ဆင်က ပြောသည်။


အဝလွန်မှုနှုန်း ပိုများလာစဉ် ဒူးအဆစ်လွဲမှုများလည်း မြင့် တက်လာပြီး အဝလွန်သူ အရေအတွက် ပိုများလာစဉ် ယင်း ပြဿနာများ ဖြစ်ပွားမှု ပိုမိုမြင်တွေ့လာရကြောင်း ဂျွန်ဆင်က ရှင်းပြသည်။

ဒူးအရွတ်များ ပျက်စီးခြင်းကြောင့် ဒူးအဆစ်လွဲနိုင်ပြီး ယာဉ် မတော်တဆဖြစ်ခြင်း၊ အားကစားလုပ်စဉ် ထိခိုက်မိခြင်းတို့ကြောင့် ဒူးအဆစ်လွဲခြင်း အဓိကဖြစ်ပေါ်သည်။

သုတေသီများက ၂၀၀၀ ပြည့်နှစ်နှင့် ၂၀၁၂ ကြား လူနာ ၁၉,၀၀၀ ကို လေ့လာရာ အဝလွန်သူများ ဒူးအဆစ်လွဲသော ဖြစ် ရပ်နှင့် ကြုံတွေ့ရမှု ပိုများကြောင်း တွေ့ရှိခဲ့သည်။

အဝလွန်နှင့် ဒူးအဆစ်လွဲခြင်းကြား ဆက်စပ်မှုရှိပြီး အချိန်အ တော်ကြာ ဆေးရုံတက်ရကာ ကုသမှုစရိတ်မြင့်မားကြောင်း သုတေ သီများက ပြောသည်။

ဒူးအဆစ်လွဲခြင်းကြောင့် ဒူးအဆစ်နောက်ဘက်ရှိ အဓိက သွေးကြောထိခိုက်နိုင်ပြီး အဝလွန်သူများသည် သာမန်ကိုယ်အလေး ချိန်ရှိသူများထက် ဒူးအဆစ်လွဲနိုင်ခြေ နှစ်ဆပိုမြင့်မားသည်။ ဒူးအ ဆစ်လွဲခြင်းကို မကုသဘဲ ထားပါက ခြေထောက်ဖြတ်တောက်ပစ် ရသော အခြေအနေအထိ ရောက်သွားနိုင်သည်။

အဝလွန်ဖြစ်ခြင်းကြောင့် ယင်းပြဿနာအပြင် အခြားသော ကျန်းမာရေးဆိုးကျိုးများ ဖြစ်နိုင်သည်။                 

—Ref: UPI

Top News