ထိုင်းနယ်စပ်စစ်ဘေးဒုက္ခသည်စခန်းများမှ နေရပ်ပြန်ရန် စာရင်းပေးသူ ထောင်ဂဏန်းရှိဟု KRC ပြော

မြန်မာ-ထိုင်းနယ်စပ်ရှိ ဒုက္ခသည်စခန်းတစ်ခုရှိ ဒုက္ခသည် အချို့ကို တွေ့ရစဉ် (ဓာတ်ပုံ − TBC)

ထိုင်း-မြန်မာနယ်စပ် စစ်ဘေးဒုက္ခသည် စခန်းများမှ နေရပ်ပြန်ရန် စာရင်းပေးထားသူ ထောင်ဂဏန်းရှိကြောင်း ကရင်ဒုက္ခသည်များကော်မတီ (KRC) အတွင်းရေးမှူး ဦးဘွယ်စေးက နိုဝင်ဘာ ၁၂ ရက်တွင်ပြောသည်။ 

‘‘စခန်းတွေကို စာရင်း တောင်းထားချက်အရ တချို့ စခန်းတွေကတော့ ရထားပြီးတာရှိ တယ်။ ဘန်ဒေါင်းယန်ရယ်၊ ထန် ဟင်းရယ်ကတော့ ပြန်မယ့် ရာခိုင်နှုန်းကတော့ များတယ်။ ၇၀ ရာ ခိုင်နှုန်းလောက်ကတော့ ပြန်ချင် တယ်ပြောတယ်။ ဒီစခန်းနှစ်ခု ပေါင်းရင် လူဦးရေထောင်ဂဏန်း လောက်ရှိတယ်။ သူတို့က ဒေသ တာဝန်ရှိသူတွေနဲ့ ချိတ်ဆက်ပြီး ပြန်ချင်တာပေါ့’’ဟု ဦးဘွယ်စေး က ပြောသည်။ 

လက်ရှိ ဘန်ဒေါင်းယန်တွင် လူဦးရေ ၂,၇၀၀ ကျော်ရှိကာ ထန်ဟင်းတွင် လူဦးရေ ၆,၁၀၀ ကျော် နေထိုင်သည်။ နိုဝင်ဘာ ၂၃ ရက်နှင့် ၂၄ ရက်တွင်  ထိုင်း -မြန်မာနယ်စပ် ဒုက္ခသည်စခန်း ကိုးခုမှ တာဝန်ခံများအစည်းအ ဝေးပြုလုပ်မည်ဖြစ်ရာ ဒုက္ခသည် စခန်းစီမံခန့်ခွဲရေး၊ နေရပ်ပြန်လို သူများ ကြိုတင်ဆွေးနွေးပြင်ဆင် ရေးနှင့် ဒုက္ခသည်စခန်းများ၏ အ ခြေအနေများကို ဆွေးနွေးဆုံးဖြတ် ရန်ရှိကြောင်း ၎င်းက ဆက်လက် ပြောသည်။ 

၂၀၁၆ အောက်တိုဘာ၌ UNHCR နှင့် နှစ်ဖက်အစိုးရ၏နေ ရပ်သို့ တရားဝင်ပြန်ပို့ရေးအစီအ စဉ်ဖြင့် မြန်မာ-ထိုင်းနယ်စပ်မှ ဒုက္ခသည် ၇၁ ဦး မိမိတို့ဆန္ဒအ လျောက်  နေရပ်မြန်မာနိုင်ငံသို့  ပြန်ခဲ့သည်။ 

‘‘အရင်ပြန်တဲ့ လူတွေက အများစုကတော့ ကရင်ပြည်နယ် တွင်းအများစုကတော့ အဆင်ပြေကြတယ်။ နောက်စခန်းတွေမှာ ထောက်ပံ့မှုလျော့ကျမှုအခြေအ နေနဲ့ ပြည်တွင်းအနေအထားကို ကြည့်ပြီး ဒီလိုစဉ်းစားကြတယ်လို့ သိရတယ်။ ကျွန်တော်တို့အဲဒီအ စည်းအဝေးမှာ စခန်းအားလုံးက ပြန်မယ့်သူစာရင်းတွေ အနီးစပ် ဆုံးခန့်မှန်းခြေထွက်လာပါမယ်’’ ဟု ဦးဘွယ်စေးက ပြောသည်။ 

တပ်မတော်နှင့် ကရင်တိုင်း ရင်းသား လက်နက်ကိုင်အဖွဲ့ (KNU)အကြား တိုက်ပွဲများ ကြောင့် မြန်မာ-ထိုင်းနယ်စပ်တွင် ၁၉၇၅ ကပင် စစ်ဘေးဒုက္ခသည် များ ရောက်ရှိနေပြီး လက်ရှိတွင် ကရင်ဒုက္ခသည်စခန်းခုနစ်ခုနှင့် ကရင်နီ(ကယား)ဒုက္ခသည်စခန်း နှစ်ခုပေါင်း စခန်းကိုးခု၌ လူဦးရေ တစ်သိန်းခန့်ရှိကြောင်း ဦးဘွယ် စေးက ပြောသည်။ 

၂၀၁၈ တွင် ဒုက္ခသည်များ နေရပ်ပြန်ရေး ပိုမို လုပ်ဆောင် လာမည်ဟု ခန့်မှန်းကြောင်း ဦး ဘွယ်စေးက ပြောသည်။ သို့ရာ တွင် ပြန်လည်နေရာချထားရေး ကိစ္စရပ်များနှင့် နေရေးထိုင်ရေး စိုးရိမ်မှုများရှိကြောင်းလည်း ၎င်း က ပြောသည်။ 

‘‘KNU နဲ့ကတော့ ကျွန်တော် တို့လိုရင် လိုအပ်သလို ထိတွေ့ ချိတ်ဆက်ပြီးတော့ ဆွေးနွေးဖြစ် တာတွေရှိပါတယ်။ သူတို့ဘက် ကကျတော့ နိုင်ငံရေးကို အခြေခံ ပြီးတော့ နိုင်ငံရေးအရ ထွက်ပေါ် လာမယ့် အဖြေအရ လုပ်မယ်ပေါ့ နော်။ ဒီတော့ ဒုက္ခသည်အရေး လည်းပဲ ဒီလိုပဲပေါ့။ အခုလော လောဆယ်တော့ အဲဒါကိုပဲ ကျွန် တော်တို့ စောင့်မျှော်နေတာပဲ။ အစိုးရနဲ့ ချိတ်ဆက်ဆောင်ရွက်မှု တွေလည်း လုပ်နိုင်အောင်ပေါ့။ ဒီ ကြားထဲမှာ ကိုယ့်သဘောဆန္ဒအ လျောက် ပြန်ချင်တယ်ဆိုလည်း စာရေးပြီး အကြောင်းကြားပေးဖို့ စီစဉ်ထားတယ်’’ဟု ဦးဘွယ်စေး က ပြောသည်။ 

လက်ရှိတွင် စစ်ဘေးဒုက္ခ သည်စခန်းများသို့ နော်ဝေး၊ ဂျပန်စသည့် အလှူရှင်နိုင်ငံများမှ အဖွဲ့ အစည်းများက အများဆုံးကူညီ ထောက်ပံ့ပြီး နိုင်ငံတကာအလှူ ရှင်အဖွဲ့အစည်းများ၏ထောက်ပံ့ မှုအပေါ် မူတည်၍ TBC က စား နပ်ရိက္ခာနှင့် အမိုးအကာများ စီစဉ်ထောက်ပံ့နေသည်။ 

ထိုင်း-မြန်မာနယ်စပ်မှ ဒုက္ခ သည်စခန်းများကို နိုင်ငံတကာမှ ကူညီထောက်ပံ့နေမှုများသည် ၂၀၁၈ ဖေဖော်ဝါရီက စ၍ ၃၀ ရာ ခိုင်နှုန်း ထပ်မံလျော့ကျမည်ဖြစ် ကြောင်း KRC ဘဏ္ဍာရေးမှူး ဒေါ်နော်ဘလူးမင်းနိုင်ဇံက ပြော သည်။ အထူးသဖြင့် စခန်းလည် ပတ်ရေးစရိတ်၊ စခန်းလုပ်သား များထောက်ပံ့သည့်စရိတ်များကို လျှော့ချရန် အလှူရှင်အဖွဲ့အ စည်းများက ဆုံးဖြတ်ထားကြောင်း ၎င်းက ဆိုသည်။ 

မြန်မာ-ထိုင်းနယ်စပ်ရှိ ဒုက္ခ သည်စခန်းများတွင် နေထိုင်သည့် မြန်မာနိုင်ငံမှ ဒုက္ခသည်များ ၂ နှစ်အတွင်း နေရပ်ပြန်ရေး အလေး ထားလုပ်ဆောင်မည်ဖြစ်ပြီး မြန် မာအစိုးရဆက်ဆံရေးကို နယ်စပ် ရေးရာ ဝန်ကြီးဌာနမှ တစ်ဆင့် တရားဝင်ဖြစ်ရန် ဆောင်ရွက်မည် ဖြစ်ကြောင်း မြန်မာ-ထိုင်းနယ်စပ် ရှိ စစ်ဘေးဒုက္ခသည်များအကူအ ညီပေးရေး စီမံဆောင်ရွက်နေ သည့် နယ်စပ်ဒေသကူညီပေးရေး ညွန့်ပေါင်းအဖွဲ့ (TBC)၏သြဂုတ်  ထုတ်ပြန်ချက်တွင် ဖော်ပြထား သည်။ 

More in News Section