ရခိုင်ရိုးမရှိ မအီဗုဒ္ဓခြေတော်ရာသို့ ဘုရားဖူးများလာရောက်ဖူးမြော်

မအီမြို့ရှိ ဗုဒ္ဓခြေတော်ရာကို ဖူးတွေ့ရစဉ် (ဓာတ်ပုံ − မောင်ကံ)

 ပွင့်လင်းရာသီ ရောက်လာပြီဖြစ်၍ တောင်ကုတ် မြို့နယ် မအီမြို့တွင် တည်ရှိသော မအီဗုဒ္ဓခြေတော်ရာသို့ မြို့နယ်အ သီးသီးမှ ဘုရားဖူးဧည့်သည်များ လာရောက်ဖူးမြော်နေပြီဖြစ်သည်။ မအီဗုဒ္ဓခြေတော်ရာသည် မအီမြို့မှ ဆယ်မိုင်ကျော်အကွာ ရခိုင်ရိုးမတောင်တန်းတွင် တည်ရှိသည်။ လက်ရှိတွင် ဘုရားဖူးရာသီအစဖြစ်၍ တစ်ရက်လျှင်ဘုရားဖူးကား ဆယ်စီးခန့်လာ ရောက်နေကြောင်း၊နိုဝင်ဘာလ ကုန်မှဧပြီအထိ တစ်ရက်လျှင် ဘုရားဖူးကားအစီး  ၅၀ခန့် လာရောက်ကြောင်း ဘုရားဂေါပကတစ်ဦးက ပြောသည်။

မအီဗုဒ္ဓခြေတော်ရာသို့ လာ ရောက်ဖူးမြော်သူများသည် စစ်တွေ၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ကမ်းထောင်းကြီး၊ အမ်း၊ ကျောက်ဖြူ၊ တောင်ကုတ်နှင့် သံတွဲမြို့ ဒေသခံအများဆုံးဖြစ်ကြောင်း ဂေါပကက ဆိုသည်။

‘‘မိုးတွင်းက လမ်းမကောင်း တဲ့အတွက် ဘုရားဖူးတွေ မရောက်ဘူး။ ဈေးဆိုင်တွေလည်း ပိတ်ထားရတယ်။ အခု ပွင့်လင်းရာသီ ရောက်လာပြီဆိုတော့ ဘုရားဖူး တွေ အဆင်ပြေအောင် ထမင်း ဆိုင်တွေလည်း ဖွင့်ကြတော့မှာ ဖြစ်ပါတယ်’’ဟု ဗုဒ္ဓခြေတော်ရာ အနီး ထမင်းဆိုင်ဖွင့်ရောင်း ရန် စီစဉ်နေသူတစ်ဦးက ပြော သည်။

မအီဗုဒ္ဓခြေတော်ရာ ဗုဒ္ဓပူဇ နိယပွဲတော်ကို နှစ်စဉ် တပေါင်း လဆန်း ၁၃ ရက်မှ လပြည့်နေ့အ ထိ စည်ကားသိုက်မြိုက်စွာ ကျင်းပလေ့ရှိသည်။

Top News