ရန်ကုန် - မန္တလေးအမြန်လမ်းတွင် အိမ်စီးကားတစ်စီး ရှေ့ဘီးပြုတ်ထွက်တိမ်းမှောက်၊ ယာဉ်ပေါ်ပါသူငါးဦးဒဏ်ရာရ

ရှေ့ဘီးပြုတ်ထွက် တိမ်းမှောက်ခဲ့သော ကားကို တွေ့ရစဉ် (ဓာတ်ပုံ − အမြန်လမ်းကိုကို)

ရန်ကုန်-မန္တလေးအမြန် လမ်းကြီးတွင် နိုဝင်ဘာ ၁၂ ရက် နံနက်က အိမ်စီးကား Alphard တစ်စီးရှေ့ဘီးပြုတ်ထွက်ကာ တိမ်းမှောက်သဖြင့် ယာဉ်ပေါ်ပါသူ ငါးဦးဒဏ်ရာရရှိခဲ့သည်။

သီးကုန်းအမြန်လမ်း မိုင်တိုင်အမှတ် ၃၀၄ မိုင် ၃ ဖာလုံအကျော်တွင်  ယာဉ်မောင်းမြတ်မင်းကို မောင်းနှင်လာသော Alphard ယာဉ်သည် ယာဘက်ရှေ့ဘီးပြုတ်ထွက်ပြီး အရှိန်မထိန်းနိုင်ဘဲ တိမ်းမှောက်ခဲ့ကြောင်း အမြန်လမ်းရဲတပ်ဖွဲ့မှ ရဲအရာရှိတစ်ဦးက ပြောကြားသည်။

‘‘ကားရှေ့ဘီးပွင့်ထွက်သွား တယ်။ ပြီးတော့မှ ဘီးပါကျွတ် ထွက်ပြီး   မှောက်သွားတာပါ။ ကား ပေါ်ပါတဲ့သူတွေထဲမှာတော့ စိုးရိမ်ရတဲ့သူတွေ မပါပါဘူး’’ဟု အမြန်လမ်းကြက်ခြေနီအဖွဲ့မှ တာဝန်ရှိသူတစ်ဦးက ပြောသည်။

အဆိုပါ ယာဉ်သည် မန္တလေးမှ နေပြည်တော်သို့ မောင်းနှင်စဉ်တိမ်းမှောက်ပြီး ထိခိုက်ဒဏ်ရာရ သူများကို မိတ္ထီလာဆေးရုံသို့ တင်ပို့ထားကြောင်း သီးကုန်းအမြန်လမ်းရဲတပ်ဖွဲ့မှ ရဲအရာရှိတစ်ဦးက ပြောသည်။

‘‘ကားပေါ်မှာ ပါလာတာ တော့ လူငယ်လေးတွေ။ ကျောင်း ပိတ်ရက် ခရီးထွက်လာတဲ့ပုံတော့  ပေါ်ပါတယ်။ ကားကိုသေချာစစ် ဆေးပြီးမှ ထွက်ပါလို့ပြောချင် တယ်။  အခုလည်းကားက ကောင်း ပေမယ့် ဘီးတွေ သေချာမစစ်လို့ ဖြစ်တာပါ။ လူတွေဘာမှ ကြီးကြီး မားမား မထိတာ ကံကောင်းပါ တယ်’’ဟု အမြန်လမ်းကြက်ခြေ နီအဖွဲ့မှ တာဝန်ရှိသူတစ်ဦးက ပြောသည်။ ယာဉ်မောင်းသူကို ယာဉ်မဆင်မခြင် မောင်းနှင်မှုဖြင့် သီးကုန်းအမြန်လမ်းရဲစခန်းက အမှုဖွင့်အရေးယူထားသည်။ 

Top News