ငွေလိမ်လည်မှုဖြင့် သတင်းထောက်သုံးဦး အမှုဖွင့်ခံရ

ပဲခူးတိုင်းဒေသကြီး ဖြူး မြို့နယ် မြပဲခူးကျေးရွာနေ တောင်သူ ၁၆ ဦးထံမှ ငွေကြေး လိမ်လည်မှုဖြင့် သတင်းထောက် သုံးဦးကို အမှုဖွင့်ထားကြောင်း ကညွတ်ကွင်း နယ်မြေရဲစခန်းမှ စခန်းမှူး ရဲအုပ်စန်းဦးက ပြော ကြားသည်။

ကညွတ်ကွင်းမြို့ မြပဲခူး ကျေးရွာနေ ဦးမောင်ညွန့်အပါ အဝင် တောင်သူ ၁၆ ဦးကို လယ် လုပ်ကိုင်ခွင့်၊ လယ်ယာမြေပိုင်ဆိုင်ခွင့်ပုံစံ (၇) ပြုလုပ်ပေးမည်ဟုဆိုကာ ငွေကျပ် ၂၂ သိန်းကျော် လိမ်လည်ယူဆောင်သဖြင့် လာ ရောက်တိုင်ကြားသည့် အမှုဖြစ် ကြောင်း ၎င်းက ပြောသည်။

‘‘မနေ့က (နိုဝင်ဘာ၁၂) ညနေလောက်မှာ အမှုဖွင့်ပေး လိုက်တာပါ။ အမှုနဲ့ တိုင်ကြားခံရ တဲ့ သတင်းထောက်သုံးဦးကိုတော့ ကျွန်တော်တို့ လိုက်ရှာနေပါ တယ်။ အမှုစစ်ဆေးဖို့ ရှာနေပေ မယ့် နိုဝင်ဘာ ၁၃ ရက်အထိတော့ တစ်ယောက်မှ အဆက်အသွယ် မရသေးပါဘူး’’ဟု ရဲအုပ်စန်းဦး က ပြောသည်။

၂၀၁၅ ဒီဇင်ဘာ ၂၃ ရက်က လယ်ယာမြေပိုင်ဆိုင်ခွင့်ပုံစံ (၇)ပြုလုပ်ပေးမည်ဆိုကာ သတင်း ထောက် ကိုဖြိုးကိုလင်း၊ ကိုလှ သန်း၊ ကိုဝင်းညွန့်တို့သုံးဦးက ၂၀၁၆ အထိ ငွေအကြိမ်ကြိမ်လာတောင်းသည်ဟု တိုင်ကြားခဲ့ကြောင်း ၎င်းက ပြောသည်။

အဆိုပါအမှုနှင့်ပတ်သက်၍ တိုင်ကြားခံရသူ ကိုဖြိုးကိုလင်းက ‘‘အဲဒီတုန်းက ကျွဲသမားတွေနဲ့ လယ်သမားတွေ ရန်ဖြစ်လို့ သတင်းသွားယူကြတယ်။ သတင်း ယူပြီး နှစ်ဖက်စလုံးက ထမင်း ကျွေးလို့ စားခဲ့ပါတယ်။ ဘာပိုက် ဆံမှ မတောင်းဖူးသလို ဘာမှ လည်း မယူဖူးပါဘူး။ အခုတိုင် ထားတဲ့ ကိုလှသန်းဆိုတာ သိ တောင်မသိပါဘူး’’ဟုပြောသည်။

အမှုနှင့်ပတ်သက်၍ တရား ဥပဒေအတိုင်း ပြန်လည် ဖြေရှင်း မည်ဟု ကိုဖြိုးကိုလင်းက ပြော သည်။ ကိုဖြိုးကိုလင်းသည် အလွတ်တန်းသတင်းထောက်ဖြစ်ကာ ကိုလှသန်းနှင့်ကိုဝင်းညွန့်တို့သည် သတင်းဌာနတစ်ခုစီတွင် လုပ်ကိုင်နေကြောင်း ကညွတ်ကွင်းနယ်မြေရဲစခန်းမှ ရဲအရာရှိတစ်ဦးက ပြောသည်။

၎င်းတို့သုံးဦးကို ကညွတ် ကွင်းနယ်မြေစခန်းက ရာဇသတ် ကြီးပုဒ်မ ၄၂၀ (မရိုးမဖြောင့်သော သဘောဖြင့် လိမ်လည်ရယူမှု)၊ ပုဒ်မ၁၁၄ (ပြစ်မှုကျူးလွန်ရာတွင် အားပေးကူညီမှု)ဖြင့်  အမှုဖွင့်အရေးယူထားသည်။