စေတနာ့ဝန်ထမ်းလူငယ်များအတွက် ထုတ်ဝေသော တီရှပ်ပါ ရခိုင်ပြည်နယ်မြေပုံနှင့်ပတ်သက်၍ ရှင်းလင်း

ရခိုင်ပြည်နယ် အစိုးရအဖွဲ့ တာဝန်ရှိသူများနှင့် စေတနာ့ဝန်ထမ်းလူငယ်များ မှတ်တမ်းဓာတ်ပုံ ရိုက်ကူးနေစဉ် (ဓာတ်ပုံ − U Nyi Pu FB)

လူသားချင်းစာနာ ထောက်ထားမှုညှိနှိုင်းရေးလူငယ် အဖွဲ့(HCYT)၏စေတနာ့ဝန်ထမ်း လူငယ်များအတွက် ထုတ်ဝေ သော တီရှပ်(အင်္ကျီ)ကျောဘက်ရှိ  ရခိုင်ပြည်နယ်မြေပုံတွင် ဘူးသီး တောင်၊ မောင်တောဒေသကို အနီရောင်ဖြင့် ဖော်ပြထားခြင်းသည် စီမံကိန်းနယ်မြေကို ညွှန်းဆိုခြင်း သာဖြစ်ပြီး အခြားသောမည်သည့် အဓိပ္ပာယ်ဖွင့်ဆိုချက်ကိုမျှ ကိုယ် စားမပြုကြောင်း HCYT အဖွဲ့က နိုဝင်ဘာ ၁၃ ရက်တွင် သတင်း ထုတ်ပြန်သည်။ 

HCYT အဖွဲ့က ကနဦးပြု လုပ်သည့်တီရှပ်တွင် သံတွဲနှင့် ဂွ နယ်မြေတို့ မပါလာခြင်းသည် လည်း ဒီဇိုင်းအခက်အခဲကြောင့်ဖြစ်ပြီး ပြန်လည်ပြင်ဆင်ရေးဆွဲမည်ဖြစ်ကြောင်း ဖော်ပြထားသည်။ 

HCYT အဖွဲ့၏လုပ်ဆောင် ချက်များနှင့်ပတ်သက်၍ ရခိုင်ဒေ သခံများသည် သဲကဲကွဲကွဲ မသိရှိ သောကြောင့် သံသယဖြင့် စောင့် ကြည့်နေပြီး HCYT အဖွဲ့၏တီရှပ်ကျောဘက်တွင် ထည့်ထားသည့် ရခိုင်ပြည်နယ်မြေပုံအပေါ် ရခိုင် လူမျိုးများက ကန့်ကွက်နေကြောင်း စစ်တွေမြို့မိမြို့ဖ ကိုယ်စားပြုကော်မတီနာယက  ဦးသန်းထွန်းက ပြောသည်။ 

‘‘တကယ်လို့ ရခိုင်မြောက် ပိုင်းအခြေအနေကို အသုံးပြုချင် ရင် အဝိုင်းနဲ့သော်လည်းကောင်း တစ်ခုခုနဲ့ပြရင်ရတယ်။ အခု သီး ခြားအရောင်ခွဲလိုက်တဲ့အခါ ဒီလို ဓာတ်ပုံမျိုးက ဘင်္ဂါလီတွေက သူ တို့နယ်မြေထူထောင်ရေးအတွက် အပတ်တကုပ် ကြံလာတဲ့ မြေပုံ ဖြစ်တဲ့အတွက် သူတို့ရည်ရွယ် ချက်အတိုင်းဖြစ်နေတယ်။ အဲဒါကို ရခိုင်တွေ  လုံးဝကန့်ကွက် တယ်’’ဟု ဦးသန်းထွန်းကပြော ကြားသည်။ 

HCYT အဖွဲ့သည် ဘူးသီး တောင်၊ မောင်တောဒေသအ တွင်း ကူညီကယ်ဆယ်ရေးလုပ် ငန်းများဆောင်ရွက်ရန် မတူညီ သော လူ့အသိုင်းအဝိုင်းများမှ လူ ငယ်များ ပါဝင်ပတ်သက်မှုဖြင့် အခြေခံဖွဲ့စည်းထားသော အဖွဲ့ ဖြစ်သည်ဟု HCYT အဖွဲ့ထုတ်ပြန်ချက်တွင် ရေးသားထားသည်။ 

HCYT အဖွဲ့သည် ဘူးသီး တောင်၊ မောင်တောဒေသအ တွင်း ကယ်ဆယ်ရေးလုပ်ငန်းများ၊ ပြန်လည်ထူထောင်ရေးလုပ်ငန်း များ လုပ်ကိုင်ရန်ဖြစ်ပြီး ပြည်သူ့ အတွက် လူငယ့်ရက်(၂၀) အမည် ရှိ စီမံကိန်းကို အဓိကဆောင်ရွက် ရန်ဖြစ်သည်။ 

ယင်းစီမံကိန်းကို အဓိကပံ့ပိုးကူညီပေးသော အဖွဲ့အစည်းများသည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနှင့် ရခိုင်ပြည်နယ်အစိုးရအဖွဲ့တို့  ဖြစ်သည်ဟု ဖော်ပြထားသည်။ 

အဆိုပါ HCYT အဖွဲ့သည် နိုဝင်ဘာ ၁၂ ရက်က စတင်ကာ ဘူးသီးတောင်နှင့် မောင်တောမြို့ နယ်တို့သို့ ကွင်းဆင်းဆောင်ရွက် နေသည်။ 

Top News