ပြင်ဆင်စည်ပင်ဥပဒေမူကြမ်းကို ဒီဇင်ဘာအတွင်း တိုင်းလွှတ်တော်၌ အတည်ပြုရန်စီစဉ်

 ပြင်ဆင်ရေးဆွဲထား သော ရန်ကုန်မြို့တော်စည်ပင် သာယာရေးဥပဒေမူကြမ်းကို ဒီ ဇင်ဘာအတွင်း တိုင်းဒေသကြီး လွှတ်တော်၌ အတည်ပြုနိုင်ရန် စီ စဉ်နေကြောင်း ရန်ကုန်မြို့တော် စည်ပင်သာယာရေးဥပဒေမူကြမ်း စိစစ်ရေးကော်မတီဝင် ဦးလှဌေး က ပြောသည်။

ယခင်အစိုးရ လက်ထက် ၂၀၁၃ က ပြဋ္ဌာန်းခဲ့သည့် အဆိုပါ ဥပဒေကို ရန်ကုန်တိုင်းဒေသကြီး အစိုးရအဖွဲ့က ပြန်လည်ပြင်ဆင် ရန် ဆောင်ရွက်နေသည်။


အဆိုပါ ဥပဒေမူကြမ်းကို အောက်တိုဘာက စတင်စိစစ်ပြီး နိုဝင်ဘာ ၂၂ ရက်တွင် အပြီးစိစစ်ကာ ရန်ကုန်တိုင်းဒေသကြီး အစိုးရထံ တင်ပြမည်ဖြစ်ကြောင်း ၎င်းကပြောသည်။

အစိုးရထံမှ ပြန်ကျလာပါ က လွှတ်တော်ကိုယ်စားလှယ်များနှင့် ဆွေးနွေးပြီး လွှတ်တော်တွင် အတည်ပြုနိုင်ရန် ဆက်လက်လုပ်ဆောင်မည်ဖြစ်သည်။

‘‘ထွက်လာမယ့် ဥပဒေမှာ ရွေးကောက်ပွဲမှာ ပါဝင်ရွေးချယ် မယ့် ကိုယ်စားလှယ်တွေရဲ့ ဖွဲ့ စည်းပုံတွေ၊ မဲပေးတဲ့စနစ်တွေ ပြောင်းလဲသွားမယ်။ အသက် (၁၈)နှစ်ပြည့်ပြီးသူတိုင်း ပါဝင်မဲ ပေးခွင့်ရရှိသွားမယ်’’ ဟု မင်္ဂလာ တောင်ညွန့်မြို့နယ် တိုင်းဒေသ ကြီး လွှတ်တော်ကိုယ်စားလှယ်ဦးလှဌေးကဆိုသည်။

 လက်ရှိရေးဆွဲထားသည့်ဥပဒေမူကြမ်းသည် ၁၉၂၂ ရန်ကုန်မြို့တော်စည်ပင်သာယာရေး ဥပဒေကို ပြန်လည်အခြေခံကာ ရေးဆွဲထားသည့်အပြင် စင်ကာပူ နိုင်ငံမှ ဥပဒေများကိုပါ လေ့လာ ပြီး ထည့်သွင်းရေးဆွဲထားကြောင်း ၎င်းကပြောသည်။

ယင်းဥပဒေမူကြမ်းကို လွှတ် တော်၌ အတည်ပြုပြဋ္ဌာန်းပါက စည်ပင်သာယာရေး ကော်မတီ တွင် အစိုးရက ခန့်အပ်သူလေးဦး၊ မြို့တော်ဝန်တစ်ဦး၊ ပြည်သူလူထု က ရွေးချယ်သူခြောက်ဦး စုစုပေါင်း ၁၁ ဦးဖြင့် အသစ်ပြန်လည်ရွေးချယ်မည်ဖြစ်သည်။

 ၂၀၁၃ ရန်ကုန်မြို့တော် စည်ပင်သာယာရေး ဥပဒေတွင် အခန်း ၂၁ ခန်းပါဝင်ပြီး ကော်မ တီ၏ လုပ်ငန်း၊ လုပ်ပိုင်ခွင့်များ၊ မြို့ပြနှင့် အိုးအိမ်ဖွံ့ဖြိုးမှုစီမံကိန်း နှင့် မြေများစီမံခန့်ခွဲခြင်း၊ ဈေးများ စီမံခန့်ခွဲခြင်းနှင့် ကြီးကြပ်ခြင်း၊ အခွန်အခ စည်းကြပ်ကောက်ခံ ခြင်း၊ ဘဏ္ဍာရေးနှင့် ရန်ပုံငွေ ထိန်းသိမ်းခြင်း၊ ပြစ်မှုနှင့် ပြစ်ဒဏ် စသည့်ပြဋ္ဌာန်းချက်များ ပါဝင်ရေး ဆွဲထားသည်။

ယခုဒီချုပ်အစိုးရလက်ထက် တွင် ယင်းဥပဒေကို ပြန်လည်ပြင် ဆင်ရေးဆွဲ၍ အတည်ပြုပြဋ္ဌာန်း ရန် ဆောင်ရွက်နေသည်။

 အဆိုပါဥပဒေကို လွှတ်တော်တွင် အတည်ပြုပြဋ္ဌာန်းပြီးမှ ရွေးကောက်ပွဲ ကျင်းပနိုင်မည်ဖြစ် ကြောင်း ဦးလှဌေးကဆိုသည်။

Top News