ပေါင်မြို့နယ်တွင် ကြက်ဝိုင်းဖမ်းဆီးစဉ် လောင်းကစားသူ ကိုးဦးနှင့် ဆိုင်ကယ် ၆၀စီးခန့် သိမ်းဆည်းရမိ

ကြက်ဝိုင်းဝင်ဖမ်းရာမှ ဖမ်းဆီးရမိသော ဆိုင်ကယ်များကို ထိန်းသိမ်းထားစဉ်(ဓာတ်ပုံ − သန္တာလှိုင်)

 ပေါင်မြို့နယ် ကျုံ ဟော်ကျေးရွာတွင် တရားမ၀င် ကြက်ဝိုင်းကိုဖမ်းဆီးရာ အိမ်ရှင် အပါအ၀င် လောင်းကစားလုပ်သူ ကိုးဦးနှင့် ဆိုင်ကယ်အစီး ၆၀ ခန့် သိမ်းဆည်းရမိခဲ့ကြောင်း သထုံမှု ခင်းနှိမ်နင်းရေးဌာနမှ ရဲအုပ် အောင်သူက ပြောသည်။

နိုဝင်ဘာ ၁၃ ရက် ညနေက သတင်းအရ ကျုံဟော်ရွာရှိ ဦး အုန်းသွင်၏ နေအိမ်နောက်ခြံဝင်း အတွင်း မြေကွက်လပ်တွင် လူ ၁၀၀ ခန့် ကြက်တိုက်လောင်း ကစားနေသည်ကို တွေ့ရှိသဖြင့် ဖမ်းဆီးရာ ကိုးဦး ဖမ်းဆီးရမိပြီး ကျန်လူများ ထွက်ပြေးသဖြင့် ဆိုင်ကယ် ၅၈ စီး၊ စက်ဘီး နှစ်စီးနှင့် တိုက်ကြက် ငါးကောင်သိမ်းဆည်းရမိခဲ့ကြောင်း ရဲမှတ်တမ်း၌ ရေးထားသည်။


‘‘ဒီကိစ္စကို ကျွန်တော်က တရားလိုလုပ်ပြီး အမှုဖွင့်ထား တယ်။ သတင်းရလို့ ရဲအင်အား ၁၅ ဦးလောက်နဲ့ သွားဖမ်းတယ်။  သိမ်းဆည်းထားတဲ့ ဆိုင်ကယ်ပိုင် ရှင်တွေကိုတော့ ပြန်ဖော်ပြီး ဖမ်း ဆီးဖို့ ခက်ခဲတယ်။ အရင်က ဖမ်း မိတဲ့ ကိစ္စတွေမှာလည်း ပစ္စည်းပိုင်ရှင်တွေကို ပြန်ဖော်လို့ မရဘူး။ အခုသိမ်းဆည်းထားတဲ့ ဆိုင်ကယ်တွေကို ပြည်သူပိုင်အဖြစ် နိုင်ငံ တော်က သိမ်းသွားမယ်’’ဟု ရဲအုပ်အောင်သူက ပြောသည်။

ယင်းကိစ္စနှင့် ပတ်သက်၍ လောင်းကစားလုပ်သူ ကိုးဦးကို လောင်းကစားဥပဒေပုဒ်မ ၁၃ (က)၊ ၁၄ (က)တို့ဖြင့် ပေါင်မြို့မ ရဲစခန်းတွင် အမှုဖွင့်ထားကြောင်း ရဲအုပ်အောင်သူက ဆိုသည်။

ကြက်ဝိုင်းသို့ လာကြည့်ရင်း ဆိုင်ကယ်သိမ်းဆည်းခံရသူတစ် ဦးက ‘‘မနေ့က အမျိုးသားနေ့ဆို တော့ အထိမ်းအမှတ်အနေနဲ့ ရွာ မှာ ကြက်ဝိုင်းရှိတယ်။ နေ့တိုင်း တော့ မရှိဘူး။ ဒီလိုဖမ်းတာ တစ်ခါမှ မရှိဘူး။ ဖမ်းရင်လည်း ပြေးတာ များတယ်။ မနေ့ကတော့ လာဖမ်း တဲ့အချိန် ဆိုင်ကယ်ယူဖို့တောင် မမီဘူး။ ကျွန်တော်က လောင်း ကစားလာလုပ်တဲ့သူမဟုတ်ဘူး။ ကြက်ပွဲလာကြည့်တာ ကျွန်တော့်ဆိုင်ကယ်တော့ ပါသွားတယ်။ လောင်းကစားလာလုပ်တာ မ ဟုတ်ဘူး ကြက်ဝိုင်းလာကြည့်တာ ပဲဆိုတော့ ကိုယ့်ဆိုင်ကယ်တော့ ပြန်လိုချင်တယ်’’ဟု ပြောသည်။

Top News