ရပ်ကျေးအုပ်ချုပ်ရေးမှူး ရွေးကောက်ပွဲအတွက် ကြီးကြပ်ရေးအဖွဲ့များ ပြန်လည်ဖွဲ့ရန် ထပ်မံညွှန်ကြား

ရပ်ကျေးအုပ်ချုပ်ရေးမှူး ရွေးကောက်ပွဲအတွက် ကြီးကြပ် ရေးအဖွဲ့များ ပြန်လည်ရွေးချယ် ရန် မြို့နယ်အာဏာပိုင်များက ထပ်မံညွှန်ကြားထားကြောင်း ရပ် ကျေးအုပ်ချုပ်ရေးမှူးအချို့က ပြောသည်။

ကြီးကြပ်ရေးအဖွဲ့များ ရွေး ချယ်နေခြင်းကို ရပ်ဆိုင်းထားရန် နိုဝင်ဘာ ၁၂ ရက် နေ့လယ်က ညွှန်ကြားပြီးနောက် နိုဝင်ဘာ ၁၃ ရက်တွင် မြို့နယ်အထွေထွေ အုပ်ချုပ်ရေးမှူးရုံး၌ ရပ်ကျေးအုပ် ချုပ်ရေးမှူးများကို အစည်းအဝေး ခေါ်၍ ပြန်လည်ရွေးချယ်ရန် ထပ် မံညွှန်ကြားထားသည်ဟု သာကေ တမြို့နယ် အမှတ်(၇)ရပ်ကွက် အုပ်ချုပ်ရေးမှူးဦးအောင်မျိုးသူက ပြောသည်။

‘‘အခု ပြန်လည်ရွေးချယ်တဲ့ အခါမှာ ဌာနဆိုင်ရာအဖွဲ့တွေက နေ ကြီးကြပ်သွားမယ်လို့ပြော တယ်။ လွှတ်တော်ကိုယ်စားလှယ် တွေကလည်း ရွေးချယ်မှုကိုပါဝင် စောင့်ကြည့်မယ်ပေါ့။ ၁၈ ရက် ကစပြီး ပြန်ရွေးကြရမှာ’’ဟု ၎င်း က ပြောသည်။

ထိုသို့ ကြီးကြပ်ရေးအဖွဲ့ရွေး ချယ်ခြင်းကို နိုဝင်ဘာ ၁၂ ရက်က ရပ်ဆိုင်းရန်ညွှန်ကြားချက် မထုတ် ပြန်မီအထိ ရွေးချယ်ထားပြီးဖြစ် သော ရပ်ကွက်များတွင်လည်း ပြန်လည်ရွေးချယ်ရမည်ဟု ရပ်ကျေး အုပ်ချုပ်ရေးမှူးများက ပြောသည်။

‘‘ရွေးပြီးသားရပ်ကွက်လည်း ပြန်ရွေးရမယ်။ အကုန်လုံးပဲ။ ပထမတော့ မြို့နယ်ကလူကြီးတွေ လာမယ့် အဖွဲ့ပေါ့။ ၁၀ ရက် မနက်ကျတော့ မဟုတ်တော့ဘူး တဲ့။ ရပ်ကွက်အုပ်ချုပ်ရေးမှူးတွေပဲ ကြီးကြပ်ပြီး ရွေးပါဆိုတော့ တို့ ရွေးလိုက်တာပေါ့။ အခုကျတော့ မြို့နယ်က အဖွဲ့လာမယ်ဖြစ်ပြန် ရော။ သူတို့အဖွဲ့ကလာပြီး ရွေး မယ်ပေါ့ကွာ’’ဟု နိုဝင်ဘာ ၁၂ ရက်နံနက်က ကြီးကြပ်ရေးအဖွဲ့ရွေး ချယ်ထားပြီးဖြစ်သည့် သာကေတမြို့နယ် အမှတ်(၆)အရှေ့ရပ်ကွက်အုပ်ချုပ်ရေးမှူး ဦးကျော် ကျော်နိုင်က ဆိုသည်။

ကြီးကြပ်ရေးအဖွဲ့ ရွေးချယ် ခြင်းကို ယခင်ကရပ်ကွက်အုပ်ချုပ် ရေးမှူးကို တာဝန်ယူစေခဲ့ရာ တွင် အမှားအယွင်း ဖြစ်ပေါ်ခြင်း မရှိစေရန် မြို့နယ်ဌာနဆိုင်ရာ များက ကြီးကြပ်ဆောင်ရွက်ပေး မည်ဟု သိရကြောင်း စမ်းချောင်း မြို့နယ် ကျွန်းတောမြောက်ရပ် ကွက် အုပ်ချုပ်ရေးမှူးဦးအောင်မြင့်က ပြောသည်။

 ထိုသို့ ကြီးကြပ်ရေးအဖွဲ့ ရွေးချယ်ရန် ရက်ရွှေ့ဆိုင်းခြင်း၊ ရွေးချယ်ပြီးသား  ရပ်ကွက်များ လည်း ပြန်လည်ရွေးချယ်ရမည်ဆို ခြင်းတို့ကြောင့် ရပ်ကွက်တွင်နေထိုင်သူများ၏ အထင်အမြင်လွဲမှားမှုများနှင့် ကြုံတွေ့နေရကြောင်း ဦးအောင်မျိုးသူက ပြောသည်။

‘‘ရပ်ကွက်ထဲက လူတွေက ကျွန်တော်တို့ကို ယုန်ထင်၊ကြောင် ထင်ဖြစ်တာပေါ့ဗျာ။ လုပ်ခဲ့တဲ့သူ တွေအပေါ် သိက္ခာပိုင်း ထိခိုက်မှု တော့ ရှိသွားတာပေါ့။ ရွေးချယ်ခဲ့ ရာမှာ မဟုတ်တာတွေဘဲ လုပ်ထား သလိုလိုဖြစ်စေတာပေါ့’’ ဟု ၎င်းကမှတ်ချက်ပြုသည်။

ထိုသို့ ကြီးကြပ်ရေးအဖွဲ့များ ပြန်လည်ရွေးချယ်စေခြင်းနှင့်ပတ်သက်၍ ရန်ကုန်တိုင်းဒေသကြီးအစိုးရသို့ ဆက်သွယ်မေးမြန်း သော်လည်း ဆက်သွယ်၍ မရရှိ ပေ။ မြို့နယ်အုပ်ချုပ်ရေးမှူးအ ချို့ကမူ ကြီးကြပ်ရေးမှူးရွေးချယ် ရာ၌ ပိုမိုစနစ်ကျစေရန် ညှိနှိုင်း  ဆွေးနွေးနေရခြင်းကြောင့် ပြီးခဲ့သည့် ရက်ပိုင်းအတွင်း ရွေးချယ်ပွဲများကို ရပ်ဆိုင်းထားစေခြင်းဖြစ် သည်ဟု ဆိုသည်။

ရပ်ကျေးအုပ်ချုပ်ရေး ဥပ ဒေတတိယအကြိမ် ပြင်ဆင်ချက် အရ တစ်နိုင်ငံလုံးအတိုင်းအတာ ဖြင့် ရပ်ကျေးအုပ်ချုပ်ရေးမှူးများ ပြန်လည်ရွေးချယ်ရန် စီစဉ်နေ ခြင်းဖြစ်သည်။

 ကြီးကြပ်ရေးမှူးများ ရွေး ချယ်ပြီးမှသာ မဲပေးနိုင်မည့် မဲစာ ရင်းပြုစုခြင်း၊ ရပ်ကျေးအုပ်ချုပ် ရေးမှူးရွေးကောက်ပွဲပြုလုပ်ခြင်း များ ဆက်လက်လုပ်ဆောင်နိုင် မည် ဖြစ်သည်။

လက်ရှိ တာဝန်ထမ်းဆောင် နေသော ရပ်ကျေးအုပ်ချုပ်ရေးမှူး များသည် ၂၀၁၆ ဇန်န၀ါရီက ရွေး ချယ်ခံထားရသူများဖြစ်ပြီး ၎င်းတို့ တာဝန်ထမ်းဆောင်သည့် ကာလ သည် တစ်နှစ်နှင့် ရှစ်လခန့်သာ ရှိ သေးသည်။

Top News