ကမ္ဘာပေါ်မှာ အပျော်ဆုံးနဲ့ ပညာအတတ်ဆုံး ကလေးငယ်များ

ပျော်ရွှင်ပြီး ပညာထူးချွန်သော ကလေးများအဖြစ် မိမိကလေးများကို ပြုစုပျိုးထောင်ချင်ပါက နယ်သာလန်နိုင်ငံဆီက အကြံ ဉာဏ်ကို ရယူကြပါ။ အဘယ် ကြောင့်ဆိုသော် ကမ္ဘာပေါ်မှာ ဟော်လန်ခေါ် နယ်သာလန်နိုင်ငံ က ဒတ်ခ်ျလူမျိုးကလေးငယ်များသည် ကမ္ဘာပေါ်တွင် အပျော်ရွှင်ဆုံးနှင့် ပညာအထူးချွန်ဆုံးမှာ ထိပ်တန်းနံပါတ်(၁) ကလေးများအဖြစ်သိကြသည်။

ကလေးတွေကို ပျော်ရွှင်ပြီး ထူးချွန်သော ကလေးများဖြစ်လာ အောင် ဒတ်ခ်ျလူမျိုးများက မည်သို့ပြုစုပျိုးထောင်ပါသလဲ။ စာရေးဆရာ ရီနာမေအက်ကောစတာ နှင့် မစ်ရှယ်လ်ဟော့ခ်ျစွန်တို့ ရေး သားထားသော ကမ္ဘာပေါ်မှာ အ ပျော်ဆုံးကလေးများ စာအုပ်မှာ သည်အကြောင်းများကို ရေးသားထားသည်။ ထိုစာအုပ်ပါ အ ကြောင်းအချက်များကို လေ့လာကြည့်ပါက ကလေးတွေအား အ ပြုသဘော သက်ရောက်မှုရှိစေ မည့် ဒတ်ခ်ျလူမျိုး မိဘများ၏ ထိန်းကျောင်းပဲ့ပြင်ခြင်းဆိုင်ရာ အဓိက အချက် ၁၀ ချက်ကို တွေ့ရမည်။

(၁) အချိန်ဇယားနှင့် အတိအကျ လုပ်တတ်ဖို့ လမ်းကြောင်းပေး ခြင်း

ကလေးများသည် ပုံမှန်အချိန်ဇယားအတိုင်း အတိအကျဖြစ် နေပါက သူတို့သည် သက်သောင့်သက်သာရှိပြီး အေးအေးဆေး ဆေး ဖြစ်စေသည်ဟု ဒတ်ခ်ျမိဘ တွေက ယုံကြည်၏။

ဒတ်ခ်ျကလေးငယ်များသည် အစာစားချိန်နှင့် အိပ်ချိန်များမှာ အချိန်ဇယားနှင့် လုပ်ရလေ့ရှိကြသည်။ သူတို့ အချိန်များများအိပ်ပြီး အစားအလုံအလောက်စားရန် မိဘများက လုပ်ထားခြင်းဖြစ်သည်။ ကလေးများ ကြီးလာလျှင်ပင် သူတို့သည် ညစာကို သတ်မှတ်ထားသော အချိန်မှာပဲစားကာ အိပ်ချိန်ကိုလည်း သတ်မှတ်ထားသည့်အချိန်မှာပဲ အိပ် လေ့ရှိကြသည်။

သို့သော်လည်း ဒတ်ခ်ျမိဘများသည် ကလေးတွေကို အတင်းအကျပ်စေခိုင်းပြီး လုပ်စေသော မိဘများတော့မဟုတ်ပါ။ သူတို့ကလေးများ အဆင်ပြေစေရန် အချိန်ကို အဆင်ပြေအောင် သတ်မှတ်ပေးထားသည်။ ဥပမာ ည ၇ နာရီမှာ အိပ်ရမည်ဆိုတာထက် အိပ်ချိန်ကာလကို ည ၇ နာရီက နေ ည ၈ နာရီအတွင်းဟုသာသတ်မှတ်ပေးထားပြီး ထိုအချိန်အတွင်း ကလေးများအနေဖြင့် သွားတိုက်ခြင်း၊ ညအိပ်ဝတ်စုံလဲခြင်း၊ စာဖတ်ခြင်းများ လုပ်နိုင်သည်။

(၂) မိသားစုအတူတူစားလေ့ရှိကြခြင်း

နံနက်စာ၊ ညစာအပါအဝင် မိသားစုစုံညီစွာ အတူစားသောက်ကြတာကို ဒတ်ခ်ျတွေက အလွန်တန်ဖိုးထားကြသည်။ မိသားစုတစ်စုလုံး တစ်ချိန်တည်းမှာ အတူထိုင်စားကြပြီး ထမင်းဝိုင်းကနေလည်း အတူပြီးကာ ထသွားလေ့ ရှိကြ၏။

ထိုသို့စားရာမှာလည်း ဟင်း ကောင်း ကျွေးကောင်းဆိုသည်ထက် အလွယ်တကူ သူတို့ရှိသောအစာများကို ပြင်ဆင်စားခြင်းဖြစ်ပြီး အတူတကွစားခြင်းကို ပိုအ လေးထားကြသည်။ ယေဘုယျအားဖြင့် ဒတ်ခ်ျလူမျိုးများသည် အစားအစာကို ကျန်းမာရေးနှင့်ညီပြီး သင့်တော်သော အစာများကို စားလေ့ရှိသည်။ အလွန်အကြူးစားလေ့မရှိ။

(၃) ကလေးတွေအတွက် စံပြဖြစ် အောင် နေထိုင်တတ်ခြင်း

ကလေးတွေ သူတို့၏အမူအကျင့်များကို အတုယူ၍ရအောင် သူတို့ကိုယ်တိုင် စံပြနေထိုင်ရမည်ဟု ဒတ်ခ်ျလူမျိုးမိဘတွက ယုံကြည်သည်။ ထို့ကြောင့် ကလေး တွေကို တစ်ခုခုလုပ်ခိုင်းစရာရှိလျှင် တောင်းဆိုမည့်အစား‘‘အမေတို့က သားကို ဒီလိုလုပ်စေချင်တယ်’’ဟု အခိုင်အမာပြောလေ့ရှိကြသည်။

ကလေးတွေ၏ အမူအကျင့် ကောင်းပါက ဂုဏ်ယူစွာ တိုက်တွန်းလေ့ရှိပြီး လက်မခံနိုင်သော အပြုအမူဆိုပါကလည်း ချက်ချင်းရပ်စေသည်။ ကလေးတွေ ဆိုးမှု ကြောင့် အပြစ်ပေးရာတွင် သူတို့ကို တီဗီပေးမကြည့်ခြင်း၊ သူတို့ဖွထားသောအရာများကို ပြန်ရှင်း ခိုင်းခြင်းနှင့် သူတို့လုပ်သဖြင့် ပျက်စီးသော အရာများကို ပြန်ပြင်ခိုင်းမှုများလည်း ပါဝင်သည်။

ထို့အပြင် အသက်အတော် ငယ်ငယ်ကတည်းက ကျေးဇူးပြု ပြီး လုပ်ပေးပါဆိုသောစကားနှင့် ကျေးဇူးတင်ပါတယ်ဟု ပြောတတ်အောင် မပြောမနေရ သင်ပေးထားလေ့ရှိသည်။

(၄) အောင်မြင်မှု ဆိုသည်ထက် ကလေးများ ကျန်းမာပျော်ရွှင်မှုအတွက် ပညာရေးကို တန်ဖိုးထား ခြင်း

နယ်သာလန်နိုင်ငံတွင် ပညာ ရေးဆိုသည်မှာ ကလေး၏ကျန်းမာ ပျော်ရွှင်မှုအတွက် လမ်းကြောင်းတစ်ခုသာဖြစ်ပြီး အောင်မြင်မှုအတွက် သွားရာလမ်းမဟုတ်ပါ။ ထိုအမြင်ဖြင့် ဒတ်ခ်ျမိဘများနှင့်ဆရာများက ကလေးတွေကို ပညာရပ်နှင့်ပတ်သက်သော စိတ်ဖိစီးမှုများနည်းစေပြီး ပိုပြီးကောင်းမွန်သော စာသင်ကျောင်း အတွေ့အကြုံရ ရေးကိုသာ ဦးတည်၏။ အကောင်းဆုံးတိုးတက်မှုဆိုသည်မှာ ကလေးက ဦးဆောင်လုပ်ခြင်းဖြစ်ပြီး မိဘက တွန်းအားပေးပြီး ဖြစ်လာတာမျိုးမဟုတ်ဟုဆိုသည်။

(၅) ကလေးများကို အပြင်ဘက်မှာ အချုပ်အနှောင်မရှိ လွတ်လပ်စွာ ကစားခွင့်ပြုပေးခြင်း

ဒတ်ခ်ျလူမျိုးများ၏ ကလေးဘဝသည် လွတ်လပ်မှု အတော်များများနှင့် ကစားချိန်အများအ ပြားရှိသည်။ အမှန်တွင် ကလေးများသည် ငြိမ်ဝပ်ပိပြားပြီး မိဘစကားနားထောင်ခြင်းထက် ဆော့ကစားဖို့က ပိုအရေးကြီးသည်ဟု ဒတ်ခ်ျတွေက ယူဆသည်။

ဒတ်ခ်ျကလေးငယ်များသည် သူတို့၏တစ်သက်တာလုံး စက်ဘီးပေါ်မှာ၊ ရာသီမျိုးစုံမှာ အပြင်ထွက် ကစားခြင်းနှင့် လူကြီးက စောင့်မကြည့်ဘဲ စိတ်ကြိုက်ကစားခြင်းတို့ဖြင့် အချိန်ကုန်ဆုံးခဲ့ကြသည်။ သည်လိုကစားခိုင်းခြင်းက ကလေးတွေ၏စရိုက်များ တိုးတက်လာ ပြီးသူများကို အားမကိုးဘဲ ကိုယ့်ကိုယ်ကိုယ်အားကိုးမှုများ တိုးတက်စေသည်ဟု ယုံကြည်ကြသည်။

(၆) ကလေးတွေ၏ အမှီအခိုကင်းကင်းနေလိုမှုကို မိဘများက တန်ဖိုးထားခြင်း

ကလေးတွေကို လုပ်ပိုင်ခွင့် နှင့် အမှီအခိုကင်းခွင့်ကို ပေးခြင်းက ကလေးတွေကို ပျော်စေ ကြောင်း ဒတ်ခ်ျလူမျိုးတွေက သိသည်။ သူတို့အတွက်လည်း ဝန်ပေါ့သွားစေသည်။ မိဘတွေ အလုပ်ဆိုသည်မှာ ကလေးတွေကို တစ်ချိန်လုံး ထိန်းကျောင်းဖျော်ဖြေနေခြင်းမဟုတ်ဟု သူတို့ကထင်သည်။ ထို့ကြောင့် ကလေးတွေ၏ ကြံရည်ဖန်ရည်များ တိုးလာအောင် သူတို့ကိုယ်သူတို့ လမ်းရှာပြီး လုပ်ကိုင်စေသည်။ ဒတ်ခ်ျကလေးငယ်များသည် ကျောင်းသို့မကြာခဏ စက်ဘီးဖြင့်သွားခြင်း၊ လမ်းလျှောက်ခြင်းများ လုပ်ကြသည်။ ထို့ကြောင့် မိဘများအနေဖြင့် ကြိုပို့တာဝန်နည်းစေသည်။

ထို့အတူ လုပ်ပိုင်ခွင့်ရထား ခြင်းအတွက် တာဝန်ယူမှုရှိရမည်။ ကိုယ့်ကို လုပ်ပိုင်ခွင့်ပေးခြင်းကို လေးစားတန်ဖိုးထားဖို့လိုကြောင်း ကိုလည်း ကလေးငယ်များ သ ဘောပေါက်အောင် သင်ပေးထား သည်။

(၇) အလုပ်နှင့်ဘဝကို မျှတအောင် အရေးထားလုပ်ဆောင်ခြင်း

ဒတ်ခ်ျလူမျိုးများသည် တစ်ပတ်ကို ၂၉ နာရီသာ အလုပ်လုပ် ကြပြီး ဖွံ့ဖြိုးတိုးတက်ပြီးသား နိုင်ငံ များတွင် အလုပ်ချိန်အနည်းဆုံး နိုင်ငံဖြစ်သည်။ ဥရောပတွင် အ ချိန်ပိုင်းအလုပ်လုပ်ရာ၌ ဆရာ တစ်ဆူအဖြစ် သူတို့ကိုယ်သူတို့ ဂုဏ်ယူလေ့ရှိသည်။ သူတို့က ရုပ် နှင့် စိတ်ပိုင်းဆိုင်ရာ ကျန်းမာရေး က အလုပ်ထက် ပိုအရေးကြီး သည်ဟု တွက်ဆသည်။ သူတို့ သည် ကမ္ဘာပေါ်တွင် တခြားသူ တွေထက် ပိုအိပ်သော လူမျိုးများ ဖြစ်ပြီး ပျမ်းမျှအားဖြင့် တစ်ညကို  ၈ နာရီ ၁၂ မိနစ် အိပ်လေ့ရှိသည်။ ထို့ကြောင့် သူတို့က ကလေးများ အတွက် အချိန်ပိုပေးနိုင်ကြပြီး ကလေးတွေကို ပိုအချိန်ပေးခြင်း ဖြင့် သူတို့အတွက် စိတ်ချမ်းသာမှု ပိုလာစေသည်။

(၈) မိခင်ရော ဖခင်ပါအလုပ်တာဝန်မျှထမ်းခြင်း

သူတို့၏ဘဝမှာ အလုပ်နှင့်တာဝန်က ဘက်မျှနေသည့်အတွက် မိဘများက သူတို့၏တာဝန် တွေကို ခွဲဝေလုပ်နိုင်ကြသည်။ ဒတ်ခ်ျလူမျိုးဖခင်များသည် တစ်ပတ်မှာ အနည်းဆုံးတစ်ရက်ခန့် ကလေးများနှင့် နေကြသူများဟု နာမည်ကြီး၏။ ကလေးတွေကိုထိန်းရာမှာ အချိန်ပိုင်းအလုပ်လုပ်ကြသော မိဘနှစ်ပါးအပြင် အဘိုး နှင့်အဘွားများ၊ အိမ်နီးနားချင်း များနှင့် ကလေးထိန်းများကပါဝိုင်းကူကြသည်။

(၉) အပန်းဖြေခရီးအထွက်နိုင်ဆုံးသူများဖြစ်ခြင်း

ဒတ်ခ်ျလူမျိုးများအတွက် အပန်းဖြေခရီးထွက်ခြင်းက သူတို့ဘဝမှာ မရှိမဖြစ်ဖြစ်သည်။ သာမန်အလယ်အလတ်တန်းစား မိသားစုတစ်ခုသည် တစ်နှစ်ကို အနည်းဆုံး အပန်းဖြေခရီးသုံးကြိမ်ထွက်၏။ တစ်ကြိမ်ထွက်လျှင် သုံး လေးပတ်ကြာသည်။ ထို့ပြင် ရုံးပိတ်ရက်ရှည်တွေဆိုလည်း ခရီးထွက်ကြသေးသည်။ သို့သော် လည်း ထိုခရီးများက ဇိမ်ခံငွေဖြုန်းခရီးစဉ်များဖြစ်စရာမလို။ တောထဲမှာ တဲထိုးစခန်းချနေခြင်းကိုသာ အများဆုံးလုပ်ကြသည်။ သည်လိုခရီးထွက်ခြင်းက ငွေ ကြေးကုန်ကျ သက်သာသည့်အ ပြင် ကလေးများလည်း ပေါ့ပေါ့ပါးပါး လွတ်လွတ်လပ်လပ်သွားလာ နိုင်သည်။

(၁၀) ဘဝကို ရိုးရှင်းစွာနေခြင်း

နယ်သာလန်မှာ ပုံမှန်ဖြစ်နေ သည့်အရာက ရိုးရှင်းမှုပင်။ ရိုးရိုး နေသည်။ ငွေကြေးသက်သာ သောအရာများကို လုပ်ကြသည်။  ကြွားဝါပလွှားမှုမရှိ၊ နှိမ့်ချကြ သည်။ ငွေကို အပိုမဖြုန်းခြင်းက ဒတ်ခ်ျယဉ်ကျေးမှုနှင့် လူမှုရေးရာ လုပ်ဆောင်ပုံတိုင်းမှာ ခံစားလို့ရ သည်။ ဒတ်ခ်ျလူမျိုးများက ငွေ ကြေး၊ အထူးသဖြင့် ဇိမ်ခံစရာတွေထက် အချိန်ကိုသာ ရွေးကြသည်။ အဆိုပါအချက်က ကလေးများ သည် အပိုလိုချင်တပ်မက်ခြင်း ထက် ကိုယ့်မှာရှိတာနှင့် ကျေနပ် တတ်အောင် သင်ကြားပေးသည်။

ယခုဖော်ပြထားသည့် အချက်ဆယ်ချက်စလုံးကို လိုက်နာရမည်ဟု မဆိုလိုပါ။ သို့သော်လည်း သည်အထဲက တချို့တွေကို လိုက်လုပ်ရုံနှင့် မိမိကလေးများမှာ သိသိသာသာ အကျိုးကျေးဇူးရှိလာတာကို သတိထားမိပါလိမ့်မည်။ တိုင်းပြည်တိုင်း၊ ယဉ် ကျေးမှုတိုင်းမှာ မတူကွဲပြားမှုများရှိ၏။ ဒတ်ခ်ျလူမျိုးများကဲ့သို့ လိုက်လုပ်ခြင်းက ကလေးများကို ကျန်းမာပျော်ရွှင်စွာ ပြုစုပျိုးထောင်နိုင်ပါလိမ့်မည်။

သည်နည်းတွေက နယ်သာလန်မှာ အလုပ်ဖြစ်လျှင် မိမိအတွက်လည်း အလုပ်ဖြစ်ပါလိမ့်မည်။

(ဆောင်းပါးရှင် Andrew Merle ရေးသားသော How to raise happy kids ကို ဘာသာပြန်ဆိုသည်။)

Top News