အခြေခံပညာကျောင်းစာကြည့်တိုက်များကို စံပြစာကြည့်တိုက်များဖြစ်အောင် ‘စာဖတ်ကြစို့’ စီမံချက်ဖြင့် အဆင့်မြှင့်မည်

စာဖတ်ကြစို့ စီမံချက် ပူးပေါင်းဆောင်ရွက်ခြင်း အခမ်းအနား (ဓာတ်ပုံ-စိုင်းဇော်)

အခြေခံပညာကျောင်း ၄၅ ကျောင်းရှိ ကျောင်းစာကြည့်တိုက်များကို စံပြစာကြည့်တိုက်များအဖြစ် ‘စာ ဖတ်ကြစို့ (Let’s Read)’ စီမံချက်ဖြင့် အဆင့်မြှင့်တင်မည်ဟု အခြေ ခံပညာဦးစီးဌာန ခေတ္တညွှန်ကြား ရေးမှူးချုပ် ဒေါက်တာအောင်နိုင် စိုးက ပြောသည်။

စာဖတ်ကြစို့ စီမံချက်ကို  ပညာရေးဝန်ကြီးဌာန၊ ဒေါ်ခင် ကြည်ဖောင်ဒေးရှင်း၊ မြန်မာနိုင်ငံ စာကြည့်တိုက်အသင်း၊ Myan- mar Book Aid & Preservation Foundation, Room to Read စသည့် အဖွဲ့အစည်းများပူးပေါင်း ဆောင်ရွက်ပြီး ကျောင်းစာကြည့် တိုက်များ ပြန်လည်ရှင်သန်စေရေး စာကြည့်တိုက်များကို ခေတ်မီစေ ရန် ပြင်ဆင်မွမ်းမံခြင်း၊ စာအုပ် သစ်ပံ့ပိုးခြင်း၊ ကျောင်းသားများ ပါဝင်သည့် စာပေလှုပ်ရှားမှုများ နှင့် စာကြည့်တိုက်မှူးများကို စွမ်း အင်မြှင့် သင်တန်းပေးခြင်းများ ဆောင်ရွက်မည်ဖြစ်သည်။

‘‘ကျောင်းသားအရွယ်က စ ပြီး စာဖတ်ချင်စိတ်မြှင့်တင်ပေးဖို့ ကျောင်းသားတွေလာချင်တဲ့ စာ ကြည့်တိုက်တွေ လုပ်ဖို့ စတာပေါ့။ မြန်မာတစ်နိုင်ငံလုံးမှာ အခြေခံပညာကျောင်း ၄၆,၀၀၀ ကျော်ရှိ ပေမယ့် စာကြည့်တိုက်ရှိတဲ့ ကျောင်းက ၂၀,၀၀၀ ကျော် လောက်ပဲရှိတယ်။ ရှိတဲ့ စာကြည့် တိုက်တွေကို လက်ရှိအခြေအနေ တွေနဲ့ကိုက်ညီအောင် အဆင့်မြှင့် တင်ဖို့ လိုနေတာပေါ့။ ဒါကြောင့် ဒီနှစ် ၄၅ ကျောင်းကို စမှာပေါ့’’ဟု ဒေါက်တာအောင်နိုင်စိုးက ပြော သည်။

စာဖတ်ကြစို့ စီမံချက်ပထမ နှစ်စီမံကိန်းတွင် ရန်ကုန်တိုင်း၊ မန္တလေးတိုင်း၊ မကွေးတိုင်းဒေသ ကြီး၊ နေပြည်တော်ကောင်စီနယ် မြေနှင့် ရှမ်းပြည်နယ်မှ အခြေခံ ပညာကျောင်း ၄၅ ကျောင်းမှ ကျောင်းစာကြည့်တိုက်များကို အဆင့်မြှင့်တင်မည်ဖြစ်သည်။ ‘‘ကလေးတွေက စာမဖတ်ချင်လို့ ကျောင်းစာကြည့်တိုက်ကို မသွားကြတာမဟုတ်ဘူး။ ကျောင်းစာ ကြည့်တိုက်တွေက အမြဲမဖွင့်ထား တာ။ စာကြည့်တိုက်သွားဖို့ အချိန်သီးသန့်မရှိတာ၊ သူ့အရွယ်အလိုက် ဖတ်ရမယ့်စာအုပ်စာပေတွေ မရှိတာက ကျောင်းစာကြည့်တိုက်တွေ မအောင်မြင်တဲ့အကြောင်းအ ရင်းပေါ့။ ဒါကြောင့် စာအုပ်တွေ ဖြည့်မယ်။ ကလေးတွေနေချင်တဲ့ ပတ်ဝန်းကျင်မျိုးလေးဖြစ်အောင် ပြင်ဆင်မယ်။ စာကြည့်တိုက်မှူး တွေကို သင်တန်းပေးမယ်’’ဟု Myanmar Book Aid & Preser-vation Foundation အမှုဆောင် ဒါရိုက်တာ ဒေါက်တာသန့်သော် ကောင်းက ပြောသည်။

ယခုပညာသင်နှစ်တွင် အခြေခံပညာကျောင်းများ၏နေ့စဉ်စာ သင်ချိန် အချိန်ဇယားများတွင် စာ ကြည့်တိုက်သွားချိန်တစ်ချိန်ထည့် သွင်းရေးဆွဲထားရာ ကျောင်းသား များ စာကြည့်တိုက်ရောက်လာရန် အခွင့်အရေး ပိုများလာကြောင်း ၎င်းက ဆိုသည်။

‘စာဖတ်ကြစို့’ စီမံချက်အရ ကျောင်းစာကြည့်တိုက်တစ်ခုအ ဆင့်မြှင့်တင်ရန် အနည်းဆုံးကျပ် သိန်းငါးဆယ်ခန့်သုံးစွဲမည်ဖြစ်ပြီး ပညာရေးဝန်ကြီးဌာနက ၁၀  ကျောင်း၊ မြန်မာနိုင်ငံ စာကြည့် တိုက်အသင်းက ၁၀ ကျောင်း၊ Myanmar Book Aid & Preservation Foundation က ငါးကျောင်း၊ Room to Read အဖွဲ့အစည်းက ကျောင်း၂၀ တာဝန်ယူ မည်ဖြစ်သည်။

Top News