ထိုင်း ကင်းထောက်အမျိုးသမီးအဖွဲ့၏ နှစ် (၆၀)ပြည့် ပွဲတော်သို့ မြန်မာအမျိုးသမီးကင်းထောက်ကိုယ်စားလှယ်များ တက်ရောက်မည်

၂၀၁၆ ဒီဇင်ဘာလအတွင်းက ရန်ကုန်တွင် ပြုလုပ်ခဲ့သည့် ကင်းထောက်အခမ်းအနား မြင်ကွင်း (ဓာတ်ပုံ-ဂျေမောင်မောင်(အမရပူရ)

ထိုင်းနိုင်ငံ ကင်းထောက်အမျိုးသမီးအဖွဲ့၏ နှစ် (၆၀)ပြည့် ကင်း ထောက်ပွဲတော်သို့ မြန်မာအမျိုးသမီးကင်းထောက် ကိုယ်စားလှယ် ၅၄ ဦးတက်ရောက်မည်ဖြစ် ကြောင်း မြန်မာအမျိုးသမီး ကင်း ထောက်ချုပ် ဒေါက်တာတင်လှ ကြည်က ပြောသည်။

ထိုင်းနိုင်ငံ ဘန်ကောက်မြို့တွင် နိုဝင်ဘာ ၁၃ ရက်မှ ၂၀ ရက် အထိကျင်းပမည့် ထိုင်းနိုင်ငံ ကင်းထောက်အမျိုးသမီးအဖွဲ့၏ နှစ် (၆၀)ပြည့် ကင်းထောက်ပွဲ တော် 'GGAT 60th Anniversary Camp of Thailand 2017' သို့ ထိုင်းနိုင်ငံ ကင်းထောက်အမျိုး သမီးအဖွဲ့၏ ဖိတ်ကြားချက်အရ သွားရောက်မည်ဖြစ်သည်။

‘‘သူတို့ဘက်က ဖိတ်ကြားချက်အရ မြန်မာနိုင်ငံက အလွှာအစုံက ကင်းထောက်အမျိုးသမီး တွေ သွားမှာပါ။ ပွဲမှာ နိုင်ငံတကာက ကင်းထောက်အဖွဲ့တွေ၊ ကမ္ဘာ့ကင်းထောက် အမျိုးသမီးအဖွဲ့က အဖွဲ့ဝင်တွေနဲ့ တွေ့ပြီး အတွေ့အကြုံတွေ ဖလှယ်နိုင်မှာ ပေါ့။ မြန်မာကင်းထောက်အဖွဲ့ရဲ့ လှုပ်ရှားမှုတွေကိုလည်း သူတို့သိသွားမယ်’’ဟု ဒေါက်တာတင်လှ ကြည်က ပြောသည်။

မြန်မာအမျိုးသမီး ကင်း ထောက် ကိုယ်စားလှယ်များအဖြစ် မြန်မာအမျိုးသမီး ကင်း ထောက်အဖွဲ့ချုပ်မှ သင်တန်းနည်းပြနှစ်ဦး၊ အခြေခံပညာ ကျောင်းများမှ ကင်းထောက်အဖွဲ့ဝင် ဆရာမငါးဦး၊ ကျောင်းသူ ၂၆ ဦး၊ တက္ကသိုလ်ကင်းထောက်အဖွဲ့ ဝင် ကျောင်းသူ ၂၁ ဦး တက် ရောက်ရန် လျာထားကြောင်း ၎င်း ကဆိုသည်။

မြန်မာအမျိုးသမီး ကင်း ထောက်များသည် ထိုင်းနိုင်ငံကင်း ထောက်အမျိုးသမီးအဖွဲ့၏ နှစ် (၆၀)ပြည့် ကင်းထောက်ပွဲတော် အခမ်းအနားသို့ တက်ရောက်ပြီး ကမ္ဘာ့ကင်းထောက် အမျိုးသမီး များနှင့် နိုင်ငံတကာ ကင်းထောက် အတတ်ပညာများ၊ ယဉ်ကျေးမှုများ၊ ကင်းထောက်ဆိုင်ရာ လှုပ်ရှားမှုများ စသည့် အတွေ့အကြုံ များနှင့် ရှေ့ဆက်ဆောင်ရွက်ရမည့် လုပ်ငန်းစဉ်များကို အပြန်အလှန် ဆွေးနွေးရန် စီစဉ်ထား ကြောင်း ဒေါက်တာတင်လှကြည် က ပြောသည်။

မြန်မာနိုင်ငံ၌ ကင်းထောက်လုပ်ငန်းများ ရပ်နားထားရာမှ ၂၀၁၂ ဒီဇင်ဘာတွင် ပညာရေးဝန် ကြီးဌာနက ဦးဆောင်ပြီး အခြေခံ ပညာကျောင်း ၂၀ ၌ အင်အား ၂,၀၀၀ ဖြင့် ပြန်လည်စတင်ဖွဲ့ စည်းခဲ့သည်။ ၂၀၁၆ နိုဝင်ဘာအ ထိ စာရင်းများအရ တက္ကသိုလ်၊ ကောလိပ်များအပါအဝင် အခြေခံ ပညာကျောင်းများတွင် ကင်း ထောက်မောင်မယ် ၆၀,၀၀၀ ခန့် ရှိနေပြီဖြစ်သည်။

Top News