မောင်တော၌ နိုဝင်ဘာလကုန်တွင် အခြေခံပညာကျောင်း ၃၀၀ ခန့် ပြန်လည်ဖွင့်လှစ်ရန်စီစဉ်

မောင်တောမြို့နယ်ရှိ မူလွန်ကျောင်းတစ်ကျောင်းကို နိုဝင်ဘာလဆန်းပိုင်းက တွေ့ရစဉ် (ဓာတ်ပုံ − မောင်ကံ)

အကြမ်းဖက်တိုက် ခိုက်မှုကြောင့် မောင်တောခရိုင် တွင် ပိတ်ထားခဲ့သည့် အခြေခံ ပညာကျောင်းများအနက် ကျောင်း ၃၀၀ ခန့်ကို နိုဝင်ဘာလကုန်တွင် ဖွင့်လှစ်ရန် စီစဉ်နေကြောင်း မောင်တောခရိုင် ပညာရေးမှူးဦးအုန်းမြင့်က ပြောသည်။

မောင်တောခရိုင် (မောင် တောမြို့နှင့် ဘူးသီးတောင်မြို့ နယ်)တွင် ပြီးခဲ့သည့် သြဂုတ် ၂၅ ရက်က အကြမ်းဖက်မှုကြောင့် ကျောင်းလေးရာကျော် ပိတ်ထား ရပြီး အချို့ကို စက်တင်ဘာလ ကုန်မှ စတင်ဖွင့်လှစ်သည်။

‘‘လုံခြုံရေးအခြေအနေနဲ့ ကျောင်းသားအခြေအနေပေါ်မူ တည်ပြီး ကျောင်းတွေ ဆက်ဖွင့် သွားမှာဖြစ်ပါတယ်’’ဟု ခရိုင် ပညာရေးမှူးက ပြောသည်။

လက်ရှိတွင် မောင်တောမြို့ နယ်ရှိ အခြေခံပညာကျောင်း ၁၈၃ ကျောင်းအနက် ၅၅ကျောင်း ဖွင့်လှစ်နိုင်ခဲ့ပြီး ဘူးသီးတောင်မြို့နယ်ရှိ ၂၂၁ ကျောင်းအနက် ၇၅ ကျောင်း ဖွင့်လှစ်ထားကြောင်း ဦးအုန်းမြင့်က ဆိုသည်။

မောင်တောခရိုင်တွင် ဆက် လက်ဖွင့်လှစ်ရန် အခြေခံပညာ ကျောင်း ၂၇၄ ကျောင်း ကျန်ရှိနေသေးသည်။ 

ကျောင်းများဖွင့်လှစ်နေပြီဖြစ်သော်လည်း အချို့ကျောင်းများတွင် ကျောင်းတက်သည့် ကျောင်းသားဦးရေ နည်းပါးနေသေးကြောင်း ဆရာအချို့ကပြောသည်။