လာမည့်နှစ်ကစ၍ တက္ကသိုလ်လက်ထောက်ကထိက ရာထူးတိုးအတွက် ရေးဖြေစာမေးပွဲဖြေဆိုရမည်

ဒဂုံတက္ကသိုလ်ဝင်းအတွင်း တက္ကသိုလ်ဆရာမများအား တွေ့ရစဉ် ဓာတ်ပုံ − ဂျေမောင်မောင်(အမရပူရ)

၂၀၁၈ တက္ကသိုလ်ဆရာ၊ ဆရာမ များ ရာထူးတိုးဆောင်ရွက်ရာတွင် သရုပ်ပြ၊ နည်းပြမှ လက်ထောက် ကထိက ရာထူးသို့ တိုးမြှင့်ခန့်ထား ရာ၌ ရေးဖြေစာမေးပွဲဖြေဆိုရမည် ဟု အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာ သိန်းဝင်းက ပြောသည်။


အဆင့်မြင့်ပညာ ဦးစီးဌာန အောက်ရှိ ဝိဇ္ဇာ၊ သိပ္ပံတက္ကသိုလ်၊ ဒီဂရီကောလိပ်၊ ကောလိပ်များ၏ ဆရာ၊ ဆရာမရာထူးတိုး၊ အ ပြောင်းအရွှေ့မူဝါဒဆိုင်ရာ အ စည်းအဝေးကို နိုဝင်ဘာ၈ရက်က ကျင်းပရာ ယင်းအစည်းအဝေး တွင် အဆိုပါမူဝါဒသစ်ကို ဆရာ၊ ဆရာမများအား အသိပေးခဲ့ သည်။

‘‘ရာထူးဝန်ရဲ့မူအရ ရေးဖြေ ဖြေရမယ်။ ရေးဖြေစာမေးပွဲကို ကျွန်တော်တို့ အဆင့်မြင့်ပညာဦး စီးဌာနက ကျင်းပမယ်။ အဲဒီရမှတ် တွေကို ရာထူးဝန်အဖွဲ့ကို ပို့ရ မယ်။ ရာထူးဝန်က အတည်ပြုပြီဆို မှ ရာထူးတိုးဖို့ အော်ဒါထွက်ပေးရ မှာပေါ့’’ဟု ဒေါက်တာသိန်းဝင်းက ပြောသည်။

ပြည်ထောင်စုရာထူးဝန်အဖွဲ့ ၏ ဇွန်လ ၂၇ ရက်စွဲဖြင့် ထုတ်ပြန် သော ညွှန်ကြားချက်အရ ပြန်တမ်း ဝင်အရာရှိ ဝင်ပေါက်ရာထူးဖြစ် သည့် လက်ထောက်ကထိကရာ ထူးသို့ တိုးမြှင့်နိုင်ရန် သရုပ်ပြ၊ နည်းပြမှ လက်ထောက်ကထိက သို့ ရာထူးတိုးပေးရာ၌  အရည် အချင်းစစ် စာမေးပွဲအနေဖြင့် ရေး ဖြေစာမေးပွဲ ထပ်မံဖြေဆိုရခြင်း ဖြစ်သည်။

၂၀၁၇ သြဂုတ်အတွင်း အ ဆိုပါမူဝါဒအသစ်ကို ကွန်ပျူတာ တက္ကသိုလ်၊နည်းပညာတက္ကသိုလ်တို့မှ လက်ထောက်ကထိက ရာ ထူးတိုးရာတွင် စတင်ကျင့်သုံးရန် ဆောင်ရွက်သော်လည်း ဆရာ၊ဆရာမများ၏ တောင်းဆိုချက်အရ လူတွေ့နှုတ်ဖြေသာ စစ်ဆေးခဲ့ သည်။

ပြည်ထောင်စုရာထူးဝန်အဖွဲ့ ၏ မူဝါဒအသစ်အရလက်ထောက် ကထိက ရာထူးတိုးအတွက် ရေးဖြေစာမေးပွဲဖြေဆိုရမည်ဆိုသော် လည်း တက္ကသိုလ်ဆရာ၊ ဆရာမ များကို ခန့်ထားသည့် မူဝါဒအရ ရေးဖြေစာမေးပွဲ ထပ်မံစစ်ဆေးရန် မလိုအပ်ကြောင်း ဆရာ၊ ဆရာမ အချို့က ဆိုသည်။

‘‘ဒါက ရာထူးဝန်အဖွဲ့ရဲ့ မူ အသစ်အရလို့ဆိုပေမယ့် ဆရာတို့ တက္ကသိုလ်ဆရာ၊ ဆရာမတွေက အနည်းဆုံး မဟာဘွဲ့တော့ရပြီး သား။ စခန့်ကတည်းက စာမေးပွဲ တွေဖြေပြီး လူအများကြီးထဲကရွေး ခန့်တာ။ ပြီးတော့ နည်းပြ၊ သရုပ်ပြရာထူးမှာ အနည်းဆုံးငါးနှစ် လောက်တော့ နေပြီးမှ ရာထူးတိုး ကြတာဆိုတော့ ဒီဆရာ၊ ဆရာမ တွေကို ထပ်စာမေးပွဲစစ်ဖို့မလိုဘူး လို့တော့ ဆရာထင်တယ်’’ ဟု ကျောက်ဆည်တက္ကသိုလ်မှ ကထိ က ဒေါက်တာဇော်မျိုးလှိုင်က ပြောသည်။

ယခင်က တက္ကသိုလ်၊ ဒီဂရီ ကောလိပ်၊ ကောလိပ်များတွင် နည်းပြ၊ သရုပ်ပြများအား လက် ထောက်ကထိက ရာထူးတိုးပေး ရာ၌ လုပ်သက်တန်းစီဇယားပေါ် တွင် အဓိကဆုံးဖြတ်ခဲ့သည်။

ပညာရေးဝန်ကြီးဌာန စာရင်း များအရ အဆင့်မြင့်ပညာဦးစီးဌာ နအောက်တွင် တက္ကသိုလ်၊ ဒီဂရီ ကောလိပ်နှင့် ကောလိပ် ၁၃၃ ခု ရှိပြီး ဆရာ၊ ဆရာမ ၂၁,၀၀၀ ကျော်ရှိသည်။