ရန်ကုန်တိုင်းတွင် တောကောင်သားဟင်းလျာများ ရောင်းချမှုတွေ့ရှိပါက သစ်တောဦးစီးဌာနသို့ တိုင်ကြားနိုင်

ရန်ကုန်တိုင်းအတွင်း တော ကောင်သား မရောင်းချရန် ဆိုင် များကို ပညာပေးနေပြီး ရောင်းချမှုများ တွေ့ရှိပါက သစ်တောဦးစီးဌာနသို့ တိုင်ကြားနိုင်ကြောင်း ရန်ကုန်တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးသိန်းတိုးက ပြောသည်။


တောရိုင်းတိရစ္ဆာန် အသား ဟင်းလျာများ မရောင်းချရေး၊ တောရိုင်းတိရစ္ဆာန်ထွက် ပစ္စည်း နှင့် အစိတ်အပိုင်းများ သယ်ဆောင်ခြင်းမပြုရေး ပညာပေးခြင်းနှင့် အသိပညာပေး ပိုစတာများ ချိတ်ဆွဲသည့် လှုပ်ရှားမှုကို ရန်ကုန်တိုင်းအတွင်းရှိ ဈေးများ၊ စားသောက်ဆိုင်များ၊ ထန်းရည်ဆိုင်များနှင့် ယာဉ်လိုင်းများ၌ ပြုလုပ်နေသည်။

ထို့အပြင် ပညာပေးပြီးသော ဆိုင်များနှင့်ဈေးများကို ပြန်လည်စစ်ဆေးနေပြီး ရောင်းချရန် မွေးမြူထားသည့် တိရစ္ဆာန်များနှင့် ဟင်းအိုးများ တွေ့ရှိပါက ချက်ချင်းအရေးယူရန် ညွှန်ကြားထား ကြောင်း ရန်ကုန်တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးသိန်းတိုးကပြောသည်။

‘‘အထူးသဖြင့် လှည်းကူးက နဂိုရောင်းချတဲ့ဆိုင်တွေကို ပြန် စစ်တယ်။ ဟင်းအိုးတွေအပြင် နောက်မှာ ခြံနဲ့မွေးထားတယ်ဆို တစ်ခါတည်း အရေးယူဖို့ပါ ပြော ထားတယ်။ ဒါပေမဲ့ အခုထိတော့ မရှိသေးဘူး။ အဓိကက ဖမ်းရတာ မခက်ဘူး။ သက်သေခိုင်အောင် လုပ်ပြီး တရားရုံးတင်ဖို့ကို ကိုယ့် ဘက်က ခိုင်အောင်လုပ်ရမှာ’’ဟု ၎င်းကပြောသည်။

သို့ရာတွင် မြို့ပြင်နှင့်နီးသည့် လှည်းကူး၊ ထောက်ကြန့်ရှိ စား သောက်ဆိုင်၊ ထန်းရည်ဆိုင်အချို့တွင် ပြန်လည်ရောင်းချနေရာ စားသုံးသူများက ဗောက်ချာကဲ့ သို့သော စာရွက်အထောက်အ ထားများဖြင့် လာရောက်တိုင် ကြားနိုင်ကြောင်း ၎င်းကဆိုသည်။

ပဲခူးတိုင်း အရှေ့ခြမ်းနှင့်နီး စပ်ပြီး သစ်တောကြိုးဝိုင်းများရှိ သည့် လှည်းကူးနှင့် မှော်ဘီမြို့နယ်တစ်ဝိုက်တွင် တောရိုင်းတိရစ္ဆာန်သား ရောင်းချနေရာ ယင်းမြို့ နယ်များတစ်ဝိုက်ရှိ ဈေးနှင့် စားသောက်ဆိုင်များကို ၁၀ ရက် တစ်ကြိမ် ပုံမှန်စစ်ဆေးနေကြောင်း လှည်းကူးမြို့နယ် သစ်တောဦးစီးဌာန ဦးစီးမှူး ဦးအေးမင်းလှိုင်က ပြောသည်။ 

‘‘စစ်ဆေးတဲ့အချိန်မှာတော့ ကာကွယ်ထားတဲ့ အကောင်တွေ မတွေ့ဘူး။ တခြား ယုန်တို့၊ မြွေတို့ကတော့ ကာကွယ်ထားတဲ့ထဲ မပါတာတွေဆိုတော့ တောကောင် သားဆိုပေမယ့် အရေးယူလို့ မရ ဘူးပေါ့’’ဟု ၎င်းကပြောသည်။

တောကောင်သားမရောင်းရ ရေး လှုပ်ရှားမှုကို သစ်တောဦးစီး ဌာနနှင့် သားငှက်ထိန်းသိမ်းရေး အဖွဲ့(WCS)တို့ ပူးပေါင်းလုပ် ဆောင်ပြီး တောရိုင်းတိရစ္ဆာန်အ သား ရောင်းချမှုတွေ့ရှိပါက တိုင်ကြားရန် ဖုန်းနံပါတ်များကို ပိုစ တာနှင့် စတစ်ကာများတွင် ထည့်သွင်းထားသည်။

Top News