ကိုယ်ဝန်ဆောင်ချိန်အတွင်း ဆီးချိုနှင့်သွေးတိုးရောဂါ ဖြစ်ပွားခြင်းကြောင့် နောက်ပိုင်း၌ ပြဿနာကြုံတွေ့နိုင်

ကိုယ်ဝန်ဆောင်ချိန် ဆီးချိုနှင့်သွေးတိုးရောဂါ နှစ်မျိုးစလုံးဖြစ်ပွားသည့် အမျိုးသမီးများသည် ယင်းရောဂါတစ်မျိုးတည်းသာ ဖြစ်ပွားသည့် အမျိုးသမီးများထက် အနာဂတ်တွင် ပြဿနာကြုံနိုင်သည့် အန္တရာယ်မြင့်မားကြောင်း သုတေသီများကပြောသည်။

အနာဂတ်ပြဿနာတွင် နှလုံးရောဂါလည်း ပါဝင်နိုင်ကြောင်း ကနေဒါသုတေသီများကပြောသည်။ သုတေသီများက ကျူးဘက် ပြည်နယ်မှ ဇနီးမောင်နှံ ၆၄,၀၀၀ ကို လေ့လာခဲ့သည်။


ကိုယ်ဝန်ဆောင်ချိန် ဆီးချိုရောဂါ (သို့မဟုတ်) သွေးတိုးခြင်း တစ်မျိုးမျိုးဖြစ်ပွားသည့် အမျိုးသမီးများသည် အနာဂတ်တွင် ဆီးချို ရောဂါ ဖြစ်ပွားနိုင်သည့်အန္တရာယ် ၁၅ ဆပိုမြင့်မားသည်။ ကိုယ်ဝန် ဆောင်ချိန် ယင်းအခြေအနေနှစ်မျိုးစလုံး ဖြစ်ပွားသော အမျိုးသမီး များအတွက် အနာဂတ်တွင် ဆီးချိုရောဂါဖြစ်နိုင်ခြေ ၃၇ ဆ ပိုမြင့် မားကြောင်း သုတေသီများကပြောသည်။

ကိုယ်ဝန်ဆောင်ချိန် ဆီးချို (သို့မဟုတ်) သွေးတိုး တစ်မျိုးမျိုး ဖြစ်ပွားခြင်းကြောင့် အနာဂတ်တွင် သွေးတိုးရောဂါဖြစ်ပွားနိုင်သည့်  အန္တရာယ်နှစ်ဆမြင့်မားသည်။ သို့သော် ကိုယ်ဝန်ဆောင်ချိန် ယင်းအခြေအနေနှစ်မျိုးစလုံးဖြစ်ပွားသည့် အမျိုးသမီးများကြား အနာ ဂတ်တွင် သွေးတိုးရောဂါဖြစ်နိုင်သည့်အန္တရာယ် ခြောက်ဆပိုမြင့် မားသည်။

ယင်းအန္တရာယ်များ လျှော့ချရေး အထောက်အကူဖြစ်စေရန် ကိုယ်ဝန်ဆောင်မည့် အမျိုးသမီးများ လူနေမှုဘ၀ပုံစံ ပြောင်းလဲ သင့်ကြောင်း သုတေသနအဖွဲ့ခေါင်းဆောင် ဒေါက်တာရိုမီနာပေ့စ် ကပြောသည်။

ယင်းကဲ့သို့ သွေးတိုးရောဂါနှင့် ဆီးချိုရောဂါရှိသော အမျိုးသမီးများ၏ ခင်ပွန်းများလည်း ယင်းရောဂါများ ဖြစ်ပွားနိုင်သည့် အန္တရာယ်ရှိသောကြောင့် အိမ်ထောင်စုအတွင်း အတူတကွ နေထိုင်မှုပုံစံများ ပြောင်းလဲရန်လိုအပ်ကြောင်း သုတေသီများကပြော သည်။

ယခုလေ့လာမှုကို Epidemiology ဂျာနယ်တွင် ဖော်ပြထား သည်။                                                        

—Ref: UPI

Top News