ဖွားစော၊ မြင်းကပါရွာအပါအ၀င် ကျေးရွာခြောက်ရွာကို ရှေးဟောင်းအမွေအနှစ်ဇုန်ထဲမှ ထုတ်ပေးရန် ဒေသခံများ တောင်းဆို

အဆိုပါရွာများကို ထုတ်လိုက်ပါက ပုဂံဒေသ ယူနက်စကိုဝင်ရေး မဖြစ်နိုင်တော့
မနူဟာဘုရားဘေးရှိ မြင်းကပါရွာလယ်လမ်းမကြီးကို တွေ့ရစဉ် (ဓာတ်ပုံ − ဂျေမောင်မောင်(အမရပူရ))

ပုဂံရှေးဟောင်းယဉ်ကျေးမှုဒေသကို ယူနက်စကို၏ ကမ္ဘာ့ အမွေအနှစ်ဒေသအဖြစ် စာရင်းတင်သွင်းရာတွင် ဖွားစော၊ မင်းနန် သူနှင့် မြင်းကပါ အပါအ၀င် ကျေးရွာခြောက်ရွာကို ရှေးဟောင်း အမွေအနှစ်ဇုန် (အနီရောင်)မှ နုတ်ထွက်ပေးရန် အဆိုပါကျေးရွာဒေသခံ များက တောင်းဆိုသည်။

ပုဂံဒေသကို ကုလသမဂ္ဂပညာရေးသိပ္ပံနှင့် ယဉ်ကျေးမှုအဖွဲ့(UNESCO)သို့ စာရင်းတင်သွင်းရာတွင် ထည့်သွင်းထားသည့် အဆိုပါ ကျေးရွာများနုတ်ပယ်ပါက  ယူနက်စကိုဝင်ရေး မဖြစ်နိုင်ကြောင်း ယူနက်စကို၏ ယဉ်ကျေးမှုဌာနအစီအစဉ်ညှိနှိုင်းရေးမှူး ဒေါ်ဥမ္မာမျိုးက 7Day Daily သတင်းစာအား ပြောသည်။ပုဂံဒေသကို ယူနက်စကို တင်သွင်းရာတွင် ရှေးဟောင်း အမွေအနှစ်ဇုန်(အနီရောင်) အ တွင်းထည့်သွင်းထားသည့် အရှေ့ ဖွားစော၊ အနောက်ဖွားစော၊ မင်း နန်သူ၊ သူဌေးကန်၊ တောင်ဘီနှင့် မြင်းကပါကျေးရွာတို့ကို လူနေဇုန် (အ၀ါရောင်)အတွင်း ပြောင်းလဲ ထည့်သွင်းပေးရန် အဆိုပါကျေး ရွာဒေသခံများက လက်မှတ်များ ကောက်ခံပြီး တောင်းဆိုနေခြင်း ဖြစ်သည်။

အဆိုပါကျေးရွာခြောက်ရွာ သည် ပုဂံခေတ်ကတည်းက တည် ရှိခဲ့သော ကျေးရွာများဖြစ်သည်။

ယင်းကျေးရွာများကို ရှေး ဟောင်းအမွေအနှစ်ဇုန် (အနီ ရောင်)အတွင်း ထည့်သွင်းပါက အဆောက်အအုံသစ်များဆောက် လုပ်ခွင့်မပေးခြင်းနှင့် ယူနက်စကို ၏ စည်းမျဉ်းဥပဒေနှင့်အညီ နေ ထိုင်ရမည်ဖြစ်သောကြောင့် ရှေး ဟောင်းအမွေအနှစ်ဇုန် (အနီ ရောင်)မှ လူနေဇုန်(အ၀ါရောင်) သို့ ပြောင်းထည့်ပေးရန် ဒေသခံ များက တောင်းဆိုနေကြောင်း မြင်းကပါကျေးရွာ ဒေသခံကို အောင်စိုးလင်းက ပြောသည်။

‘‘ယူနက်စကို တင်သွင်းတဲ့ အခါမှာ မူဘောင်တွေရှိတယ်။ အဲ ဒီမူဘောင်တွေထဲကမှ ဒေသခံ တွေရဲ့ ဆန္ဒလေးတွေကိုဖြေလျှော့ ဖို့ပေါ့။ တောင်းဆိုချင်တဲ့အချက် လေးတွေရှိတယ်။ အဲဒါကြောင့် ဒေသခံတွေက လက်မှတ်ထိုးပြီး တောင်းဆိုကြမှာ။ ကန့်ကွက်တဲ့ ပုံစံတော့မဟုတ်ဘူး’’ ဟု ကို အောင်စိုးလင်းက ပြောသည်။

ထိုကျေးရွာခြောက်ရွာသည် ကမ္ဘာလှည့်ခရီးသွားများ စိတ်ဝင် တစား လာရောက်လည်ပတ် သော ကျေးရွာများ ဖြစ်သော ကြောင့် Home Stay (ဧည့်နေ ထိုင်ခွင့်)များပြုလုပ်၍ စီးပွားရေး လုပ်ငန်းလုပ်ကိုင်လိုသူ ကျေးရွာ ဒေသခံအချို့ ရှိနေကြောင်း ၎င်း က ဆက်လက်ပြောသည်။

ဒေါ်ဥမ္မာမျိုးက ‘‘မင်းနန်သူ တို့၊ မြင်းကပါရွာတို့က အမွေအ နှစ်ဇုန်ထဲမှာ မနေချင်ဘဲ လူနေဇုန် ထဲမှာ နေချင်တဲ့သဘောတွေ ရှိ နေတယ်။ ဘယ်လိုလုပ်ပြီးမင်းနန် သူရွာကို လူနေဇုန်ထည့်ပေးလို့ ရမလဲ။ ဖွားစောရွာ ဘယ်လိုလုပ် ထည့်ပေးလို့ရမလဲ။ အခုအမွေအ နှစ်ထဲမှာ၊ ပုဂံခေတ်ထဲမှာရှိနေတဲ့ ရွာတွေက လူနေဇုန်ထဲထည့်ပေး ပါ၊ သူတို့လည်း ဟိုတယ်တွေ ဆောက်ချင်ပါတယ် ပြောနေ တယ်။ အဲဒါကြီးက အကြီးအ ကျယ်ပြဿနာပဲ။ အဲဒါဆိုရင် တော့ ဘယ်လိုမှ အမွေအနှစ်စာ ရင်းထဲ ၀င်ဖို့မဖြစ်နိုင်ပါဘူး’’ ဟု ပြောကြားသည်။

လာမည့်နိုဝင်ဘာ ၂၇ ရက် တွင် ပုဂံဒေသကို ယူနက်စကို တင်သွင်းမှုနှင့်ပတ်သက်ပြီး ပုဂံ မြို့၌ ဆွေးနွေးမည်ဖြစ်ကြောင်း ၎င်းကဆက်လက်ပြောသည်။

‘‘အခုက ယူနက်စကိုဝင်ဖို့ အရေးကြီးနေတဲ့အချိန်မှာ ကန့် ကွက်မှုတွေရှိနေတယ်။ တကယ် လို့ ပုဂံကိုယူနက်စကိုမ၀င်ဖြစ်ဘူး ဆိုရင် သူတို့က သမိုင်းတရားခံ ဖြစ်မှာပဲ’’ ဟု ပုဂံဒေသဧည့်လမ်း ညွှန်ကိုနိုင်ထွန်းက ပြောကြားသည်။

ပုဂံဒေသကို ကမ္ဘာ့အမွေအ နှစ်ဒေသအဖြစ် စာရင်းဝင်ရန် မူ ကြမ်းကို စက်တင်ဘာ ၂၂ ရက် က တင်သွင်းရာအဆိုပါကျေးရွာ ခြောက်ရွာကိုလည်း ထည့်သွင်း စာရင်းတင်သွင်းထားကြောင်း ရှေးဟောင်းသုတေသနဦးစီးဌာန (ပုဂံ)ညွှန်ကြားရေးမှူးဦးအောင် ကျော်ကျော်က ပြောသည်။

‘‘ဇုန်ကလည်း ပြီးပြီ။ အကုန် လုံးကလည်း လုပ်ပြီးနေပြီ။ ယူ နက်စကိုကိုလည်း မူကြမ်းတင်ပြီး နေပြီ။ သူတို့ပြင်ချင်ရင် နောက် မှပဲ အေးဆေးပြင်လို့ရမယ်’’ ဟု ၎င်းက ပြောသည်။

ပုဂံဒေသကို ကမ္ဘာ့အမွေအ နှစ်ဒေသအဖြစ် စာရင်းဝင်ရန် မူ ကြမ်းကို စက်တင်ဘာ ၂၂ ရက် က တင်သွင်းပြီး ပုဂံဒေသရှိအ ရေးကြီးသည့်နေရာ ခုနစ်နေရာကို ပိုင်းခြားတင်သွင်းထားသည်။ မူကြမ်းအရ ရှေးဟောင်းဒေသတစ်ခုလုံး မဟုတ်ဘဲ အရေးကြီးနေရာခုနစ်ခုကို ပိုင်းခြားတင်သွင်းခြင်းဖြစ်သည်။

ပုဂံဒေသကို မူကြမ်းတင် သွင်းထားမှုနှင့်ပတ်သက်ပြီး ယူ နက်စကိုမှ ပညာရှင်များအဖွဲ့က ၂၀၁၈ ဖေဖော်ဝါရီ ၁ ရက်မတိုင် မီ ပုဂံဒေသသို့ ကွင်းဆင်းစစ်ဆေး မည်ဖြစ်ကြောင်း ဒေါ်ဥမ္မာမျိုးက ပြောသည်။

၂၀၁၉ ဇွန်လ(သို့မဟုတ်) ဇူ လိုင်တွင်ပြုလုပ်မည့် ယူနက်စကို ကော်မတီအစည်းအဝေး၌ ပုဂံ ဒေသကို စာရင်းဝင်၊ မ၀င်ဆုံး ဖြတ်မည်ဖြစ်ကြောင်း ၎င်းက ဆက်လက်ပြောကြားသည်။

ကမ္ဘာ့အမွေအနှစ်စာရင်းဝင် ရန် မူကြမ်းတင်သွင်းပြီးနောက် ၂၀၁၈ ဇန်န၀ါရီ၌ တင်ပြစာတွဲနှင့် စီမံခန့်ခွဲမှုအစီအစဉ်စာတွဲ(၂) တင်သွင်းရမည်ဖြစ်သည်။ ထိုသို့ တင်သွင်းပြီးပါက ပုဂံဒေသသို့ ICOMOS (International Cou-ncil on Monuments and Sites) ပညာရှင်များ လာရောက်စစ်ဆေး ပြီး ဒေသခံများ၏သဘောထားကို တွေ့ဆုံမေးမြန်းမည်ဖြစ်သည်။ လက်ရှိတွင် ပုဂံရှေးဟောင်းယဉ် ကျေးမှုဇုန်ဧရိယာသည် စတုရန်း ဧက ၂၇,၉၇၀ ကျယ်ဝန်းသည်။

ဇုန်များ ပြန်လည်ပြင်ဆင် သတ်မှတ်ရာတွင် ယခင်ထက် ဧကနှစ်သောင်းကျော် ထပ်မံတိုး ချဲ့ထားသည်။ ထို့အပြင် ဇုန်များ တိုးချဲ့သတ်မှတ်မှုတွင် ပုဂံနှင့် ညောင်ဦးမြို့၏ အနောက်ဘက် နှင့် မြောက်ဘက်တို့၌ တိုးချဲ့မည် ဖြစ်ပြီး အနောက်ဘက်တွင် ဧရာ ၀တီမြစ်တစ်လျှောက်လုံးထည့် သွင်းထားပြီး မကွေးတိုင်းအတွင်း ရှိ တန့်ကြည့်တောင်ဘုရားကိုပါ ဇုန်အတွင်း ထည့်သွင်းသတ်မှတ် ထားသည်။

Top News