ကမ်းခြေတွင် လာသောင်တင်သော မြောက်ကိုရီးယား တံငါလှေကို ဂျပန်ထိန်းသိမ်းထား

ကမ်းခြေတွင် လာရောက် သောင်တင်နေသည့် မြောက်ကိုရီးယား တံငါလှေ တစ်စီးနှင့် အဖွဲ့သား ရှစ်ဦးကို ထိန်းသိမ်းထားကြောင်း ဂျပန်က အတည်ပြုခဲ့သည်။

ဂျပန်ရဲတပ်ဖွဲ့က အဆိုပါ အမျိုးသားများကို ယူရီဟွန်ဂျိုမြို့ ကမ်းခြေအနီးတွင် နိုဝင်ဘာ ၂၃ ရက်က ရှာဖွေ တွေ့ရှိခဲ့ပြီးနောက် ယာယီ ထိန်းသိမ်းထားကြောင်း ပြောကြားခဲ့သည်။

၎င်းတို့က မိမိတို့သည် မြောက်ကိုရီးယားမှ ငါးဖမ်းသည့် တံငါများဖြစ်ကြောင်း၊ ပင်လယ်ထဲတွင် အခက်အခဲများကြုံကာ လှေမျောပါပြီး ဂျပန်ကမ်းခြေသို့ ဆိုက်ရောက်လာခြင်းဖြစ်ကြောင်း ထွက်ဆိုခဲ့သည်ဟု ဂျပန်ရဲတပ်ဖွဲ့က ထုတ်ပြန်ထားသည်။

ဂျပန်တွင် ယခင်ကလည်း မြောက်ကိုရီးယား တံငါလှေများ လမ်းကြောင်းမှား ရောက်ရှိလာမှုမျိုး ကြုံရဖူးသည်။ ထို့အပြင် ပင်လယ်ထဲ မျောနေသည့် တံငါလှေများကိုလည်း ဂျပန် ကမ်းခြေစောင့်တပ်က ကယ်ဆယ်ရလေ့ ရှိသည်။

ပိုမို၍ ဆိုးရွားသော အခြေအနေမှာ မြောက်ကိုရီးယားမှဟု ယူဆရသည့် လှေအချို့ ဂျပန်ကမ်းခြေများတွင် လာရောက် သောင်တင်ရာ၌ လူသေအလောင်းများ ပါလာတတ်ခြင်း ဖြစ်သည်။ ယင်းအလောင်းများနှင့် ပတ်သက်၍ ပဟေဠိဆန်ဆန် အဖြေရှာရ ခက်နေဆဲဟု သိရသည်။

ယခုနောက်ဆုံး လာရောက်သောင်တင်သည့် တံငါလှေပေါ် ပါလာသူများမှာ အကူအညီ မပါဘဲ လမ်းလျှောက်ရန်ပင် ခက်ခဲလောက်အောင် အားအင် ပြတ်လပ်နေကြကြောင်း ရဲများက ဆိုသည်။ ၎င်းတို့၏ ထွက်ဆို ပြောကြားမှုကို စကားပြန် အကူအညီဖြင့် ရယူခဲ့ရသည်။

၎င်းတို့သည် ဂျပန်တွင် ခိုလှုံနေထိုင်ခွင့် တောင်းခံမည်၊ သို့မဟုတ် မြောက်ကိုရီးယားသို့ ပြန်သွားလိုသည် ဆိုခြင်းကို ကွဲကွဲပြားပြား မသိရသေးချေ။ ဂျပန်နှင့် မြောက်ကိုရီးယားတို့ကြား ကျယ်ပြန့်သော ဂျပန်ပင်လယ် ပိုင်းခြားထားခြင်းကြောင့် လှေဖြင့် ထွက်ပြေးခိုလှုံလာမှုမျိုးမှာ ရှားပါးသော အခြေအနေမျိုးဟုလည်း သတင်းများက ဖော်ပြသွားသည်။

Ref: BBC

Top News