ဖိလစ်ပိုင် ပင်လယ်တွင် ပျောက်ဆုံးနေသော ရေတပ်သားများကို ရှာဖွေနေမှု အမေရိကန်ရေတပ် ရပ်ဆိုင်း

ပျက်ကျသည့် လေယာဉ်နှင့် အမျိုးအစားတူ C-2A Greyhoundတစ်စီး လေယာဉ်တင် သင်္ဘောပေါ်မှ ပျံတက်နေစဉ်။

ဖိလစ်ပိုင် ပင်လယ်အတွင်း ပျောက်ဆုံးနေသည့် ရေတပ်သား ၃ ဦးကို ရှာဖွေနေသည့် လုပ်ငန်းစဉ်ကို အမေရိကန် ရေတပ်က ရပ်ဆိုင်းလိုက်ပြီဟု သိရသည်။

နိုဝင်ဘာ ၂၂ ရက်က လေယာဉ်တင် သင်္ဘောပေါ်သို့ အဆင်းတွင် လေယာဉ်ပျက်ကျမှုကြောင့် ရေတပ်သားများ ပျောက်ဆုံးနေပြီး ၎င်းတို့ကို ဖြန့်ကျက် ရှာဖွေခဲ့သည်။ သို့သော် နှစ်ရက်အကြာတွင်မူ ရှာဖွေရေး လုပ်ငန်းစဉ်ကို ရပ်တန့်ရန် ဝမ်းနည်းစွာ ဆုံးဖြတ်ခဲ့ရကြောင်း ရေတပ်၏ Task Force 70ကို ဦးစီးသော နောက်တန်း သေနာပတိ မက်ဒယ်လ်တန်က ကြေညာခဲ့သည်။

ရေတပ်သားများသည် C2-A Greyhound သယ်ယူပို့ဆောင်ရေး လေယာဉ်တစ်စီးပေါ်တွင် လိုက်ပါလာရင်း မတော်တဆမှု ကြုံခဲ့ခြင်း ဖြစ်သည်။ အဖွဲ့သားနှင့် ခရီးသည် စုစုပေါင်း ၁၁ ဦး လိုက်ပါလာသော လေယာဉ်သည် လေယာဉ်တင် သင်္ဘောသို့ ချဉ်းကပ်ရင်း ချွတ်ယွင်းမှုကြုံကာ ပျက်ကျသွားခြင်း ဖြစ်သည်။ ဖြစ်ရပ်နှင့် မရှေးမနှောင်း၌ပင် ရေတပ်သား ၈ ဦးကို ကယ်ဆယ်နိုင်ခဲ့သော်လည်း ၃ ဦးမှာ ပျောက်ဆုံးနေခဲ့သည်။

ရေတပ်က ပျောက်ဆုံးစစ်သည်များ၏ အမည်ကို တရားဝင် မထုတ်ပြန်သေးဘဲ ရှေးဦးစွာ ၎င်းတို့၏ မိသားစုထံ တရားဝင် အသိပေးရန် စီစဉ်ထားကြောင်း ဆိုသည်။ “သေဆုံးခဲ့ရသူတွေရဲ့ မိသားစုတွေနဲ့ထပ်တူ ကျွန်တော်တို့အားလုံး ဝမ်းနည်း ကြေကွဲရပါတယ်”ဟု မက်ဒယ်လ်တန်က ပြောကြားခဲ့သည်။

ပျောက်ဆုံးနေသူများကို ရှာဖွေရန်အတွက် ဂျပန်နှင့် အမေရိကန် ရေတပ်သင်္ဘော ၇ စီး၊ ရဟတ်ယာဉ်အုပ်စု ၃ ခုနှင့် ရေကြောင်းကင်းထောက် ရေယာဉ်တစ်စီးကို အသုံးပြုခဲ့သည်။ စတုရန်းရေမိုင် ၁၀၀၀ နီးပါးမျှ ဧရိယာကို ရှာဖွေရေးဇုန်အဖြစ် သတ်မှတ်ပြီး ပိုက်စိပ်တိုက် ရှာဖွေသော်လည်း ရေတပ်သားများ၏ အရိပ်အယောင်ကို မတွေ့ရတော့ဟု ဆိုသည်။

ရေတပ်၏ ပြောရေးဆိုခွင့်ရ အရာရှိ တစ်ဦးက လေယာဉ်သည် သင်္ဘောထံ ချဉ်းကပ်လာစဉ် ပျက်ကျခြင်းဟု ပြောကြားခဲ့သော်လည်း သင်္ဘောနှင့် အကွာအဝေးမည်မျှ ရှိသည်ကို မှတ်ချက်မပေးခဲ့ချေ။

အမေရိကန် ရေတပ်သည် ယခုနှစ်အတွင်း အာရှတိုက်နှင့် ဆက်စပ်ရေပြင်၌ ပြဿနာများ ဆက်တိုက် ကြုံခဲ့ရသည်။ ရေတပ်၏ အာရှဒေသ ဖြန့်ကျက်မှုများအတွင်း ယခုနှစ်တွင် စုစုပေါင်း မတော်တဆမှု ၆ ကြိမ်ထက်မနည်း ပေါ်ပေါက်ခဲ့ပြီးဖြစ်ကြောင်း သိရှိရသည်။

Ref: CNN

Top News