ရခိုင်ရှိ ကျိန္တလီမြို့နယ်တွင် ကမ်းနီးငါးလုပ်ငန်းဆိုင်ရာ ပူးပေါင်းစီမံခန့်ခွဲရေး ဧရိယာသတ်မှတ်မည်

ကမ်းနီးငါးဖမ်းသမားအချို့ကို ကမ်းခြေ၌ တွေ့ရစဉ် (ဓာတ်ပုံ- WCS)

အဏ္ဏဝါပင်လယ်ပြင်အတွင်း ဇီဝမျိုးစုံမျိုးကွဲများ ထိန်းသိမ်းနိုင် ရန် ရခိုင်ပြည်နယ် ကျိန္တလီမြို့ နယ်တွင် ကမ်းနီးငါးလုပ်ငန်းဆိုင် ရာ ပူးပေါင်းစီမံခန့်ခွဲရေး ဧရိယာ သတ်မှတ်မည်ဟု သားငှက်ထိန်း သိမ်းရေးအဖွဲ့ (အဏ္ဏဝါအစီအစဉ်) မှအဏ္ဏဝါငါးလုပ်ငန်း သုတေသန အရာရှိ ဦးသောင်းထွဋ်က ပြော ကြားသည်။

ကမ်းနီးငါးလုပ်ငန်းဆိုင်ရာ ပူးပေါင်းစီမံခန့်ခွဲရေး ဧရိယာကို ရခိုင်ပြည်နယ် ကျိန္တလီမြို့နယ် မြောက်ဘက် ညောင်ပင်သာယာ ကျေးရွာမှ အောက်ဘက်ကြွေချိုင် အထိ သတ်မှတ်မည်ဖြစ်သည်။

ထိုသို့ သတ်မှတ်နိုင်ရန် ကျေးရွာ ရေလုပ်သားများနှင့်သဘောတူညီမှုရရှိပြီး ထိန်းသိမ်းရေး အဖွဲ့အစည်းများ၏ ကွင်းဆင်းလေ့လာချက်၊ ငါးလုပ်ငန်း ဦးစီးဌာနထောက်ခံချက်များဖြင့် သက်ဆိုင်ရာ မြို့နယ်၊ ခရိုင်အဆင့်ဆင့် တင်ပြ၍ ဖွဲ့စည်းမည်ဟု ၎င်းကဆိုသည်။

ကမ်းနီးငါးလုပ်ငန်းဆိုင်ရာ ပူးပေါင်းစီမံခန့်ခွဲရေး ဧရိယာသတ် မှတ်ပြီးပါက နိုင်ငံတော်က ထုတ် ပြန်ထားသည့် ဥပဒေနှင့်အညီ လိုက်နာရမည့် စည်းမျဉ်းစည်း ကမ်းများ၊ ပဋိပက္ခလျှော့ချရေး၊ ပင်လယ်ပြင်သယံဇာတများ ရေ ရှည်ထုတ်ယူသုံးစွဲနိုင်ရေးတို့ကို ဒေသခံ ရေလုပ်သားများကိုယ် တိုင် သတ်မှတ်စေမည်ဖြစ်သည်။

‘‘ဘာလုပ်ရမယ်ဆိုတာတော့ ကျွန်တော်တို့ မသတ်မှတ်ဘူး။ ဒေသခံတွေက နိုင်ငံတော်က ထုတ်ပြန်ထားတဲ့ ဥပဒေတွေနဲ့ အညီ လိုက်နာမှုတွေ၊ တာဝန်ယူ မှုတွေ၊ စနစ်တကျ စည်းကမ်းတွေ ထုတ်မယ်။ ကိုယ့်ရေပြင်ကိုယ်ကာ ကွယ်မယ်’’ဟု ဦးသောင်းထွဋ်က ပြောသည်။

ထို့အပြင် ကျိန္တလီမြို့နယ် တွင် ကျေးရွာ ၂၀ ခန့်ရှိသည့် အနက် ငါးကုန်တင်ကုန်ချ ဆိပ် ကမ်းရှိပြီး ငါးလုပ်ငန်းဖြင့် အဓိက အသက်မွေးဝမ်းကျောင်းပြုသည့် ကျေးရွာ ၁၀ ရွာ၌ ကျိန္တလီမြို့ ကမ်းနီးငါးလုပ်ငန်း ပူးပေါင်းစီမံ ခန့်ခွဲရေးအဖွဲ့ (KIFCA) ဖွဲ့စည်းမည်ဖြစ်သည်။

ကမ်းနီးငါးလုပ်ငန်းဆိုင်ရာ  ပူးပေါင်းစီမံခန့်ခွဲရေး ဧရိယာကို ရခိုင်ပြည်နယ်တွင် ကနဦး စီမံ ကိန်းအနေဖြင့် စတင်ပြုလုပ်ခြင်း ဖြစ်ပြီး အားသာချက်၊ အားနည်း ချက်များအပေါ် အခြေခံကာ ဧရာ ဝတီ၊ တနင်္သာရီနှင့် မွန်ပြည်နယ် တို့၌ ဆက်လက်လုပ်ဆောင်မည် ဖြစ်သည်။

 

More in Environment Section