သစ်တောထွက်ပစ္စည်းများ ဈေးကွက်ဝင်ရန်နိုင်ငံအဆင့်သစ်တောထောက်ခံချက်ပြုရေး စနစ်ကို ၂၀၁၈ တွင် အကောင်အထည်ဖော်မည်

မြန်မာနိုင်ငံမှ သစ်တော ထွက်ပစ္စည်းများ နိုင်ငံတကာဈေး ကွက်ဝင်နိုင်ရေး နိုင်ငံအဆင့် သစ်တောထောက်ခံချက်ပြုရေး စနစ်ကို သစ်တောခရိုင် ၆၈ ခုတွင် လာမည့်နှစ်၌ စတင်အကောင် အထည်ဖော်ဆောင်ရွက်မည်ဟု သစ်တောဦးစီးဌာန ညွှန်ကြားရေး မှူးဦးကျော်ဇောက ပြောသည်။

မြန်မာနိုင်ငံ သစ်တော ထောက်ခံချက်ပြုရေးကော်မတီ (MFCC)နှင့် အပြည်ပြည်ဆိုင်ရာ သစ်တောထောက်ခံချက်ပြုရေး အစီအစဉ်(PEFC)၏ ထောက်ပံ့မှုဖြင့် နိုင်ငံအဆင့်သစ်တော ထောက်ခံချက်ပြုရေး စနစ်ကို ၂၀၁၈ တွင် ဆောင်ရွက်မည်ဖြစ်သည်။

သစ်တောဦးစီးဌာနက ကျင့် သုံးနေသည့် သစ်တောစီမံအုပ်ချုပ် မှုစနစ်သည် သစ်တောများရေရှည် တည်တံ့ဖွံ့ဖြိုးပြီး ရေရှည်ထုတ်ယူ သုံးစွဲနိုင်သည့် စီမံအုပ်ချုပ်မှုစနစ် ဖြစ်ကြောင်း ပြသနိုင်ရန်ရည်ရွယ် လုပ်ဆောင်ကြောင်း သယံဇာတ နှင့် သဘာဝပတ်ဝန်းကျင် ထိန်း သိမ်းရေးဝန်ကြီးဌာနက နိုဝင်ဘာ ၂၄ ရက်တွင် ထုတ်ပြန်သည်။

ယင်းစနစ်အရ မြန်မာနိုင်ငံရှိ သစ်တောစီမံအုပ်ချုပ်မှုကို အသိ အမှတ်ပြုသည့်လက်မှတ်ရရှိစေ ရန် လုပ်ဆောင်မည်ဖြစ်ပြီး သို့မှ သာ မြန်မာ့သစ်တောထွက်ပစ္စည်း များ နိုင်ငံတကာဈေးကွက် ၀င်နိုင် မည်ဖြစ်သည်။

‘‘အသိအမှတ်ပြုလက်မှတ်ရ ရင် ကျွန်တော်တို့သစ်တောတွေက ထွက်တဲ့ သစ်တောထွက်ပစ္စည်း တွေက နိုင်ငံတကာဈေးကွက်မှာ ထောက်ခံချက်ရတာပေါ့။ စည်း ကမ်းတကျအုပ်ချုပ်တဲ့ တောက ထွက်တဲ့အတွက်ကြောင့် နိုင်ငံ တကာက လက်ခံတာပေါ့’’ ဟု ဦး ကျော်ဇောက ပြောသည်။

သစ်တောစီမံအုပ်ချုပ်မှုစနစ် ရှေ့ပြေးအဖြစ် နိုဝင်ဘာ ၂၇ ရက်မှ ဒီဇင်ဘာ ၄ ရက်အထိ ကသာမြို့နယ်ရှိ ကောလင်းနှင့် ပင်လည်ဘူးတို့တွင် သစ်ထုတ်လုပ်ချိန်မှဈေးကွက်တင်သည်ထိ  လမ်းကြောင်းတစ်လျှောက်ကွင်းဆင်း စစ်ဆေးမည် ဖြစ်သည်။

 

Top News