အင်းတော်ကြီးကန် ရေအရည်အသွေး စစ်ဆေးမည်

တရားမဝင် ရွှေတူးဖော်ခြင်း လုပ်ငန်းများကြောင့် ညစ်ညမ်းမှု များရှိနေသည့် အင်းတော်ကြီးကန် ၏ ရေအရည်အသွေးကို စစ်ဆေး မည်ဟု ရေဝေရေလဲ အုပ်ချုပ်ရေး ဌာန ဦးစီးအရာရှိ ဒေါက်တာတိုး တိုးအောင်က ပြောသည်။

ဘက်စုံပူးပေါင်းပါဝင်သော ရေသယံဇာတ စီမံအုပ်ချုပ်လုပ် ကိုင်ခြင်း ရှေ့ပြေးစီမံကိန်းအဖြစ် မြန်မာနိုင်ငံမြစ်များမှ ပဲခူးမြစ်နှင့် ကန်များကိုယ်စားပြုအဖြစ် အင်း လေးကန်တို့ကို ရွေးချယ်၍ ရေ အရည်အသွေး စစ်ဆေးခြင်း၊ ရေ သယံဇာတအခြေအနေ ပုံမှန်စစ် ဆေးမှုနေရာ တိုးချဲ့စီမံကိန်း အနေဖြင့် အင်းတော်ကြီးကန်၏ ရေအရည်အသွေးကိုပါ စစ်ဆေး မည်ဟု ၎င်းကပြောသည်။

အင်းတော်ကြီးကန်  ချောင်းလက်တက်များတွင် တရားမဝင် ရွှေတူးဖော်ခြင်း လုပ်ငန်းများ ကြောင့် နုန်းကျခြင်းနှင့် ရေထုညစ် ညမ်းခြင်းပြဿနာများ ကြုံတွေ့ လျက်ရှိရာ ရေထု၌ မာကျူရီဓာတ် ပါဝင်မှုနှုန်း မည်မျှရှိသည်ကို စစ် ဆေးမည် ဖြစ်သည်။

‘‘mining တွေ့ရှိတော့ မာ ကျူရီပါဝင်မှုကို စမ်းသပ်နေတာ ပေါ့။ စီမံကိန်းကို ထောက်ပံ့တဲ့ နော်ဝေးအဖွဲ့ကလည်း ဒါအရေး ကြီးတယ်ဆိုတာနဲ့ လုပ်တာ’’ဟု ဒေါက်တာတိုးတိုးအောင်က ပြော ကြားသည်။

အင်းတော်ကြီးကန်၏ ရေ အရည်အသွေး စစ်ဆေးမှုကို နော် ဝေးနိုင်ငံရှိ ဓာတ်ခွဲခန်းသို့ ပေးပို့ ထားပြီး ဖေဖော်ဝါရီတွင် ရလဒ် များ ထုတ်ပြန်မည်ဖြစ်သည်။

ဘက်စုံပူးပေါင်းပါဝင်သော ရေသယံဇာတ စီမံအုပ်ချုပ်လုပ် ကိုင်ခြင်း ရှေ့ပြေးစီမံကိန်းအဖြစ် အင်းလေးကန်၏ ရေအရည် အသွေးကို စစ်ဆေးစဉ်က ရေထု ညစ်ညမ်းသော်လည်း အန္တရာယ် ဖြစ်စေသည့် ဓာတ်များတွေ့ရှိ ခြင်းမရှိဘဲ ပဲခူးမြစ်ဝှမ်းတွင် မြစ် အောက်ဘက်ခြမ်းရှိ ရေထုသည် အလွန်အမင်း ညစ်နွမ်းနေပြီး ဂေဟစနစ် ထိခိုက်မှုရှိ၊ မရှိ ဆက် လက် စစ်ဆေးမည်ဖြစ်သည်။

ဘက်စုံပူးပေါင်းပါဝင်သော ရေသယံဇာတ စီမံအုပ်ချုပ်လုပ် ကိုင်ခြင်း ရှေ့ပြေးစီမံကိန်းကို နော်ဝေးနိုင်ငံ၏ ပံ့ပိုးမှုဖြင့် ၂၀၁၆ မှ ၂၀၁၈ အထိဆောင်ရွက်မည်ဖြစ် သည်။

 

Top News