နိုင်ငံတော်သံဃမဟာနာယကအဖွဲ့ဆရာတော်ကြီးများနှင့် ပုပ်ရဟန်းမင်းကြီးတွေ့ဆုံ

ဘာသာရေးကို ခုတုံးလုပ်၍ အမုန်းစကားပြောဆိုဝါဒဖြန့်ခြင်းကို ရှုတ်ချရမည်ဖြစ်ကြောင်း မဟနဥက္ကဋ္ဌဆရာတော်မိန့်ကြား၊မတရားမှုနှင့် ရန်ပွဲများရပ်စဲရေးတွင် အသံမဲ့သူများ၏အသံကြားနိုင်ရေး ဘာသာရေးခေါင်းဆောင်များကြိုးပမ်းရန် တိုက်တွန်း
နိုင်ငံတော်သံဃမဟာနာယကအဖွဲ့ ဥက္ကဋ္ဌဆရာတော်နှင့် ပုပ်ရဟန်းမင်းကြီး (ဓာတ်ပုံ − ETTORE FERRARI (epa))

မတရားမှုများ၊ ရန်ပွဲ များ ရပ်စဲသွားစေရေးလုပ်ဆောင် ရာတွင် လူမှုအဖွဲ့အစည်းခေါင်း ဆောင်များနှင့် ဘာသာရေးခေါင်း ဆောင်များက အသံမဲ့သူများ၏ အသံကိုကြားနိုင်စေရန် ကြိုးစား ပေးရမည်ဖြစ်ကြောင်း ပုပ်ရဟန်း မင်းကြီးဖရန်စစ်က ပြောသည်။


ပုပ်ရဟန်းမင်းကြီးဖရန်စစ် သည် နိုဝင်ဘာ ၂၉ ရက်ညနေက ကမ္ဘာအေးကုန်းမြေရှိ ၀ိဇယမင်္ဂ လာဓမ္မသဘင်ခန်းမတွင် နိုင်ငံ တော် သံဃမဟာနာယကအဖွဲ့ ဆရာတော်များနှင့် ပထမအကြိမ် တွေ့ဆုံစဉ် ပြောကြားခြင်းဖြစ် သည်။

‘‘လူမှုအဖွဲ့အစည်းတစ်ခု လုံးထဲတွင် ပါဝင်တဲ့လူတစ် ယောက်စီတိုင်းက ကြိုးစားပြီး မတရားမှုများ၊ ရန်ပွဲများရပ်စဲသွား ဖို့ ဝေမျှပါဝင်လုပ်ဆောင်ကြရမှာ ဖြစ်ပါတယ်။ အထူးသဖြင့် လူမှု အဖွဲ့အစည်းခေါင်းဆောင်များနဲ့ဘာသာရေးခေါင်းဆောင်များအ နေနဲ့ အသံမဲ့သူများရဲ့ အသံကို ကြားနိုင်ဖို့ ကြိုးစားပေးရမှာဖြစ်ပါ တယ်’’ ဟု ပုပ်ရဟန်းမင်းကြီးက ပြောကြားသည်။

ထို့အပြင် ပင်လုံငြိမ်းချမ်း ရေးညီလာခံ၏ လုပ်ဆောင်ချက် များအတွက် ဂုဏ်ပြုချီးမွမ်းလိုပြီး မြန်မာပြည်တွင်မှီတင်းနေထိုင်ကြ သူများအားလုံး ပို၍အားတက်သ ရော ပါဝင်နိုင်စေရန် ဆုတောင်း ပေးလိုကြောင်းပုပ်ရဟန်းမင်းကြီး က ဆက်လက်ပြောကြားသည်။

‘‘ကြိုးပမ်းအားထုတ်မှုက အ ဓွန့်ရှည်သော အသီးအပွင့်များပေါ် ထွက်လာမှာသေချာပြီး ဘာသာ ရေးခေါင်းဆောင်များရဲ့ လက်တွဲ ပါဝင်ဆောင်ရွက်မှုကိုလည်း လို အပ်လာမှာဖြစ်ပါတယ်။ ဒါနဲ့ပတ် သက်လာရင် ကက်သလစ်သာသ နာတော်ကလည်း ကူညီဆောင် ရွက်ဖို့ အသင့်ရှိနေပါတယ်’’ ဟု ပုပ်ရဟန်းမင်းကြီးက ပြောသည်။

ပုပ်ရဟန်းမင်းကြီးနှင့် နိုင်ငံ တော်သံဃမဟာနာယကအဖွဲ့ ဆရာတော်များ တွေ့ဆုံရာတွင် ဥက္ကဋ္ဌဆရာတော် ဒေါက်တာ ဘဒ္ဒန္တကုမာရာဘိဝံသအပါအ၀င် ဆရာတော် ၁၇ ပါးနှင့်တွေ့ဆုံခြင်း ဖြစ်သည်။

ဘာသာရေးကို ခုတုံးလုပ်ပြီး အမုန်းစကားပြောဆိုခြင်း၊ မမှန် ၀ါဒဖြန့်ခြင်းတို့ကြောင့် ခိုက်ရန် ဖြစ်ပွားခြင်း၊  ဆူပူသောင်းကျန်း ခြင်း၊ အကြမ်းဖက်တိုက်ခိုက်ခြင်း များ ဖြစ်ပေါ်လာအောင်ထောက် ပံ့ကူညီကြသူများကို ပြင်းထန်စွာ ပြစ်တင် ရှုတ်ချရမည်ဖြစ်ကြောင်း ဥက္ကဋ္ဌဆရာတော် ဒေါက်တာ ဘဒ္ဒန္တကုမာရာဘိဝံသက ပုပ် ရဟန်းမင်းကြီးနှင့် တွေ့ဆုံစဉ် မိန့် ကြားသည်။

‘‘ကိုးကွယ်ရာဘာသာများ သည် လူသားကောင်းကျိုးချမ်း သာကို ညွှန်ပြကြပြီး အဆိုပါအ ကြမ်းဖက်ဝါဒနှင့် အစွန်းရောက် ၀ါဒများက ဘာသာရေးယုံကြည် ကိုးကွယ်ကျင့်သုံးမှုကို အခြေခံ သည်ဟု ကျွန်ုပ်တို့ယူဆလက်ခံ ခြင်းမရှိပါ။ ကိုးကွယ်ရာဘာသာ အယူဝါဒ၏ မူရင်းသင်ကြားချက် ကိုးကွယ်သူတို့က မိမိတို့၏ဆန္ဒ၊ မောဟ၊ ဒေါသ၊ လောဘဟူသော အဂတိတရားတို့နှင့် ရောနှော လျက် ပြုပြင်ဖန်တီးကြသော ကြောင့်သာလျှင် အကြမ်းဖက်မှု နှင့် အစွန်းရောက်မှုတို့ဖြစ်ပေါ်လာ ရသည်ဟု ကျွန်ုပ်တို့ယုံကြည်ထား ပါသည်။ သို့ဖြစ်ပါ၍ ကျွန်ုပ်တို့ ဘာသာရေး ခေါင်းဆောင်များ အားလုံးသည် မိမိတို့ဘာသာဝင် များအား ဘာသာတရား၏လမ်း ညွှန်ချက်ကို၊ အစစ်အမှန်များကို အဂတိတရားမလိုက်စားဘဲ သင် ကြားပေးရမည့်တာဝန်ရှိသည်’’ ဟု ဥက္ကဋ္ဌဆရာတော်ကမိန့်သည်။

ယနေ့ကမ္ဘာတွင် ဘာသာ ရေးကို အမည်တပ်လျက် အစွန်း ရောက်ဝါဒနှင့် အကြမ်းဖက်ဝါဒ တို့ပေါ်ထွန်းနေခြင်းသည် လွန်စွာ ၀မ်းနည်းဖွယ်ကောင်းလှကြောင်း ဥက္ကဋ္ဌ ဆရာတော်ဒေါက်တာ ဘဒ္ဒန္တကုမာရာဘိဝံသက ဆက် လက်မိန့်ကြားသည်။ 

မြန်မာ့မြေပေါ်တွင် ငြိမ်းချမ်း ခြင်း၊ ပြန်လည် သင့်မြတ်ခြင်း၊ချစ် ခြင်း၊ မျှော်လင့်ခြင်းမျိုးစေ့များ စိုက်ပျိုးရန် ဆရာတော်တို့နှင့်အ တူတကွ ခရီးကိုလျှောက်လှမ်းလို ကြောင်း ကက်သလစ်ညီအစ်ကို မောင်နှမများကိုယ်စား လျှောက် ထားလိုသည်ဟု ပုပ်ရဟန်းမင်း ကြီးက မဟနဆရာတော်များအား ပြောကြားသည်။

ပုပ်ရဟန်းမင်းကြီးနှင့် မဟန ဆရာတော်တို့ အချိန်တစ်နာရီခွဲ ကြာ တွေ့ဆုံပြီး လက်ဆောင်များ အပြန်အလှန်ပေးအပ်ခဲ့သည်။

မဟနဥက္ကဋ္ဌဆရာတော်က ရွှေတိဂုံစေတီပုံပါ ရွှေရောင်ပန်းချီ ကားတစ်ချပ်ကို  ပေးအပ်ခဲ့ပြီးပုပ်ရဟန်းမင်းကြီးကငြိမ်းချမ်းရေး သင်္ကေတဖြစ်သော ချိုးဖြူငှက်ရုပ် တုကို ပြန်လည်ပေးအပ်ခဲ့သည်။

ပုပ်ရဟန်းမင်းကြီးသည် ယ နေ့(နိုဝင်ဘာ ၃၀ ရက်) နံနက်တွင် စိန့်မေရီကာသီဒြယ် ဘုရား ကျောင်း၌ လူငယ်တစ်ထောင် ကျော်နှင့်တွေ့ဆုံမည်ဖြစ်သည်။ ထို့နောက် ပုပ်ရဟန်းမင်းကြီး သည်နေ့လယ် ၁၂ နာရီ ၄၅ မိနစ် တွင် မြန်မာပြည်သမိုင်းဝင်ခရီး စဉ်ပြီးဆုံးပြီး ရန်ကုန်အပြည်ပြည် ဆိုင်ရာလေဆိပ်မှတစ်ဆင့် ဘင်္ဂ လားဒေ့ရ်ှနိုင်ငံသို့ ထွက်ခွာမည် ဖြစ်သည်။