မြန်မာနိုင်ငံတွင် တစ်နာရီလျှင် တစ်ဦးနှုန်း အိတ်ခ်ျအိုင်ဗီပိုး ကူးစက်ခံနေရ

 မြန်မာနိုင်ငံတွင် HIV ပိုး အသစ်ကူးစက်ခံရမှုနှုန်းသည် တစ်နာရီလျှင် တစ်ဦးနှုန်းရှိနေပြီး နေ့စဉ် လူဦးရေ ၃၀ ခန့် ကူးစက်ခံနေရကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ပြောသည်။

မြန်မာနိုင်ငံတွင် ခန့်မှန်း တွက်ချက်မှုအရ ၂၀၁၆ အတွင်း အိတ်ခ်ျအိုင်ဗီ ရောဂါကူးစက်ခံရ သူ လူနာအသစ်ဦးရေ ၁၁,၁၄၉ဦးရှိပြီး နေ့စဉ်လူဦးရေ ၃၀ ခန့် ကူးစက်ခံနေရကြောင်း ၎င်းက ပြောကြားသည်။ ရန်ကုန်မြို့ သူနာပြုတက္ကသိုလ်၌ ဒီဇင်ဘာ ၁ ရက် က ပြုလုပ်သော ကမ္ဘာ့ခုခံအားကျ ကာလသားရောဂါ တိုက်ဖျက်ရေး နေ့ အခမ်းအနားတွင် ပြည်ထောင်စုဝန်ကြီး၏ မိန့်ခွန်းကို ဆေးသုတေသနဦးစီးဌာန (အောက်မြန်မာ ပြည်) ညွှန်ကြားရေးမှူးချုပ် ဒေါက်တာကျော်ဇင်သန့်က ဝန်ကြီးကိုယ်စား ပြောကြားသည်။


 ‘‘HIV/AIDS ဖြစ်ပွားမှု ကြောင့် ခွဲခြားနှိမ့်ချဆက်ဆံခံရ တာ။ စိတ်ပိုင်း၊ လူမှုရေးပိုင်းဆိုင်ရာနဲ့ စီးပွားရေးအခက်အခဲများ ကြုံ တွေ့ရတာတွေအပြင် HIV/AIDSနဲ့ ဆက်နွှယ်တဲ့ ရောဂါတွေဖြစ်ပွား တာ၊ နာမကျန်းဖြစ်တာတွေနဲ့ သေဆုံးတာတွေ များစွာဖြစ်ပေါ် ခဲ့ခြင်းဟာ ကျွန်တော်တို့နိုင်ငံရဲ့ ကျန်းမာရေးစောင့်ရှောက်မှုစနစ် အပေါ်မှာ များစွာဝန်ထုပ်ဝန်ပိုး ဖြစ်စေပါတယ်။ လွန်ခဲ့တဲ့ နှစ် ၃၀ ကာလတိုကို ပြန်ကြည့်ရင် မြန်မာ နိုင်ငံအနေနဲ့ ဒီရောဂါကို တိုက် ဖျက်နိုင်ဖို့အတွက် အခက်အခဲ များနဲ့ စိန်ခေါ်မှုများစွာ ကြုံတွေ့ခဲ့ ရပါတယ်။ အသစ်ဖြစ်ပွားနှုန်း လျော့ကျနိုင်စေဖို့ ရှေ့ဆက် ဆောင်ရွက်ရမယ့် လုပ်ငန်းတွေ အများကြီးရှိနေပါသေးတယ်။ ၂၀၃၀ အကုန်မှာ HIV ပိုးကူးစက်မှု ကင်းဝေးတဲ့ လူ့အဖွဲ့အစည်း တစ်ရပ်ပေါ်ထွက်လာဖို့ဆိုတဲ့ ရည်မှန်းချက်ထားထားတယ်’’ဟု ဒေါက်တာကျော်ဇင်သန့်က ပြောသည်။

မြန်မာနိုင်ငံတွင် HIV ရောဂါ ပိုးဖြစ်ပွားသူ ၂၂၀,၀၀၀ ခန့်ရှိပြီးမူးယစ်ဆေးအကြောထဲထိုးသွင်းသူ ၂၉ ရာခိုင်နှုန်း၊ အမျိုးသမီးလိင်လုပ်သားကြား ၇ ရာခိုင်နှုန်း၊ အမျိုးသားချင်း လိင်တူဆက်ဆံသူများကြား ၁၃ ရာခိုင်နှုန်း ကူးစက်ခံနေရသည်။ အသစ်ကူးစက်ခံရမှုသည် ၂၀၀၀ ပြည့်နှစ်တွင် လူဦးရေ ၃၅,၀၀၀ ရှိခဲ့ရာမှ ၂၀၁၆ တွင်၁၅,၀၀၀ ကျော်အထိ ကျဆင်းလာသော်လည်း ၂၀၃၀ အကုန်တွင် HIV ပိုးကူးစက်မှုကင်းဝေးသည့် အဆင့်ထိရောက်ရန် ရည်မှန်း ဆောင်ရွက်နေဆဲဖြစ်သည်။

တစ်နိုင်ငံလုံး အတိုင်းအတာ ဖြင့် ဖြစ်ပွားမှု အမြင့်မားဆုံးနေရာ ဒေသများသည် ကချင်ပြည်နယ်၊ ရှမ်းပြည်နယ်မြောက်ပိုင်း၊ စစ် ကိုင်းတိုင်း၊ မန္တလေးတိုင်းနှင့် ရန် ကုန်တိုင်းတို့ဖြစ်သည်။

အဆိုပါ အခမ်းအနားသို့ တက်ရောက်လာသော ရန်ကုန် တိုင်း အစိုးရအဖွဲ့ လူမှုရေးဝန်ကြီး ဦးနိုင်ငံလင်းက အာရှပစိဖိတ် ဒေသတွင် အိတ်ခ်ျအိုင်ဗီရောဂါ ဖြစ်ပွားနှုန်းများသည့် နိုင်ငံများထဲ တွင် မြန်မာနိုင်ငံသည် ဆဋ္ဌမ မြောက်နိုင်ငံအဖြစ် တည်ရှိနေ ကြောင်း၊ အိတ်ခ်ျအိုင်ဗီဝေဒနာ ရှင်များအတွက် အရည်အသွေး ပြည့် ကျန်းမာရေးစောင့်ရှောက်မှု များ တစ်ပြေးညီရရှိရန် လိုအပ် ကြောင်း ပြောကြားသည်။

Top News