ရွှေအရောင်းအဝယ် ကောင်း၊ ဈေးမကျ

ကမ္ဘာ့ရွှေဈေး တစ်အောင်စလျှင် ကန်ဒေါ်လာ ၂၀ ကျဆင်းသော်လည်း ပြည်တွင်း ရွှေဈေးအပြောင်းအလဲမရှိဘဲ အရောင်းအဝယ်ကောင်းနေကြောင်း ပြည်တွင်းရွှေလုပ်ငန်းရှင်များက ပြောသည်။

ကမ္ဘာ့ရွှေဈေးသည် နိုဝင် ဘာအတွင်း တစ်အောင်စလျှင် အ မြင့်ဆုံးကန်ဒေါ်လာ ၁,၃၀၀ ရှိ သော်လည်း ဒီဇင်ဘာလဆန်းတွင် ၁,၂၈၀ သို့ဈေးကျဆင်းခဲ့ကြောင်း၊ သို့သော် ပြည်တွင်းရွှေဈေးသည် တစ်ကျပ်သားလျှင် ကျပ် ၉၃၀,၀၀၀ ခန့်ဖြင့် အမြင့်ဆုံး၌ ရှိနေကြောင်း  တိတ်စိန်ရွှေဆိုင် ပိုင်ရှင် ဦးဇော်အောင်က ပြောကြားသည်။

‘‘ရောင်းအားက အခေါက် ရွှေတုံးတွေ အဝယ်လိုက်နေတယ်။ လက်ဝတ်ရတနာကတော့ ရောင်းအားနည်းနေသေးတယ်’’ ဟု ၎င်းကဆက်လက်ပြောသည်။

ယခုရာသီတွင် တောင်သူ လယ်သမားများ ငွေပေါ်ချိန်ဖြစ်၍ မန္တလေး၌ လက်ဝတ်ရတနာ ရွှေထည် ဝယ်ယူသူများနှင့် အ ခေါက်ရွှေတုံး ဝယ်စုသူများ ပိုများ လာကြောင်း အောင်သမာဓိရွှေ ဆိုင် အထွေထွေမန်နေဂျာ ဦးမော် ကပြောသည်။

 ပြည်တွင်း ရွှေဈေးသည် လက်ရှိတွင် လက်ဝတ်ရတနာနှင့် အခေါက်ရွှေဝယ်လိုအားများနေ ခြင်းကြောင့် အမြင့်ဈေး၌ ရှိနေကြောင်း ရွှေလုပ်ငန်းရှင်ဦးမင်းမင်းက ပြောသည်။

၂၀၁၆ ဒီဇင်ဘာ ၂ ရက် က ပြည်တွင်းအခေါက်ရွှေတစ်ကျပ် သားလျှင် ကျပ် ၈၅၈,၀၀၀ ပေါက်ဈေးရှိခဲ့သည်။

Top News