အမျိုးသမီးများ အမျိုးသားများထက် ပန်းနာရင်ကျပ် ဖြစ်ပွားနိုင်သည့် အန္တရာယ်မြင့်မား

အန္တရာယ်ရှိသော ဝတ်မှုန်များ၊ ဖုန်မှုန့်များ (သို့မဟုတ်) အခြားသော ဓာတ်မတည့်ဖြစ်စေသည့် အမှုန်အမွှားများကို အဆုတ်က ရှူမသွင်း အောင် ကာကွယ်ပေးသော ကျားလိင်ဟော်မုန်းများ အမျိုးသမီးများတွင် မရှိခြင်းကြောင့် ၎င်းတို့သည် အမျိုးသားများထက်ပို၍ ပန်း နာရောဂါ ဖြစ်နိုင်ခြေပိုများကြောင်း လေ့လာမှုတစ်ရပ်က ဖော်ပြ သည်။

ကျားဟော်မုန်းသည် ခန္ဓာကိုယ်ထဲ ချင်းနင်းဝင်ရောက်လာ သည့် ဗိုင်းရပ်စ်များကို ခန္ဓာကိုယ်၏ နောက်ဆုံးခံစစ်စည်းအဖြစ် တားဆီးပေးသည့် ကိုယ်ခံအားဆဲလ်များကဲ့သို့ အလုပ်လုပ်ကြောင်း လေ့လာတွေ့ရှိသည်။


ယင်းကိုယ်ခံအားဆဲလ်များသည် ပန်းနာရောဂါလက္ခဏာများ နှင့် ဆက်စပ်နေပြီး ရောင်ရမ်းခြင်းနှင့် အဆုတ်ထဲ၌ သလိပ်ထုတ်လုပ် ခြင်းတို့နှင့် ဆက်စပ်နေသည့် ယင်းအခြေအနေများကြောင့် ပန်းနာ ရောဂါထချိန်တွင် လေပြွန်ကျဉ်းမြောင်းသွားသည်။

ကနဦးတွင် သားအိမ်ဟော်မုန်းများက ရောင်ရမ်းမှုများကို ပိုဆိုးစေသည်ဟု မိမိတို့ထင်ထားခဲ့ကြောင်း အမေရိကန်နိုင်ငံ ဗန်ဒါဘီလ်တက္ကသိုလ် သုတေသီများကပြောသည်။

ယခင်လေ့လာမှုများတွင် ကြီးကောင်ဝင်စအရွယ် ယောက်ျား လေးများ ပန်းနာရောဂါဖြစ်ပွားမှုသည် မိန်းကလေးများထက် ၁ ဒသမ ၅ ဆ ပိုမြင့်မားကြောင်း တွေ့ရှိခဲ့သည်။ သို့သော် အခြေအနေ သည် ကြီးကောင်ဝင်စအရွယ် နောက်ပိုင်းတွင် ပြောင်းပြန်ဖြစ်သွား ပြီး အမျိုးသမီးများ ပန်းနာရင်ကျပ်ရောဂါဖြစ်နိုင်ခြေ နှစ်ဆမြင့်မား လာသည်။

ယင်းအခြေအနေသည် အမျိုးသမီးတစ်ဦး သွေးဆုံးချိန်အထိ ဆက်လက်ဖြစ်ပေါ်ပြီး သွေးဆုံးပြီးနောက် ပန်းနာရောဂါဖြစ်ပွားမှုနှုန်း စတင်လျော့ကျကြောင်း သုတေသီများကပြောသည်။

ပန်းနာရောဂါသည်များ၏ သွေးထဲတွင် ရောဂါမရှိသူများထက် ILC2 ဟုခေါ်သော ဆဲလ်များပိုများပြီး ပန်းနာရောဂါသည် အမျိုးသမီးများတွင် အမျိုးသားများထက် ILC2 ဆဲလ် ပိုများကြောင်း တွေ့ ရသည်။                                                      

—Ref: TOI