တိုက်ဖျက်ပစ်ရမယ့် အမြစ်တွယ်ပြဿနာ

နိုင်ငံတော် သမ္မတက အမည်စာရင်း ပေးပို့ခဲ့တဲ့ အဂတိလိုက်စားမှု တိုက်ဖျက်ရေးကော်မရှင်သစ်ကို ပြည်ထောင်စုလွှတ်တော်က ကန့်ကွက်မှုမရှိဘဲ သဘောတူကြောင်း ဆုံးဖြတ်ခဲ့တဲ့အတွက်ယခင် သမ္မတဦးသိန်းစိန် လက်ထက်က ပြန်ကြားရေး ၀န်ကြီးဟောင်း ဦးအောင်ကြည်ဥက္ကဋ္ဌ အဖြစ်  တာဝန်ယူမယ့် အဖွဲ့ဝင် ၁၂ ဦးပါတဲ့ ကော်မရှင်သစ်ဟာ အဂတိ လိုက်စားမှု တိုက်ဖျက်ရေး တာဝန်ကို ထမ်းဆောင်ကြတော့မှာ ဖြစ်ပါတယ်။

ကော်မရှင်သစ်ဖွဲ့စည်းပြီး လို့ မကြာမီမှာပဲ ဥက္ကဋ္ဌဦးအောင် ကြည်က သေးငယ်သည့်အမှုများ ကို ပြင်းပြင်းထန်ထန် အရေးယူ ခြင်းထက် အကျင့်ပျက်ခြစားမှု ကြီးကြီးမားမား ကျူးလွန်သူများ ကို ဖော်ထုတ်အရေးယူနိုင်ရန် အရေးကြီးတယ်လို့ ယူဆကြောင်း သူ့သဘောထားကို ထုတ်ဖော် ပြောကြားလာပါတယ်။ ဒါ့အပြင် လက်ရှိအဂတိလိုက်စားမှု တိုက် ဖျက်ရေးဥပဒေတွင် ထိရောက် သည့် စုံစမ်းမှုလုပ်ဆောင်ရန် အ ခွင့်အရေးမရှိ၍ ဥပဒေကြောင်း အရ ပြင်ဆင်ရန်ကြိုးစားမှာဖြစ် သလို ဥပဒေပြင်ဆင်နိုင်ရေး လုပ်ဆောင်နေစဉ် အသိပညာပေးခြင်းနှင့် ကာကွယ်တားဆီးရေး လုပ်ငန်းများ လုပ်ဆောင်ခြင်းကို တတ်နိုင်သလောက်ဆောင်ရွက်ရန် ရည်ရွယ်ထားကြောင်းတို့ကို ပြောကြားခဲ့ပါတယ်။

 သမ္မတဦးသိန်းစိန် လက် ထက် ၂၀၁၄ ဖေဖော်ဝါရီက ဖွဲ့စည်း ခဲ့သည့် အဂတိလိုက်စားမှုတိုက် ဖျက်ရေး ကော်မရှင်အဟောင်းကို ဖျက်သိမ်းပြီး သက်တမ်းကုန်ဆုံးသွားသည့် ကော်မရှင်ဟောင်းနေရာမှာ အသစ်ဖွဲ့စည်းခြင်းနဲ့ပတ် သက်ပြီး ပြည်သူတွေက မျှော်လင့် ချက်ကြီးကြီး ထားနေကြပါတယ်။ ကော်မရှင်ဟောင်းဟာ စုံစမ်းစစ် ဆေးမှုနဲ့ အရေးယူမှုတွေ ရှိခဲ့ပေ မယ့် ထိရောက်တဲ့အရေးယူမှု များများစားစား မရှိခဲ့ဘူးလို့ မြင်ပါ တယ်။

ယခုကော်မရှင်သစ်လက် ထက်မှာ စစချင်းဆိုသလို သေး ငယ်တဲ့အမှုထက် ကြီးမားတဲ့ခြ စားမှုများကို နိုင်ငံတော်အကျိုးအ တွက် ဖော်ထုတ်အရေးယူမယ်ဆို လို့ ပြည်သူတစ်ဦးအနေနဲ့ ကျေ နပ်အားရမှု ဖြစ်ခဲ့ပါတယ်။ သို့ သော်လည်း တစ်ရက်၊ နှစ်ရက် အကြာမှာ ထိရောက်တဲ့စုံစမ်းမှု တွေ လုပ်ဆောင်နိုင်ရန် အခွင့်အ ရေးမရှိ၍ ဥပဒေကြောင်းအရ ပြင် ဆင်ရန်ကြိုးစားမှာ ဖြစ်ကြောင်းနဲ့ ထိုကာလအတွင်း အသိပညာပေး ခြင်းကို ဆောင်ရွက်သွားမယ်ဆို တဲ့အတွက် တစ်ဖန်ပြန်အားလျော့ သွားရပြန်ပါတယ်။

 လာဘ်ပေး လာဘ်ယူမှု၊ အဂတိလိုက်စားမှု၊ အကျင့်ပျက် ခြစားမှုတွေဟာ သည်နိုင်ငံမှာ အ မြစ်တွယ်နေတာ နှစ်ပေါင်းဆယ် စုနှစ်နဲ့ ချီနေပြီး မကောင်းမှုနဲ့ အ သားကျနေသလို ဖြစ်နေပါတယ်။ ဒါကြောင့်လည်း လူတော်တော် များများက ဒီမကောင်းမှုတွေ ပျောက်အောင်ပြုလုပ်ပေးမယ့် အစိုးရတစ်ရပ်ကို တောင့်တခဲ့တာ အမှန်ပါပဲ။

နိုင်ငံတိုင်းဟာ ကိုယ့်နိုင်ငံဖွံ့ ဖြိုးတိုးတက်ဖို့အတွက် အဓိက မဏ္ဍိုင်ကြီးဖြစ်တဲ့ အုပ်ချုပ်ရေး မဏ္ဍိုင်၊ ဥပဒေပြုရေးမဏ္ဍိုင်၊ တရားစီရင်ရေးမဏ္ဍိုင်တို့ကို မယိုင်လဲအောင် ထိန်းမတ်ဖို့ကြိုး စားကြပါတယ်။ အထူးသဖြင့် ထို မဏ္ဍိုင်သုံးရပ်မှာ တာဝန်ထမ်း ဆောင်ကြတဲ့ ပုဂ္ဂိုလ်အသီးသီး ဟာ အဂတိတရားကင်းရှင်းပြီး ဖြောင့်မတ်မှန်ကန်ပါမှ အစိုးရ ယန္တရားများ မှန်မှန်ကန်ကန် လည်ပတ်နိုင်မှာ ဖြစ်ပါတယ်။

ကော်မရှင်ဥက္ကဋ္ဌပြောသလို သေးငယ်တဲ့ အမှုထက်ကြီးမား တဲ့ ခြစားမှုများကို နိုင်ငံ့အကျိုးအ တွက်ဖော်ထုတ်အရေးယူမယ်ဆို တာကို ပြည်သူများကကြိုဆိုပါ တယ်။ ပြီးခဲ့တဲ့ ကော်မရှင်လက် ထက်မှာ ကြီးမားတဲ့ခြစားမှုကို အရေးယူနိုင်တာ လက်ဆယ် ချောင်းတောင် မပြည့်ခဲ့ပါဘူး။ နိုင်ငံ့ဘဏ္ဍာတွေ ကြီးမားစွာဆုံး ရှုံးနေရတာဟာ ဖွံ့ဖြိုးဆဲနိုင်ငံအ တွက် နစ်နာလှပါတယ်။ ဒါကို ဟိုလူ့မျက်နှာကြည့်ရ၊ ဒီလူ့မျက် နှာထောက်ရနဲ့ မထိရဲ၊ မတို့ရဲဖြစ် နေရင် ဆက်လက်ဆုံးရှုံးဖို့ပဲ ရှိပါ တယ်။ ယခင်အစိုးရလက်ထက် တွေမှာ နိုင်ငံတော်စီမံကိန်းတွေ အတွက် MOU, MOA စတာတွေ လက်မှတ်ရေးထိုးဖို့ သက်ဆိုင်သူ တွေကို ဒေါ်လာသန်းနဲ့ချီ ပေးရ တဲ့သတင်းတွေ ကြားခဲ့ရဖူးပါ တယ်။ ဒါ့အပြင် ဆောက်လုပ်ရေး လုပ်ငန်းတွေမှာ စံချိန်စံညွှန်း မမီ တဲ့ပစ္စည်းတွေအသုံးပြုခဲ့လို့ လွှတ် တော်ထဲမှာ ဆီးသီးဗန်းမှောက် တယ်ဆိုတယ်ဆိုတဲ့ စကားတောင် ခေတ်စားခဲ့ပါသေးတယ်။ ဒီခြစား မှုတွေကြောင့် တိုင်းပြည်နစ်နာရ ပြီး နိုင်ငံတကာရင်းနှီးမြှုပ်နှံလိုသူ တွေရဲ့ အမြင်မှာ နိုင်ငံ့ပုံရိပ်ကို အထင်သေးစွာ ရှုမြင်နိုင်ပါတယ်။

ကြီးမားတဲ့အကျင့်ပျက်ခြ စားမှုတွေ ဖော်ထုတ်အရေးယူနိုင် မှ ပိုမိုထိရောက်နိုင်တာ မှန်သော် လည်း သေးငယ်တဲ့ အဂတိလိုက် စားမှုတွေကိုလည်း မမြင်ယောင် ဆောင်နေလို့ မရပါဘူး။ အမှိုက် ကစ ပြာသာဒ်မီးလောင်ဆိုတဲ့ စကားလည်း အရှိသားမဟုတ် လား။ အထူးသဖြင့် ပြည်သူတွေ နဲ့ အထိတွေ့ဆုံးဖြစ်တဲ့ တရားစီ ရင်ရေးနယ်ပယ်က အသံတွေကို နားစွင့်သင့်တယ် ထင်ပါတယ်။

တချို့တရားရုံးတွေမှာ ရှေ့ နေတွေက အမှုပွဲစားလုပ်ပြီး တရားသူကြီးနဲ့ ဥပဒေအရာရှိတွေ ကို လာဘ်ပေးဖို့ တရားခံ၊ တရား လိုတွေဆီက နည်းမျိုးစုံနဲ့ ငွေညှစ် ထုတ်နေတာတွေ ရှိနေတုန်းပါ။ ရဲကစွဲထားတဲ့ ပုဒ်မကိုပြင်ဆင်ဖို့ လာဘ်ငွေယူကာ သက်သေခံ ပစ္စည်းကို ပြောင်းလဲဖို့ပြုလုပ်တာ တွေဟာ အင်မတန်အရုပ်ဆိုးတဲ့ ကိစ္စတွေဖြစ်ပါတယ်။ တချို့ ထောင်ဒဏ်တစ်ရက်(သို့မဟုတ်) ဒဏ်ငွေသာ ပြစ်ဒဏ်ချမှတ်ခံရ တဲ့ အမှုတွေဆို တရားခံဟာ တရားခွင်ထဲ မထိုင်ရဘဲ လာဘ်ငွေပေး ပြီး ရုံးအမိန့်ယူသွားရတဲ့ တရားစီ ရင်ပုံတွေကိုလည်း ကြားနေရပါ တယ်။ တရားရုံးအချို့ရဲ့ အဂတိ လိုက်စားမှု၊ အဂတိလိုက်စားပုံ တွေဟာ တရားလိုက ရုံးရောက် မှ တရားခံဖြစ်သွားရတဲ့ ဘ၀အထိ အမျိုးမျိုးရှိနေတာကြောင့် ကော် မရှင်လူကြီးမင်းများ ကိုယ်တိုင် တရားရုံးများကို ရှောင်တခင်သွား ရောက်နားထောင်မယ်ဆိုရင်ဖြင့် ပိုမိုပြည့်စုံစွာ သိရှိနိုင်မှာ ဖြစ်တယ်လို့ ဆိုချင်ပါတယ်။

ယခုအစိုးရလက်ထက်မှာ ပြည်ထောင်စုတရားသူကြီးများ ကို တိုးမြှင့်ခန့်ထားပြီး တစ်နှစ်အ တွင်း တရားသူကြီး ၁၁၆ ဦးကို အရေးယူခဲ့ကြောင်း တရားရုံးနှစ် စဉ် အစီရင်ခံစာအရ သိရှိရသော် လည်း ပြည်သူတွေယုံကြည်စိတ် ချအားကိုးရတဲ့ တရားစီရင်ရေး မဏ္ဍိုင်ဖြစ်ဖို့ ဆက်လက်ကြိုးစား ရဦးမှာ ဖြစ်ပါတယ်။

 အဂတိ လိုက်စားမှုတွေနဲ့ ပတ်သက်ပြီး ကော်မရှင်က ပညာပေးမှုတွေ လုပ်သွားဖို့ ရှိတယ်လို့ သိရပါတယ်။ ပညာပေးတဲ့နေရာ မှာလည်း လာဘ်ပေးသူကိုရော လာဘ်ယူသူကိုပါ အပြစ်မကင်းကြောင်း သိရှိစေသင့်ပါတယ်။ မီးဆိုသည်မှာ သူ့အလိုလိုလောင်ခြင်းထက် ရှို့သူရှိသောကြောင့် လောင်ခြင်းမျိုးလည်းရှိပေရာ လိုချင် တပ်မက်သောလောဘ မီးတောက်လောင်လာအောင် မီးမွှေးပေးသော လာဘ်ပေးသူများမှာလည်း အပြစ်ကြီး စွာရှိကြောင်း သဘောပေါက် နားလည်အောင် ပညာပေးသင့်တယ်လို့ မြင်ပါတယ်။

ကိုလိုနီခေတ်က မော်လမြိုင် သို့ ပြောင်းလာသော ၀န်ထောက် မင်းအသစ်ရဲ့ အိမ်ကိုမြို့မိ မြို့ဖ များက အလည်လာရင်း မိသားစု အခြေအနေကို အကဲခတ်သွားပါ တယ်။ နောက်တစ်ရက် ၀န် ထောက်မင်းရုံးကအပြန် အိမ်က ဧည့်ခန်းထဲမှာ ဖိလစ်ရေဒီယိုအ သစ်ကြီး ရောက်ရှိနေတာတွေ့လို့ ဒေါသူပုန်ထပြီး ပြန်ဖို့ခိုင်းလိုက်ပါ တယ်။ နောက်နှစ်ရက်ကြာ ၀န် ထောက်မင်းအိမ်အပြန်မှာတော့ ပြန်ပို့ခိုင်းလိုက်တဲ့ ဖိလစ်ရေဒီယို ထက်ပိုကောင်းတဲ့ ရေဒီယိုသာမ က ဓာတ်ပြားပါဖွင့်နိုင်တဲ့ ဖိလစ် ရေဒီယိုဂရန်ကြီး ရောက်နေတာ တွေ့ရပါသတဲ့။ ဘာဆက်ဖြစ် တယ်ဆိုတာတော့ စာဖတ်သူများ ခန့်မှန်းနိုင်ပါလိမ့်မယ်။ ဒီနေရာ မှာ ဆင်ခြင်ရမှာက မြို့မိ မြို့ဖများရဲ့ ရှို့မီးဖြစ်ပါတယ်။ ၀န်ထောက်မင်းရဲ့ လောဘမီးကို တောက်လောင်စေတာ မြို့မိ မြို့ဖတွေ ဖြစ်ပါတယ်။ လာဘ်ယူသူထက် လာဘ်ပေးသူရဲ့ အပြစ်က ပိုကြီးနေနိုင်တာကို ဒီသာဓကနဲ့ ကြည့်နိုင်ပါတယ်။

 ဒုတိယကမ္ဘာစစ် အပြီးမှာ ဂျာမန်တွေက သူတို့စည်းကမ်းမရှိ လို့၊ ဥပဒေကို ချိုးဖောက်ခဲ့လို့၊ အကျင့်ပျက်ခဲ့လို့ စစ်ရှုံးပြီး ပြာပုံ ဘ၀ရောက်ခဲ့ရတယ်။ အခုတိုင်း ပြည်ထူထောင်ချိန်မှာ အကျင့် ပျက်မှုတွေသာ ပြန်ယူလာရင် ဂျာ မနီဟာဘယ်တော့မှ ရှေ့ရောက် မှာမဟုတ်ဘူးလို့ ကြွေးကြော်ခဲ့ပါ တယ်။

ကျွန်တော်တို့ တိုင်းသူပြည် သားတွေအနေနဲ့ ခေတ်နောက်ကျ နေရတဲ့ဘ၀မှ ရှေ့ရောက်ဖို့ ကြိုး စားရာမှာ စည်းကမ်းရှိဖို့၊ အကျင့် မပျက်ဖို့၊ တရားဥပဒေမချိုး ဖောက်ဖို့တွေ လိုပါတယ်။ ကော် မရှင်အသစ်အနေနဲ့လည်း ဥပဒေ ပြင်ဆင်ရေး၊ ပညာပေးရေးတွေ လျင်မြန်စွာပြုလုပ်ပြီး ပြည်သူတွေ ယုံကြည်အားကိုးရတဲ့ ကော်မရှင်ဖြစ်အောင် ကြိုးပမ်းစေလို ပါတယ်။

 ညစ်ထေးနေတဲ့ ပုံရိပ်ကို လျှော်ဖွပ်ပြီး ကျွန်တော်တို့နိုင်ငံ ရှေ့ရောက်အောင် ဆောင်ရွက် ကြရန် မဟုတ်လားဗျာ ။    ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)