ကင်ဆာရောဂါများ၏ ၆ ရာခိုင်နှုန်းသည် ကိုယ်အလေးချိန် ပိုများခြင်းနှင့် ဆီးချိုရောဂါတို့ကြောင့်ဖြစ်

ကိုယ်အလေးချိန် ပိုများနေခြင်းနှင့် ဆီးချိုရောဂါရှိခြင်းတို့ကြောင့် ကမ္ဘာတစ်ဝန်း ကင်ဆာရောဂါများ၏ ၆ ရာခိုင်နှုန်းကို ဖြစ်ပွားစေ ကြောင်း လေ့လာမှုတစ်ရပ်က ဖော်ပြသည်။

အ၀လွန်ခြင်းနှင့် ဆီးချိုရောဂါ နှစ်မျိုးစလုံးကြောင့် ကင်ဆာ ရောဂါဖြစ်စေပြီး ယင်းရောဂါနှစ်မျိုးစလုံးသည် ကြိုတင်ကာကွယ် နိုင်သည့် ရောဂါများဖြစ်သည်ဟု စိန့်လူးဝစ်မြို့ ၀ါရှင်တန်တက္က သိုလ် ဆေးကျောင်းမှ ဒေါက်တာဂရာဟမ်ကိုလ်ဒစ်ကပြောသည်။


အသက်ငယ်ရွယ်စဉ်ကပင် ဘ၀တစ်လျှောက်လုံး ကျန်းမာ ရေးနှင့်ညီသော ကိုယ်အလေးချိန်ကို ထိန်းသိမ်းရေး လူများကို ကူ ညီရန် အရေးယူဆောင်ရွက်မှုများ ပိုမိုလိုအပ်သည်ဟု သုတေသီ များကပြောသည်။

ဆီးချိုရောဂါနှင့် အ၀လွန်ခြင်းတို့ကြောင့် သွေးထဲတွင် သကြား ဓာတ်ပမာဏမြင့်တက်ခြင်း၊ ပြင်းထန်သောရောင်ရမ်းမှုများ၊ လိင် ဟော်မုန်းများ ကမောက်ကမဖြစ်ခြင်းတို့ကဲ့သို့ ဇီဝဆိုင်ရာ ပြောင်း လဲမှုများ ဖြစ်စေသည်။ အချိန်ကြာပါက ယင်းအခြေအနေများသည် ကင်ဆာရောဂါဖြစ်ပွားမှုဆီသို့ ဦးတည်သွားကြောင်း ဗြိတိန် သုတေသီများက ရှင်းပြသည်။

နိုင်ငံပေါင်း ၁၇၅ နိုင်ငံတွင် ၂၀၁၂ အတွင်း ကင်ဆာရောဂါဖြစ် ပွားမှုများ၏ ၅ ဒသမ ၆ ရာခိုင်နှုန်းသည် ခန္ဓာကိုယ်ညွှန်းကိန်း(BMI) မြင့်မားခြင်းနှင့် ဆီးချိုရောဂါကြောင့်ဖြစ်သည်။ BMI သည် အရပ် အမြင့်နှင့် ကိုယ်အလေးချိန်ကို မူတည်၍ ခန္ဓာကိုယ်အဆီပမာဏကို ခန့်မှန်းသော ကိန်းဂဏန်းဖြစ်သည်။

ကိုယ်အလေးချိန်မြင့်မားခြင်းကြောင့် ကင်ဆာရောဂါ ၄ ရာခိုင် နှုန်းဖြစ်စေပြီး ဆီးချိုရောဂါကြောင့် ၂ ရာခိုင်နှုန်း ဖြစ်စေကြောင်း ယခုလေ့လာမှုက ဖော်ပြသည်။ အဖြစ်အများဆုံး အမျိုးအစား-၂ ဆီးချိုရောဂါသည် အ၀လွန်ခြင်း၊ လှုပ်ရှားမှုမရှိခြင်းတို့နှင့် ဆက်စပ် နေသည်။                                                    

—Ref: UPI