သြစတြေးလျဥပဒေသစ်များက ပြည်ပဝင်ရောက်စွက်ဖက်မှုများကို ကိုင်တွယ်ဖြေရှင်းမည်

 သြစတြေးလျနိုင်ငံရေး ၌ ပြည်ပမှ ဝင်ရောက်စွက်ဖက်မှုသည် လေးနက်သော ပြဿနာ တစ်ရပ်ဖြစ်လာကြောင်း ထိပ် တန်းတာဝန်ရှိသူ တစ်ဦးကပြော ကြားပြီး သူလျှိုလုပ်ခြင်းနှင့် နိုင်ငံ ရပ်ခြားမှ ငွေကြေးလှူဒါန်းခြင်း များနှင့်ပတ်သက်၍ တင်းကျပ် သော ဥပဒေများကို ပါလီမန်သို့ တင်သွင်းခဲ့သည်။

လွန်ခဲ့သော ၂ နှစ်က တရုတ်ကွန်မြူနစ်ပါတီနှင့် ဆက်စပ်မှုရှိ သော ဘီလျံနာနှစ်ဦးထံမှ အလှူ ငွေများ လက်ခံရယူခြင်းနှင့် ပတ်သက်၍ ထောက်လှမ်းရေးအေဂျင်စီက သြစတြေးလျထိပ်တန်းနိုင်ငံ ရေးအသိုင်းအဝိုင်းကို သတိပေး ခဲ့ကြောင်း သတင်းမီဒီယာများ က ဖွင့်ဟခဲ့ပြီးနောက် ဝန်ကြီးချုပ် မယ်လ်ကွန်တန်ဘူလ်က ယင်း ကိစ္စကို စုံစမ်းစစ်ဆေးရန် ဇွန်လ က ညွှန်ကြားခဲ့သည်။


 စုံစမ်းစစ်ဆေးမှုများအရ အများက သတိထားစောင့်ကြည့် ခဲ့သော်လည်း လစ်ဘရယ်နှင့် အ လုပ်သမားပါတီဝင် နိုင်ငံရေးသ မားများသည် ငွေကြေးပမာဏ အမြောက်အမြားကို လက်ခံမြဲ လက်ခံခဲ့သည်ဟုဆိုသည်။

သြစတြေးလျနိုင်ငံ အခြေပြု အဖွဲ့အစည်းများတွင် တရုတ်က ဝင်ရောက် စွက်ဖက်ခဲ့ကြောင်း၊ ဝင်ခွင့်လမ်းကြောင်းများ ရရန်  နိုင်ငံရေးအရ အလှူငွေများ လှူဒါန်းသည့်စနစ်ကို အသုံးချခဲ့သည်ဆိုသော အဓိက စိုးရိမ်ပူပန်မှုများ ထောက်လှမ်းရေးအေဂျင်စီ၌ ရှိခဲ့ကြောင်း စုံစမ်းစစ်ဆေးမှု အစီရင်ခံစာက ဖော်ပြသည်။

 ယင်းစွပ်စွဲချက်များသည် လုံးဝ အခြေအမြစ်မရှိကြောင်း တရုတ်အစိုးရက ပယ်ချခဲ့သည်။

‘‘ပြည်ပကနေ ဝင်ရောက် စွက်ဖက်တဲ့ ပြဿနာဟာ ကျွန် တော်တို့ရဲ့ နိုင်ငံရေးမှာ အတော့် ကို လေးနက်တဲ့ ပြဿနာတစ်ရပ် ဖြစ်လာပါတယ်။ ဒါကြောင့် ဒီတစ် ပတ်နှောင်းပိုင်းမှာ အစိုးရအနေနဲ့ သူလျှိုလုပ်မှုနဲ့ ပြည်ပဝင်ရောက် စွက်ဖက်မှုဥပဒေကို ပြုပြင်ပြောင်း လဲဖို့ သမိုင်းဝင်ဥပဒေတွေ ပြဋ္ဌာန်းဖို့အစီအစဉ်ကို မိတ်ဆက်ပါလိမ့် မယ်လို့ ပါလီမန်ကို ကျွန်တော် ပြောနိုင်ပါတယ်’’ဟု ရှေ့နေချုပ် ဂျော့ဂ်ျဘရန်ဒီစ်က ပါလီမန်အားပြောကြားသည်။   

—Ref: AFP

Top News